أمل الروح
اذا سويتي رياضه وحسيتي بألم مكان الجرح وقفي
واذا ما وجعتك خلاص استمري

أنا كذا نصحتني الطبيبه
:27: :26:

اسفه على تاخيري بالرد اعذروني ما احصل وقت و اذا صار عندي وقت فاضي على طووول اروح انام .. الصغير الله يصحله مشغلني و ما القى وقت

بيبي فيس
مشكوره اختي على مرورك و الله يجعله في ميزان حسناتك

ام مريم
على قولتك ما بقى شي .. و هذه المشكله
اما موضوع رجوع الجسم مثل اول فا انا متفائله بس اشوف ناس كثير ما شاء الله تلاقينهم سمانين و لهم كروش و هم من زمان ولادين و اقول في نفسي الله يستر لا اصير مثلهم .. مع اني بولادتي الاوله رجع جسمي قريب جدا من اول بس سمنتي هذه المره احسها اكثر من اول علشان كذا شايله همه .. لكن على قولتك لا شغالات و لا شي هنا فا شغل البيت اكيد راح ينفع و انا بديت برياضه خفيفه ها الايام
الله يجزاك خير على مرورك

ازاهير اللقاء
الله يجزاك الف خير على مرورك
بسم الله عليك من الصداع ... علين ب ادفل ممتاز للصداع
اما عن منتدى الحمل و لاولادة فا انا مثلك كنت معسكره عندهم .. بس بعدين لقيت انهم ما نفعوني مره .. لاسباب اولا اني صرت اوسوس من شي اسمعه مشاكل الله يكفينا الشر .. و للاسف اكثر المواضيع مضمونها هل انا حامل و تدخلين تلقين وحده تقول انا دورتي اما متاخره او ما تاخرة و احس بكذا و بكذا و الناس يقولون روحي حللي و هي تقول لا ابي اصبر شوي و البنات يترجونها حللي و هي رافضه و تتعبا خمس صفحات يترجون فيها و هي رافضه و بعدين تنقطع و تصير ما تتابع الموضوع او انها تصير حامل و خايفه من العين او انها تصير مو حامل و استحت تقول .... شي يقهر ..
السبب الثاني انه اكثر المواضيع ما تفيدنا هنا يعني اما انهم يتكلمون عن اعشاب ما نقدر نلقاها .. او خلطات ما نعرفها .. يعني باختصار انا تعقدت منهم .. طبعا هذا غير المبالغه .. يعني احس موضوع التروش مررررره مبالغ فيه يعني ممكن الوحده تتروش و تدفى زين لكن ما تتروش ... غريبه ... يعني كذا الواحد يوسوس .. هذا الي تروشو ما ضرهم فا ليش المبالغه ..
انا مثلك لازم ترويشه بعد الولاده و بعد الوضول للبيت .. و بصراحه كل ما يضيق صدري اروح اتروش احس نفسيتي تتحسن مع النظافه .. بس اهم شي اني ادفي نفسي و هنا البيوت دافيه فا ما فيه مشكله ..
مشكوره اختي مره ثانيه

زينه
هلا اختي
ما شاء الله كان عندك حماتك و هذا يساعد كثير .. اما انا من يسلق بيض كل يوم .. الله يرحم حالنا ,, و الشوربات صادقه مفيده و انا كنت احاول اكثر منها .. بس بعدين يجيلك فتره تملين منها .. و تسلمين على دعوتك الحلوه .. و تفضلي اجلسي جنب ازاهير الذبيحه على النار ..

The mooni
هلا اختي صادقه انا سمعت عن شوربة العدس و شربت منها لين مليت .. تعرفين هي من اسهل الشوربات
مشكوره اختي على مرورك و الله يجعله في ميزان حسناتك

ام مريم
مشكوره على مرورك مره ثانيه و فعلا انا كانو يعطوني مويه مثلجه برضه .. اما التروش فا رفضو اني اتروش لين ما كملت 12 ساعه من ولادتي قالو انهم كانو خايفين انه يحدث نزيف فا منعوني من الحركه حتى كملت 12 ساعه ..

عايشه
هلا و الله و غلا .. يا حيا الله من جانا
الحين ايه ربعنت لكن يوم انزل الموضوع لا كنت توي مكلمه شهر ..
ايه يا عايشه مفطح .. تشوفين الليه وش كبره .. ( ان شاء الله تعرفين الليه.... مصلح عملي تراه)
و انا اسئل لاسباب الاول اني كنت ما طلعت من الاربعين يوم احط الموضوع قلت يمكن الحق على بعض النصائح الثاني اني ابي استفيد للمره الجايه و الثالث انه بنات ما شاء الله كثير الحين بالاربعين او توهم مخلصين قلت يمكن هم بعد يستفيدون ..
طيب يا عايشه ليه الحبحب ممنوع ؟ وش يسوي بعد ؟
اما الكرش و الربط فا هذا من اكثر المغصات الي عندي تعرفين الله يرحم الحال من وين لي خبيره تربط لي .... التمارين احاول اسوي تمارين كل فتره و الثانيه بس ماش ابيها تروح بسرعه .... الا تعرفين وقت تقريبي تروح فيه الكرش .. يعني تقريبا متى تبدا تروح ؟؟ وش الوقت الي اذا وصلته وما راحت ادري انها ميب رايحه ؟
اما عن لبس الشراب و اني ما امشي و انا حافيه فا انا مره حريصه عليها و ما اطلع الا و انا لابسه بنطلون تحت ملابسي علشان البرد .. مع اني ما اطلع كثير لكن مواعيد المستشفى لابد منها ..
اما موضوع الجوع ... فا احاول بس ما يحصل على كل حال
مشكوره اختي على اجتهادك و الله جعله في موازين حسناتك ..

