خلال 6 شهور يروح الكرش وبعضهم اكثر بس استمري
يالله انا وياك مثل بعض

:27: :26:

هلا و الله بورود الريف
مشكوره على المعلومه .. الله يجعله في ميزان حسناتك ..

بنات احد الاسئله الي ودي اسمع ارائكم فيها .. هي سؤال الاطفال عن الولاده ..
يعني انا عندي بنتي الله يحفظها دائما تسألني من وين طلع البي بي .. وش اقول لها .. انا كنت اجاوبها و اقول ما ادري يا ماما .. انا لو ادري كان ما رحت للدكتور الدكتور هو الي يدري انا اروح و هم يعطوني دواء علشان انام و ما احس فيهم لانه يعور .. و بعدين اذا صحيت القى البي بي جنبي ... !!!! ما ادري الي اقوله صح و لا غلط .. انا متعوده مع بنتي اني اعاملها كأنها كبيره و اسولف عليها و اقولها كل شي .. غالبا .. و اذا ما قدرت اقولها الصدق اقولها هذا شي ما يصلح الصغيرين يعرفونه و هي تقتنع و تقول اذا صار عمري 12 تقولين لي و اقولها ايه ... بس هذا الموضوع هي تحس اني اكذب عليها فيه لانها تعيد السؤال علي يوميا و جوابي مو مقنعها .. و انا ما ودي بنتي تفقد الثقه فيني و باجوبتي .. ودي اكون انا مصدر المعلومات لها .. بس ما ادري وش اقول .. اخاف اني اذا علمتها بالصدق يصير عندها فضول و تبداء تستكشف بنفسها و اخاف عليها و في نفس الوقت اخاف اسكت تسمع من غيري خصوصا انها تروح للمدرسه و الامريكان عادي كل شي يعرفونه .. و طبعا المشكله مو بس انها تعرف منهم عن الحقيقه بس انها تحس اني اكذب عليها .. و تفقد الثقه فيني و يصير مصدر معلوماتها من المدرسه .. و هذا الشي يضايقني .. و الغريبه .. انها تقول اذا هم فتحو بطنك و طلعوه وريني بطنك مكان الجرح . .. !!!!! و انا ما عمري قلت لها انهم يفتحون بطني فا حسيت انها سامعه من احد .. لا تنسون ان التلفزيون ما شاء الله عادي عندهم يجيبون هذه الاشياء مع اني احرص انها ما تشوفها بس حتى المسلسلات العربيه الا ما يجيبون وحده تصرخ .. و بعدين يجيبون صوت البي بي ,,, و صارت بنتي تقول انت كنت تصرخين كذا ؟؟؟؟ و بصراحه ضاقت حيلتي و ما ادري وش اقول ..
ابي اسمع تجاربكم و ارائكم .. و بعدين اكمل الاسئله
:26: :17:

هلا الهندية

شوفي باقول لك موقف خالتي مع ولد أختها عمره 5 سنين او 6 سنين
سألها وشلون ولدت قالت ربي حط فتحه يطلع منها البيبي
واقتنع والحمدلله
أحس انه ماله داعي الواحد يكذب عليهم
مو مقتنعين في كلامنا معهم بعدها ولايصيرون يسألونا
ولا وش رايك

هلا بالهنديه


يحبي لك انتي واسئلتك
تغيبين وبعدين تطلين وبجعبتك اشياء مفيده:27:


اقول تقولين الليه ...افى عليك بس شلون مااعرفها !!!!!!
قبل تصير بوجهي بالعزايم .......تنسد نفسي عن الاكل اذا شفته:11:
عاد يقولون اللي تاكله مايعرس رجله عليه :arb:

المهم نجي للاهم
سؤالك تحتار فيه كثير من الامهات

واتوقع افضل شي انك تقولين لها في اشياء الواحد مايعرفها الا اذا كبر

ومن ضمنها كيف البيبي يطلع...فمنها انك ماكذبتي عليها ومنها انها تنسى الموضوع وماتفكر فيه الا اذا كبرت

انا كذا اسوي مع عيالي .....والحمد لله مقتنعين
اول الامر يعارضون يبون يفهون هالحين ويقولون حنا كبرنا
لكني افهمهم ...صح انتم كبرتوا وفيه اشياء لازم تعرفونه لكن فيه اشياء ماتعرفونه ا اذا كبرتوا زياده
يعني زي ماقلتي سن 12 و13


ابقولك موقف حصل لي
مره كنت قاعده ادرس اطفال مادة علوم الصف الثاني وكان الدرس عن الثدييات
والحيونات التي تدل والحيوانات التي تبيض
وكانت فيه صورة حصان وجنبه وليده صغير
فسالني واحد من الطلاب
استاذه كيف الحصان يولد؟؟ :22:

قلت له اذا كبرت تعرف اذا صرت في سادس او في المتوسط
قال لا علميني الحين ...:11: والله النشبه
قلت له اذا رحت للبيت اسال ماما...بصراحه انصدمت ماتوقعت احد بيسالني هالسؤال...:29:

قامت بنت لبنانبه ماشاء الله تبارك الله ادب واخلاق وشطاره
قالت ياابلى انا اعرف كيف يولد الحصان!!!!!! لكن هذا شي عيب انه احنا نقوله :eek:


عاد انا ضاع وجهي ...تعالي دورين ماتلقينن:07: :08:



السؤال اللي بعده





ورد الريف ...حلو ردها خالتك
لكن المشكله ان قال وين الفتحه:07:

ياربيه .... يا خزياه منكم .. كل ما اقول راح اتابع انشغل .. اسفه اعذروني

ورد الريف
.. جواب حلو بس ... مثل ما قالت عايشه و ان قالت وين الفتحه .. !!!

عايشه .. يا هلا و سهلا
اجل الي تاكل اللليه ما يعرس عليه رجله .. تعجيز هذا ..

على موضوع اني اقولها اذا كبرتي اقولك .. بصراحه جربتها عقب ما قريت الموضوع .. لكن احسها ناظرتني باستغراب ... تحس انه هذا شي بديهي و المفروض تعرفه .. هي ما تحس انه عيب و بيني و بينكم انا حاسه انها عارفه او سامعه و تبي تتأكد مني .. و الله بلشه ما ادري وش اقولها .. فكرت اقولها عن الرد الي قالته ورد الريف لكن هل اقولها ان هذه الفتحه ما تطلع الي للي كبرو يعني بعد ما يصير عمر الوحده 20 مثلا .. و لا اسكت و بس .. المشكله اطفال هذه الايام ما شاء الله كل شي يعرفونه ... و احس اني استخف بعقلها اذا خبيت عليها .. وحده قبل يومين قالتي قوليها انه من الحبل السري يطلع يعني يفتحون البطن و يطلعون البي بي و بعدين يربطونه علشان كذا هو شكله كأنه مربوط .. ايش رايكم ..
انا ما ودي اكذب بس ما ادري وش اقول ..

اقول عايشه يا حليلك انت و الثديات .. زين الي السؤال عن الثديات و لا غيره .. انا مره انسئلت عن الجماع ؟؟؟ تقول الحيض و النفاس نعرفهم طيب الجماع وشو ؟
بلشه