كيف اقوي ثقتي في نفسي ....؟؟ / قديم

حبيبتي انا كنت مثلك هادئة مرة الحين تحسنت لأني صرت اكثر الإختلاط مع الحريم واسولف وياهم جددي ثقتك بنفسك وهم مو احسن منك بشيئ تشجعي وقولي كل اللي بخاطرك واكيد راح تحسي بثقة كبيرة يارب اكون افدتك .

لازم يالغاليه اول شي اذا تبين تتغيرين لازم تبعدي من راسك فكره انك ضعيفه شخصيه اوانك خجوله
دايما قولي لنفسك انا جريئه انا قويه شخصيه
دايما كرري هالكلام مع نفسك
وخلي تفكيرك ايجابي
وترى بقول لك ترى عقلك الباطن له دور دايما في تصرفاتك امام الناس
لما تكررين الكلامات الايجابيه عقلك الباطن بيخليك تتصرفين بثقه وبقوه امام الناس
يعني تقدري تقولي هو سر قوتك امام الناس
اختلطي بالناس سولفي ابدي رايك
ولاتفكرين بالمواقف السلبيه الي مرت عليكي ابدا ابدا
اول ماتجي في بالك على طول ابعديها من راسك
وطبعا ادخلي مواقع لتقويه الثقه بالنفس وطبقي الكلام خطوه خطوه
واتمنى لك التوفيق

حبيبتي انا نفسك بس انا قررت ابدا حبه حبه يعني انا بالعاده اغلب الوقت ساكته اتكلم بس شوي بحاول ازيد كلامي واذا تكلمو عن موضوع بشارك بريي وباي موقف وقصه اعرفه (انا اقول ماله داعي اقول السالفه الي عندي يمكن ماتعجبهم يمكن اغلط بالكلام يمكن يكون رايي غلط) وهكذا الحين لا بقول السالفه الي عندي وش فيني اقل من غيري الله اكبر من زين السوالف الي تنقال عادي بقول الي عندي عجبهم عجبهم ماعجبهم كيفي عاجبني خخخ

وبعد الي يحرشني مارح اسكت ببدأ ارد بس موب مره وحده اسوي هوشه لا يعني بتدرب بصير ارمي ارد علي الي يحرشني بكلمتين بهدوء

وبعد شيء مهم انا مع نفسي بصير ادور عن مواطن القوه والجمال فيني واتدلع به واقول بس انا عندي هم لا وهالشيء ملفت الانتباه لي وبزينه يعني اذا شعرك حلو زينيه وابدعي فيه اذا عيونك حلوه لا تقول ماله داعي ازينها حلوه لا ابدعي فيها

والاشياء الي عندك موب تمام عدليها يعني دبه (تقصد نفسها) انحفي والبس ملابس حلوه لاتقولي دبه مافي شيء حلو لا فيه الحلو حلو على الدبه صح ع الرشيقه احلى بس بعد حلو عليها (اسوي رجيم رياضه)

عندك مشكله بالشعر زيتيها اهتمي فيه وبنفس الوقت اذا طلعتي لناس زينيه استشوريه ابدعي فيها لا تقولي كسلانه استشور او يخرب الشعر ياشيخه مارح يضره وهو اصلا لو خليتيه مارح يكون حرير يعني زينيه وثقي بنفسك

وشيء مهم مررره لو سوينه صدقيني راح نكون واثقين بس مشكلتنا الكسل ثقفي نفسك يعني اقري كتب اقري بمعلومات جديده ومثيره خلي كل ماسولفو عن شيء تكون عندك خلفيه واسعه بحيث تتكلمين وانت متاكده وواثقه
اقري عن الموضوعات الي تهم الناس الشغلات والزواج بثانيه اهتمامات الحريم والطبخ
البنات اهتمامه النت وتصليح الكمبيوترات والمكياج والموضه
اقري قصص الناس تحب القصص كل ماجاء موضوع وتكلمو فيه اذكري القصه المناسبه له كلهم بيسكتون ويسمعون لك عاد لاترتبكين وقتها وتخربين الشغل :)

اتمنى اكون افدتك

الله يسعدها لموسه الحلوه قالت نفس اللي في خاطري
ونفس الشي اللي اثر فيني و زادت ثقتي بنفسي الحمدلله

التفكير الباطني يأثر وبقوه والله
جربي انك دايما تقولين لنفسك انا جريئه وكل اللي حولي يحبوني
و امدحي بنفسك و بتشوفي النتيجه كيف ...
:icon28:

صااادقه اختي لمووسه الحلووه
اولا وقبل كل شي شيلي من رااسك فكرة انك ضعيفة شخصيه بالعكس قوولي دااخلك انا ما ناقصني شي عن غيري مثلي مثلهم ويمكن انا افضل
كبداايه لا تسمحين لاحد يغلط عليك نهااااائيا ولو بتلميح يعني مو تتهاوشين معهم بس اللي يدوس لك ع طرف ردي عليه بكل هدوء وثقه رد قووي يعني كلمه مسكته فهمتي ؟؟
عمووما معرروف بمجتمع الحريم الطيبه يااكلووها بلسانهم وتعليقاتهم والشريره يسوونها يادهيينه لا تنكبين
اكتبي في قوقل بحث (تطوير الذات والثقه بالنفس ) بتلاقين دنيااا انسخي منها واحفظيها عندك بجهازك واقريها
اهمممممم شي لا تقولين قدام احد انا ما عندي ثقه بنفسي وشخصيتي ضعيفه لان هاللي بتقولين له هو اول شخص بيستغلك كذا الدنياااا..
ربي يوووفقك يالغلاااا..
اللهم اجرني في مصيبتي واخلف لي خيرا منها
اللهم ياجباار اجبر كسر قلبي ورد لي زووجي ردا جميلا وسخره لي عاجلا غير ااجل اااااامين
لا حول ولا قوة الا بالله ,,,لااا اله الا انت سبحانك اني كنت من الظالمين..