اقول ولدي يصيح للحديث بقيه ان شاء الله رجعه علشان ارد على الباقين .. خوخايه حلوه عليك العدسات الملونه .. اجلسي هنا الله ياعفيك و صبي القهوه ما دامي اجي .. و نادي بنت عايشه توزع الحلا

السلام عليكم..
انا عضوة يديدة بالمنتدى..و الصراحة منتداكم ماكو منه..وانا استفدت منه وايد خصوصا اني بالغربة..
اختي الهنديه..انا مثلج صارلي ثلاثة اشهر من ولدت..وصرت ام مريم:)

المهم ..امي كانت يايه عندي وهذي نصايحها..

السمك مو زين لانه على كلام امي فيه كالسيوم والكالسيوم يجذب الحيوان المنوي x الي اهوه بنيه..فتصيرين بعدين كله تييبين بنات..والخل و الحوامض يخلي الرحم عقيم..الله يكافيج..و معروف انه العروس لازم ما تكثر من الحوامض في اول اسبوع لها

واهم شي في الاربعين انه ما يدخل بجسمج برد ..فلازم تحرصين على لبس الملابس الدافيه والاكل الدافي..و مشروب الكمون وايد زين لنه ينظف الرحم وينزل كل الدم..وطريقته سهلة..تاخذين قفشة كمون حب مع ماي مغلي وتخلينه يتخدر شوي وبعدين تفصينه و تشربين الماي..وحطي وياه شكر يصير طعمه حلو

هذا كل الي عندي..بس انا كان عندي مشكلة وايد ماذيتني واهيه اني لما كنت اروح الحمام عشان اتبول وانتو بكرامة مكان الخياط كان وايد يحرق..حتى اني كنت امسك روحي بس عشان لا اروح الحمام ..يريت القى عندكم الحل..

و مشكورين ..

خوخايه
يا الله يحها .. ما شاء الله بمروك الحمل .. الله يتمم عليك .. بس تصدقين ما بان بطنك مره ما شاء الله ... ما عليش شغلناك و انت حامل ,.,. بس شغل مريح بس صب قهوه .. زين الي ما خليتك تدقين الجريش ..
عموما الله يحييك .. بس ما قلتي لنا رايك بالموضوع عندك اسئله و لا اجوبه على اسئلتي ..

ورد الريف
حيا الله اختي ... انا ما امشي الا و انا شافطه بطني .. طبعا احاول ما انسى ,,, لكن اذا رجعت عاديه يجيني احباط من شكل بطني و ارجع اشفط بس تعبت .. هل عندك خبر كم المده الطبيعيه ان كرش الحمل يروح .. اما يوم حملي الاول كنت اداوم و اتحرك و ارقى و انزل درج و احس اني رجعت مثل اول بسرعه .. الحين .. اكل و مرعى و قلت صنعه .. و الرضاعه تجوعيني زياده فا احي انه ما فيه امل يرجع جسمي طبيعي مثل اول .. على الاقل قريبا

ازاهير اللقاء و عايشه الله يجزاكم خير على اهتمامكم .. و مروركم

امل الروح هلا و الله ..
و الله ما عندي خبر بس ان شاء الله خير .. اسئلي دكتورتك احسن

اما التمارين الخفيفه .. اسويها بس مو كثير و يا دوب ابدى الا و يجني شغل .. عموما مشكوره على مرورك

دلوعة ابوها
الله يجزاك خير مشكوره على مرورك

zbon_draz
الف مبروك و الله يخلي لك مريم ..
كيف يعني الكالسيوم مو زين .. الي اعرفه انه مفيد .. و بعدين احنا نتكلم عن وقت النفاس .. يعني كيف يجذب الحيوان المنوي للبنات و احنا محنا حول حمل .. يعني الوحده تنتظر على الاقل سنتين معقول السمك ياثر بعد سنين من اكله ؟
و الحوامض نفس الشي .. هذا الي انا مو فاهمته ..
يعني ممكن نقول انه الوحده اذا تركت المانع و تبي تحمل تتجنب هذه الاشياء بس بفترة النفاس غريبه ..
اما الكمون و الدفا فا فعلا اسمع عنهم كثير ..
الله يجزاك خير على التوضيح ..
اما موضوع الخيوط فا الي اعرفه انه هذا حرقان عادي و طبيعي و الكل يشتكي منه .. اهم شي تشطفي بسرعه هذا الي اعرفه .. و طبعا انك تجلسين في مويه دافيه و ملح زينه بعد .


انا عندي اسئله اضافيه بس الحين جا وقت الصلاة ابي اروح اصلي و ان شاء الله راجعه اضيف بعض الاسئله ..


:17: