هلا صباح الخير حبيبتي اخلاص وباقي البنات
للاسف البارحه ماعملت رياضه مدري ليش اكسل عن الرياضه
اليوم الفجر جلست جوعانه حيل
فطرت ٢ توست ابيض+ شريحه جبن سلايس
+ حليب بالنسكافيه وحطيت عليه شوي سكر ستيفانا
الحمدلله رب العالمين
شبعت وهدا جوعي
_______________
تذكر دائما انك في الطريق الصحيح

سبحان الله والحمدلله ولا اله الا الله والله اكبر ولله الحمد
استغفرالله ربي واتوب إليه
ربي لما انزلت الي من خير فقير
ربي اني مغلوب فانتصر
لاحول ولاقوه الا بالله
فوضت امري الى الله إن الله بصير بالعباد

البارحه لاول مره انام على معده خفيفه
قمت اذكر حال الفقراء الي ماعندهم اكل يأكلونه ويناموا وهم جوعانين
قلت في نفسي على أقل انا تعشيت ونمت الحمدلله
انا في نعمه
مايحتاج انام وانا مكدسه في بطني مليون اكله واكله
الحمدلله على نعمته
الحمدلله على نعمه الاكل الحمدلله على الإحساس بالشبع والجوع أيضا تحسي أنك انسانه
الحمدلله على نعمه الرضا
لاني للاسف اكل واكل ولاحس بالاكتفاء واكل حتى لو مو جوعانه بس اهم شي ضرسي يتحرك ويشتغل للاسف


الحمدلله على تنظيم الوجبات
انا راضيه بكل اكل اكله وبالدايت الي اعمله الحمدلله يشبعني وكفايه

اليوم الثاني من الدايت الاربعاء ١٠ مارس
الحمدلله انتهى اول يوم على خير الحمدلله
ودخلت اليوم الثاني وان شاء الله امشي صح على النظام
وتذكري يوم على يوم راح يصير أسبوع وبعدين يكمل شهر
وتذكري مشوار الف ميل يبدأ بخطوه


_________
امشي صح وتذكري هالمعادله
دايت + رياضه + توكل على الله + صبر + رضا = انجاز ( الجسم الصحي)

البارحه في موقف قوي لي صار
بعد ماتعشيت وخلصت
اخواتي شروا بيتزا من المطعم مااكلت شي منها
خلاص اكتفيت بالي تعشيته
الحمدلله
وهذا موقف بطوله لي هههههه مبسوطه من نفسي
____________
ودائما قولي لنفسك ويش فايده الاكل مادام بضر صاحبه