:26: :26:

أنا عندي بنتي دايما تسولف وتموت في السوالف عمرها 3سنين و7 شهور وتغار من إختها الصغيره وايد

بس تكمت في قلبها ودايما إذا طلبت شي تبكي لين تاخذه مني بس

أما ولد أخوي في سنها بالضبط شقي شقاوه مرفع الضغط لأمي الله يحفظها

أتمنى ألاقي لهم حل ويكون على إيدج

تسلمين على الموضوع:26: :26:

أخواتي الحلوين اشكركم على التجاوب الجميل الي أعتبره وسام شرف لي ..
الاخت ام حصة..
اسم الكتاب مكتوب عليه بالعربي وعنوانه (كيف تتحدث فيصغي الصغار إليك وتصغي إليهم عندما يتحدثون ؟) ولونه أخضر والناشر مكتبة العبيكان

الحلوه خلود ..
الطريقة تناسب جميع الأعمار من أصغر سن لحد أكبر سن تتصوريه وخاصة المراهقين وجربي ماراح تخسرين وصدقيني لو استخدمتي المهارات الموجوده فيه راح تتغير طريقة تعاملك مع الكل وحتى مع نفسك راح تتغير نظرتك لها ..

جمرة ..
لك جزيل الشكر وتمنياتي لك بالتوفيق ..

نيسووو..
ولك انت جزيل الشكر ..وبالنسبة لتعاملك مع الأطفال فهذه المهارات حتى ولو لم تستخدميها فإنها تجعلك تفكرين في الأشياء التي قلتيها لهم والأشياء التي من المفروض قولها عند فقد الأعصاب ومع مرور الوقت ستدركين انك تغيرت دون ان تشعري ..فأنا كنت أسوأ منك ولكن الحمد لله مسبب الأسباب ..

Loliah >>
اتمنى اني كتبت اسمك صح لك جزيل الشكر وبالتوفيق ..

نوارة ..
عزيزتي اشكرك واتمنى اني أكون قد المسئولية الي حملتيني وبالنسبة لبنتك وولد أخوك راح نوصل في المواضيع الجايه لطريقة مريحه للتعامل معهم لاتستعجلين انشاء الله بتفيدك ..

وفيه جاجه حلوه انا نسيت أضيفها( لمساعدة الأطفال لتقبل مشاعرهم ) فيه أم تقول انا ولدي او بنتي ما تحب تتكلم أو مايعرف يتكلم المهارة تقول اعطيه ورقه وخليه يعبر فيها عن زعله مثلا (انا اعطيت بنتي ورقة مره وهي متضاربه مع اختها ورسمت فيها خط طالع نازل زي الزقزاق للي يعرفوه وقلت لها هذا زعلك قالت ايه واعطيتها القلم وقلت يله وريني ايش قد زعلانه فصارت تطعن الورقة بالقلم لحد ماهديت وانا اعطيها أوراق لحد ماوصلت لرسم خط مستقيم ورايق )ايش رايكم في الطريقة ؟؟

وللجميع أقول لاتزعلوا من تأخري عليكم انا راجعه انشاء الله بموضوع جميل جدا اسمه ( بدائل العقاب )) مع تحياتي

السلام عليكم ورحمة الله وبركاتة

مشكورة ( جمانة الرائعة ) على موضوع جدا رائع ومفيد
وكل الطرق اللي اتباعنهااا يكون عن طريق اقناع
موضوع جيد
اتمنى ان تعطيني اسم المؤلف خاطري اشتري هذا الكتاب واهديه لخواتي وحريم اخواني
ويعطيج العافية

بالصراحه انا شفت اسم الكتاب في اعلان ولفت انتباهاي

لاكن انتي شجعتيني اقر الكتاب بس من هنا لغاية ما اشتريه استنا منك بقية الموضوع

تراني لخصت الموضوع وراح احاول اكبت غضبي واجرب طريقتك وبانتظار الباقي بفارغ الصبر