نايس1 :

اهلا يا قمر مشكلتك مشكله كتير مننا انتي زايده 10 كيلو وانا كمان زيك واذا هنسيب نفسنا هنفضل نزيد نزيد الي مالا نهايه ولو زدتي ربع كيلو في الاسبوع 250 جرام فقط شيء لا يذكر ولن تلاحظيه في الميزان معناه ايه؟ معناه في سنه 12 كيلو زياده ومعناه في سنتين 24 كيلو وهلم جرا ايه السبب في زياده الوزن بعد الزواج ؟ انا زيك طولي 160 وفي الجامعه كنت في الخمسينات السبب ببساطه اولا قلة الحركه مي فيش وجه مقارنه بين حركتك قبل وبعد الزواج ثانيا وده الاهم الفراغ ايوة الفراغ وهنا بيبقي فراغ نفسي اي نعم في مسئولية بيت واولاد لكن جوه النفس في فراغ عاطفي بنملاه بالاكل في الدراسه غالبا بيبقي في خروج اروح الجاممعه اقابل اصدقائي اذاكر اغلب وقتي بره نفسيتي معقوله جدا مفيش تفكير في الاكل في الف حاجه تشغلني الان قاعدين في البيت ضغط نفسي اطفال سهر بيهم طيب مضايقات زوج او اهله عدم خروج براحتك اغلب الصداقات اتلغت وتقلصت تعرفي انا في اليوم الي اتشغل فيه الاكل ميجيش علي بالي خالص وانساه وابقي شبعانه تماما ايه الحل؟ في نظام بول ماكينا حلو متاكليش الا لما تجوعي وتستمتعي بالاكل وتاكلي ببطء بس اتبعيه بحذافيره او النظام الي انتي كاتبه حلو المهم يكون نظام حياه لكن ريجيمات منصحش لان ههتدخلي في موال مايعلم بيه الا ربنا مش هتعرفي تخرجي منه والريجيم زي النداهه عارفاها؟ منين مندهتك متفكيش منها ابدا وشكرا

اهلا يا قمر مشكلتك مشكله كتير مننا انتي زايده 10 كيلو وانا كمان زيك واذا هنسيب نفسنا هنفضل نزيد...