بصراحة موضوع رائع ومن المواضيع اللي تجذبني والمحببه لي...
بس حبيت اضيف معلومات ممكن تفيد الامهات..بالنسبة لي انا ماضرب ولدي مع انه شقي وحركي بس دايما احاول اغير الطبع اللي موعاجبني بطريقة سهله ومايحس انه مجبر فيها...وبعدين لما مايعجبج شي ممكن تشرحين للطفل ليش مب زين يسوي هالشي...مثلا انا مرة كنت واقفة وابني راح يشتم في الشغاله(لان جدته على طول تشتمهم جدامه))وكنت لما اقول له عيب يقول جدتي تقول كذا...المهم اني بديت معاه طريقة ثانية وهي اني قلت له انك لما تقول لها هالكلام هي بتزعل وبعدين بتسافر بلادها وتتركنا وانت ماراح يكون عندك حد يقعد معاك لما نروح الالعاب
على فكرة ولدي عمره 3 سنوات والله تصدقون انه من يومها ماصار يقول لها ولا كلمة:27:
ومرة كنت معاه بالسيارة وكان عنده كيس مليان حلويات وقالت له الشغاله عطني وحدة قال لها لا هذا لي ولماما
قلت له خلاص اذا ماتبي تعطيها عيل لاتطلب منها تسوي لك ساندويش او تجيب لك حليب لانك ماتعطيها هي بعد ماراح تعطيك..والله مسكين راح وزع على كل الشغالات اللي بالبيت الحلاوة...
انا تعلمت هالطريقة من مركز الاستشارات العائلية..والصراحة انا كنت اتبع هالاسلوب بس مو كثير لكن الحين اتبعه على طول...ولقيت انها اسهل لي وله ومحببه للطرفين
وبعد في نقطة حلوة تعلمتها انك لما تبين تعلمين الطفل اي شي ايجابي ردديه عليه وقت النوم في الوقت اللي يكون فيه يسمع وماعنده قدرة على الرد لانه تقريبا نايم هذا الوقت استغليه وكرري عليه الشي بمدة 21 يوم وبتلقين ان الطفل اكتسبها لاشعوريا لان العقل الباطن كان يخزن هالشي...
ادري هذرت وايد لكن حبيت اشارك في الموضوع لانه عجبني وخصوصا اني اعرف امهات كثار ماعندهم الا اسلوب الضرب للاسف فياريت الامهات يبدون يغيرون من نفسهم قبل لايغيرون في اولادهم
واللي من قطر انها تروح للاستشارات العائلية لانهم راح يساعدونها كثير في تحسين سلوك الام والطفل

عزيزتي ام حصة انا شاكرة جداً على النصيحة وانشاء الله راح اعمل فيها
وانتي يا أروع جمانة ناطرة موضوعك التالي على أحر من الجمر

ام ياسمينا
ممكن تعلميني كيف ابدا مع مركز الاستشارات العائلية , وهل المساعدين فيه من ذوي الخبرة و الاختصاص ام خريجات قسم الخدمة الاجتماعية ؟

:27: :27: :27:

شكراً لك اختى جمانة موضوعك مفيد ورائع جداً
اتمنا ان تفيدينا أكثر انا ام واولادى كبار ودائماً احسس بالدنب هل هو خطأ
لااعرف احسسهم حتى لايكررو ذلك
شكررررراً واذا فيه شىء يفيذ الكبار افيدينا الله يخليك من زمان وانا ابحت عن مواضيع كذا