مأساتي مع جسمي ونظرات زوجي والناس لي

السلام عليكم
كيفكم يارشيقات ؟؟؟؟؟
اول ماتزوجت كان جسمي يهبللللل ماشاء الله وزني بالاربعين وزجي كان طاير فيني لان
الرشاقه نصف الجمال واي شي ينلبس يطلع حلو ومناسب لأن الجسم مرتب
وبس حملت بدأ وزني يزيد تلقائيا وشهيتي انفتحت وبعد ولادتي توقف وزني على السبعين:22:
ومره استحقرت نفسي ولا لبس يدخل فيني ومو اي يلبس يناسبني ماكنت البس شي اسمه جلابيه واضطريت البسهم :30: لاني مو طويله كثير وسمنتي مرتكزه بالافخاذ ومع الحمل والكلف سمررررت بشكل فضيع عكس اول بيضاااا وصار الجسم مبقع اللهم كل الحمد والشكر والناس وزوجي بالذات صاير يعايرني لاني من فوق جسمي معقول بس من تحت اللهم ياكافي وبس فكرت اسوي رجيم بعد شهرين من الولادة قدر الله واحمل مرة ثانيه لاني مارضعت ولا اخذت مانع :17:وتبدأ معاناة جديدة ويزيد الوزن طالللللللللللع لفوووووق وانا الغبيه بس منسدحه لان حملي الثاني كان مهدد بالسقوط وزوجي بس يدلع فيني فرح بالحمل اي وش وراه هو بيجيه ولد وهو مرتاح ينام لين يشبع وجسمع مايتغير ،وانا رابضه ماتحرك ولا شي ولا الاكل مو كثير اكل تعقدت من الحمل الاول واحسب انو كفايه ما اكل عشان وزني مايزيد الا بالاساس الحمل يزيد الوزن وانا حركتي نادره وصعد وزني اكثر :22: وولدت وانخفض وزني شوي بس مو مناسب لجسمي ابدا منطقة الارداف والافخاذ عندي مترهله وسايله مدري كيف استغفر الله بس ومع الاطفال والعذاب والسهر وجهي بااااااهت وعندي هالات سوداء وجسمي ملون بزياده مع اني باقي صغيره بالعمر اشوف اللي اكبر مني كانهم اصغر بسنوات وكل ما اروح السوق ابي اشتري شي يقول زوجي لا مايصلح لك!!!!! قهر بعد ماكان كل شي يشوفه حلو عليي ليش الحرمه لمن تخلف تحكم على نفسها بالموت والا في سنه تتقدم عشر سنوات لانها جايبه بزر منتف استغفر الله ،بسفيه حريم ماشاء الله الحمل مايلعب بهم او ما ادري هم وش يسوووووون
المهم مشكلتي الرئيسيه هي الافخاذ كبيره مررره ومترهله تكفوووون الله يوفقها اللي تعطيني امل وتقولي انها كانت مثلي ونحفت وانشدت اعطوني تجاربكم والله لادعي لكم من قلبي في اخر اللليل. ابي اعيش حياتي وارجع الشباب باقي عمري ماوصل 25 وفي بنات بالاثلاثين كانهن اصغر مني ماشاء الله ابي اصير مثلهم واهتم
بديت من اسبوعين اسوي خلطات للاماكن السوداء وان شاء الله بستمر لكن ابي شي للارداف انا يوميا امشي نص ساعه واسوي تمارين ال5 ميل بس احسهم مايكفوووون لحالهم
وش الحل