يومي الثاني بفضل من الله عدا على خير
هالريجيم يهلك بصراحه الله يعينا

تريقت نسكافيه و كوفي ميت لايت
تغديت 2 شريحه توست اسمر و جبنة سلايز لايت + دايت كولا
و بعد شوي انشالله بتعشا سلطة

الله يوفقج يابنت الكويت انت والحلوات الي معاج.... :27:

الكيكة:41:

اذا حسيتي بيوع شربي نسكافيه المغرب ترى يسد شويه
موفقه


العاش:41:

تسلمين :)

بنت الكويت يعطييييييج العافيه على الرجيم الحلو بس بسألج يصير استبدل البيض بقوطي روب لاني ماحب البيض :\ وبعدين 6 كيلوات بسبوع ولا اسبوعين؟؟ وتسلمين وجزاج الله خير


لول اختي ترا ماكو فرق بين السكر الاسمر والابيض مره حطوا مقابله مع دكتور وقال ماكو فرق بينه وانه ناس وايد تعتقد انه الاسمر سعراته الحراريه اقل ولكن كلهم نفس الشي :)
:26:

بنت الكويت انا بعد ببدي معاكم صراحه انا اليوم كنت مسويه رجيم اول ماقعدت من النومشربت ماي دافي والغدا قوطي روب ونصف سمكه مشويه بس العشه خربته لاني كنت زايره الاهل وكليت حلوووو وخرابيط ومعجنات :(


بس انشالله ببدي فيه من باجر يعني يوم الجمعه تاريج 25/6 بعدكم بيوم هههههههه الظاهر لاق انا بالرجيم وانا اليوم جتني الدوره :( وباجر ثاني يوم للدوره بس قريت من الصفحات انه بالدوره ينقص الوزن بس انشالله بجرب وياكم بس قوليلي يصير اشرب ماي بين فتره وفتره لانه انا صراحه اذا ماشربت ماي موزين لانه وياي كلى يعني اذا ما استمريت على الماء االسوائل يجيني التهاب:(

انا طولي160 ووزني تقريبا 80 على حد الثمانين وودي يوصل وزني لين 60 ولا اقول انا راضيه ب65 المهم ينزل شوي مع انه جسمي طبيعته شوي مخصر بس هم المتن موجود:( نبي نلبس نفس الناس البس يصير حلو علينا نبي نصير ثقه مو اذا طلعنا الف مره نبدل البدله مفتشلين من الوزن الزايد :( عدل ولا لا

بنات عفيه شجعوني لانه كلش ماكو اراده بس يوم شفتكم تشجعت وانا بعد بحط تقويم بأسنان يعني هم بنحرم من الاكل :\

بنات ابي اقل من ثلاث اشهر انزل على الاقل من 20 الى 25 تتوقعون اقدر انزل بثلاث اشهر؟؟؟؟

بنات ابي تشجيعكم بلييز:( لاني تعبانه نفسيا