أنا بعد نحيفة ونفسي دايم مسدودة وكلن يطنز علي خاصة الحريم الكبار كل ماجوا قالوا لأمي بنتك وش فيها بنتك فيها مرض قطعت وجه أمي وأمي تهاوشني تبي أكل ولا حياة لمن تنادي
بس صارلي أسبوع أجبر نفسي عالأكل قبل لو أكلت أكلي خفيف مررة مرررة مرررة ومرات تمر أيام بس موية
وهالشي أدى لخراب بشرتي
المهم أجبري نفسك عالأكل مثلي أنا صرت أفطر وأتغدى وأتعشى وسويت طريقة قالوها البنات إلي هي الحليب مع التمر وأنا كنت مثلك كسولة بس صارلي أسبوع بكل وجبة لازم آكل وإلي ألاحظ على وزنك إنك مو بكل وجبة تاكلين أو آكلك قليل مررة زودي الأكل وأهتمي بنفسك وببشرتك أهتمي عشان نفسك وعشان صحتك بالإضافة إلى إنك متزوجة

نبي نشجعك وبشرينا عن أخبارك واليوم لازم تتغدين غداء كثيرررر وتتعشين بعد لازم لازم وأول ماتقومين الصبح أشربي موية لأنها تخلص الجسم من السموم بعد شوي أفطري فطور كثييير فطورك يوم آكلي بيضتين مسلوقة مع خبز وزودي عليها اي شي تحبينه ويوم سوي شكشوكة وآكلي لين تشبعين ويوم أقطعي عن البيض لأن كل شي يزيد عن حده ينلقب ضده نوعي بالأكل وأشربي كوب حليب مع حلبة الصبح بس الحلبة تطلع ريحة لازم تفرشين أسنانك بعدها على طول وتتروشين كل يوم وتحطين مزيلات عرق أصلية أو ليمونة تفركينها على أبطك بعد ماتتروشين أو شبة مطحونة أنا أحط شبة بس سمعتهم يقولون تضر الله العالم عاد وإذا شميتي بأبطك شي وأنت متروشة بنفس اليوم أغسلي أبطك لحاله بصابون جسم ونشفيه وحطي مزيل عرق أنت متزوجة لازم تهتمين بنفسك من مجاميعه عشان ماينفر زوجك منك واذا ماتبين الحلبة عشان ريحتها بس كثري اكل وفواكه وخضراوت واشتري مكسرات واكلي بعد كل وجبة

ملاحظة: فيه ناس تقول أن مزيلات العرق والشبة تسبب مرض وأنا قلت لك هالشي عشان ابري ذمتي بس أنا أستخدم الشبة

اهم شي مو تاكلين اكل مو صحي عشان تمتنين
يعني مو تاكلين فاست فود وحلويات وكيك لا
امتني على اكل صحي من المكسرات والفواكه والعسل
ماقلتي شهيتج عادية والا منسدة .. اذا ماتحبين الاكل كثري من العصاير الفرش
وانصحج تسوين رياضة بيخف الضغط اللي انتي فيه وتتعدل نفسيتج ويمكن تنفتح عالاكل بعد
الاكل الصحي والرياضة مطلوبين للي يبعون يضعفون او يمتنون هم مفيدين بشكل عام للصحة
وبما ان عندج مشكلة الغدة ان شاء الله مع العلاج بتتحسنين

حبوب الخميره تسمن صديقتي متنت عليها وحبوب ازهار الربيع الحلا ثم الحلا والوجبات الدسمه العبي رياضه واكلي تفتح الشتهيه اكثر خلطه رهيبه عسل مع حلبه مطحونه وخميره علئ الريق كل يوم اخلطيها في علبه كبيره وكليها

نحيفه حدي شوفي هذا الرابط نفس الرابط اللي كتبته في موضوعي . المهم ادخلي عليه

http://shahiya.com/ar/nutrition/form_bmi_adult.aspx?show=1 ودخلي وزنتس وطولتس اوك وحفظي الرقم اللي يطلع لتس . طيب لنفترض مثلا النتيجه طلعت لتس 1590 وانتي اكلتي باليوم الواحد 2000 سعره طبعا جسمتس راح يستفيد من 1590 من حاجته اليوميه وراح يبقى فائض الآي هو 2000_1590يعطينا 410
راح يبقى فائض وهو 410 هذا اليوم الأول . وسجلي بورقة رقم الفائض اللي طلع لتس
نجي لليوم الثاني مثلا اكلتي 3000 سعره
نحسب الفائض منها 3000_1590 يعطينا 1410وسجلي الفائض في ورقه واجمعي الفائض باليوم الأول والثاني راح يطلع لتس 1820 سعره
وهكذا لما تجمعين من الفائض 7500 راح تزيدين كيلو واحد . وهكذا كل كيلو واحد يبيله 7500 من الفائض في جسمتس . وكل مره زدتي فيها كيلو مثلا كنتي 35 وصرتي 36 ادخلي ع الرابط من جديد ودخلي وزنتس وطولس وحفظي العدد الجديد وسوي مثل الطريقه اللي علمتس إياها واذا مافهمتي قصدي قولي لي افهمس أكثر . ونتي اقري كلامي عدل وبدقة
وانتي اذا حابه تعرفين كل اكله كم سعره حراريه فيها ابحثي بالنت وشوفي كل اكله كم فيها واذا ماقدرتي لازم تقدرين على الأقل مثلا الغداء سبع ملاعق فيها 350 سعره يعني يبيلي دبل السبعه وكيذا عرفتي .
وحاولي تركزين على الاشيا اللي فيها سعرات قويه وخاصه اذا كان أكلس قليل . شوفي انا سويت لي خلطه وحطيت فيها أكثر السعرات الحرارية القويه فيها عشان تريحني لأن أكلي مو ذاك الزود واذا مو مشتهيه اكل شي عشان اكمل ال3000 اكل من الخلطه كل شي فيها ومريحتني وطبعا وجباتي الثلاث ماتركها ودايم وقت الفراغ اسوي لي شي اكله .
خلطة التمر والحليب مره زينه انا بحثت شفت التمر الحبه الوحده فيها 23 سعره حراريه + الحليب مدري والله يااختي كم راح تصير لكن حاولي اذا معزمه تسوينها كثري منها اذا كان اكلتس قليل وشهيتس مهي بذاك الزود مفتوحه وعشان تزيد سعراتس وانتي اتعبي صدقيني الأيام تمشي بسرعه ولا راح تحسين فيها وتشوفين نفستس تعودتي . تذكريني انا في موضوع العضوه أسماء بنت نايف شهر 5 كنت توني وقول ابي أسمن كنت 40على الأقل اوصل بس 45 وبحثت وبحثت وشوفيني الحين كملت ال50 اجتهدت لما لقيت نتيجه والأيام ماحسيت فيها احس بسرعه مرت . أقول بنفسي توني راده على هالبنت ونا الحين سمنت شفتي كيف توكلي ع الله يانحيفه حدي وكملي مشوارتس