مرحبا يااااااااااابنات
خذو هالبرنامج000الصبح على الريق كاس حلبة مع ملعقة عسل بعدها بساعة القهوة تضاف اليها العنزروت +مرة+عويدي+اخلطيهم بعلبة وحطي شوي بالفنجان
علبة عسل كبيرة +لهوم مطحون وتحركينهم وتاخذي 5ملاعق مع القهوة
قرص بر مع بيضتين مسلوقتين
الضحى كاس حليب مغلي
الظهر دجاج مسلوق مع ماش وحلبة
العصر مع القهوة تمرة معجونة بالحبة السوداء والرشاد والسمن
المغرب حليب مغلي اكثري منه لانه يخلي الجسم يفرز دهون
العشاء مرقوق او مطازيز او قرصان اهم حاجة البر
حشى عسكرية وحنا ماندري
اخرررررررررررقرف
بس من بغى الدح ماقال اح
بالعشرين الاخيرة
اخلطي رشاد +ماش+سكر نبات+حلب مجروش+حبة سوداء وتسف وتدفع بالماء الدافئ
ينظف ويجفف
المرة تنقع بالماء وتشرب باستمرار
والله هذي الطريقة مجربتها والنتيجة 10 ايام بدار التوحيد انتركنتتنتال مكة
ادعوا للوالدة الله يخليها لنا قولوا آآآآآآآآآآآآمين

مشكووورة سبدرا على الااضافه

اشكر كل من ساهمت برائها انا عاد كل ولاداتي فاشله مافيها شىء

المره هاذه ودي اتسنع زين وعجبتني بعض الافكار ودي اسويها اشكر صاحبة الموضوع
ايام العمر

هلا والله ..

انتظروا اضافتي لبعض الامور من بعض الردود في هالمنتدى بس خلوني ارتبها .. وانقلها لكم ان شاءالله واتمنى منكم المشاكره بالمعلومات المجربه

لا والله مثل ماوعدتكم صرت ابحث واشوف بعض الردود وانقلها لكم :

وصفه عروس البحر الاحمر :
هذه الوصفة لها فوائد رهيبة للنفاس وتستخدم من أول يوم في الولادة وهي مستخدمة منذ
القدم في المنطقة الجنوبية
أكيد كلكم تعرفون شجرة السدر نأكل نبقها ونستفيد من ورقها للشعر وغيرة بس السر اللي
بقول عليييييييييييييييييييييييية نأخذه من الجذع بعد تكسيره قطع صغيرة نتبخر فية زي ما
نتبخربالعود الخشب
ومن أهم فوائده الرهيبة
يريحك من الإفرازات كلها
يلين الكرش.....
واهم شي الطهر بسرعة
الشعور بالراحة بعد استخدامه و ذوبان كل الألام الناتجة من عملية الولادة و النوم براحة غير شكل
والسر الخطيييييير مرررررررررة هو انه يصلب الظهر يريح من كل الم الظهر بعد الولادة وهو موجود عند العطار

+++++++++++++++++++++++++++
سفانه :
أنا أكثر شي آلمني : إني ما دهنت صدري في آخر شهور الحمل... وتشقق مع الرضاع وآلام

فضيعة... وصرت فرجة للرايح والجاي...من كثر ما أتألم وقت الرضاعة...

لذلك نصيحة:

(ادهني حلمات الصدر من بداية الشهر الثامن وحتى تنتهين من النفاس حتى تتهنى بمولودك)

+++++++++++++++++++++++++++

معلومه حبيت اضيفهاا للي مايحب الحلبه ..
يقولون المااش (حبوب زي العدس على مااظن) تنوخذ لهم 2 م او شوربه تعمل عمل الحلبه :

++++++++++++++++++++++++

@الياسمين@:
الطريقه الي حنا وامي مجربينها في لف البطن
وهو كالاتي تاخذين قماش زبده لانه بارد على الجسم يكون طوله 12 او 11 متر خلاص
وبعدين تثنينه بالنص على طوله
وبعد كذا تثنينه مره ثانيه ويتخيط علشان ماينفك القماش يعني يسير 4 طبقات في القماش
خلاص فهمته علي يعني الطول مايتغير نفسه والعرض صار صخيف
وبعد كذا تنامي على ظهرك وتمرخي بطنك بزيت دافي او فكس الجاوه وحده جاويه اعطتنيه هو زي الزيت لونه اخضر امسح بطني فيه بحيث انك ترفعي الارحام على فوق
وبعد كذا تجيبي القماش من تحت ويكون جهه طويله وجه قصيره بس مو مره قصيره
المهم بعد كذا تربطي القماش من اسفل البطن او من عند الارداف وبعد كذا تبداي بشفط البطن وتلفي الجه الثانيه الطويله
الين توصلي عند العقده وتعقدي عقده ثانيه وهكذا الين اسفل الصدر بضبط
وللمعلوميه امي معودتنا اننا بعد الولاده يعني لما اخرج من المستشفى على طول ابدا بربط
وهذه الطريقه ماخذينه من وحده جاويه
وفعلا يابنات الطريقه روعه روعه تحسي جسمك ملموم
+++++++++++++++++++++++++++

اضافه :

انتبهوا من الشرب او الاكل البارد
الاستحمام اليومي مضر يكفي مره بالاسبوع وتدفي بعده زين ..
الراااحه مهمه حتى لو تحسين انك نشيطه لان التعب مايطلع الى بعد النفااس ..

+++++++++++++++++++
العامريه :
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.
مهم
آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح

++++++++++++++++++++++++
بنات نبي معلومات اكثر عن ربط البطن :

متى نربطه باي وقت من الولاده ؟؟

والطريقه الصحيحه ؟؟

وباي وقت من اليوم نربطه ومتى نشيله ؟؟

وهل يضر الارحام ؟؟