nadosh123 :

مساء الخير حبيباتي ..اول مشاركه لي في هالمنتدى ...اسعدني تفاعلكم  وحسيت ان فيه احد معاي ....باعطيكم نبذه مختصره عني ...انا متزوجه و عندي 4 عيال ربي يحفظهم ...قبل 6 سنين وصل وزني 89 كنت دوبي والدة ببنتي الثالثه ومتشاءمه جدا من شكلي طولي 165 كنت في  مد وجزر مع الرجيمات وما استمريت على نظام محدد ...ماعندي اراده...رحت لاخصائيه تغذيه واكثر من وحده زرتها وبس خسارة فلوس ..وبعدين جلست مع نفسي واقول الى متى ؟؟شكلي غلط بين اخواتي كلهم منيكان الا انا...قررت في نفسي انحف بالقووه ..وش سويت؟ بدأت بالتخفيف ..ما احرم نفسي من شي وبعدين صرت حاطه لي قائمة ممنوعات و مسموحات ....الممنوعات (الحلا المعجنات الرز والاشياء الدسمه) ولو حسيت  نفسي جت عليها لقمه او ثنتين و خلاص..المسموحات(الخضار الفواكه خبز البر الزبادي قليل الدسم العصاير الدايت .التمر مع القهوه ) وصرت امشي بالسطح ساعه تقريبا 5 ايام في الاسبوع لاني كنت املل من السير  ..استمريت على هالمنوال تقريبا 3 شهور ونهاية كل اسبوع اكافئ نفسي  بوجبه او يوم مفتوح ...كم تتوقعون وصل وزني ؟؟؟ بفضل الله وصلت 66 .صرت انسانه ثانيه ..انزل السوق وادخل اي محل وانا متاكده راح احصل مقاسي ...حملت بعدها وجبت بنت  عمرها الحين 3 سنوات ووزني مانزل عن 80 ..حاليا 84 ومتحطمه جدا ..ماعندي اراده..وزادت مسؤلياتي ...دراسه و بيت و عيال ..لاني ادرس الجامعه عن بعد ...قرات موضوعكم وتشجعت بصراحه و بأذن الله  يكون وجهي حلو عليكم وانتو بعد ...الليله تعشيت زبادي قليل الدسم و ملعقة بذرة الكتان و خيار ...تحياتي لكم جميعا

مساء الخير حبيباتي ..اول مشاركه لي في هالمنتدى ...اسعدني تفاعلكم  وحسيت ان فيه احد معاي...