ما أدري اهي عين صابتني والا ردة فعل تكفون ساعدوني

شوفو بنات انا بقولكم قصتي بالتفصيل الممل يمكن تساعدوني 029: شوفوانا كنت متينه من يوم كان عمري 13 و كنت كلا اسوي ريجيم واهده مره اضعف و مره امتن كان وزني لحد ما دخلت الجامعه يتراوح ما بين 70 و 80 و لما وصلت الجامعه وصل 94 وبعدين سويت رجيم من عقلي تخفيف يعني و كنت امشي مع امي كل يوم ساعتين وانا لابسه الشورت الحراري و بعد كنت العب رياضه خفيفه بالبيت المهم بعد 4 شهور وصل وزني 70 0 بعدين انخطبت:27: و سويت رجيم و وصل وزني 68 المهم تزوجت و حملت من اول شهرو يا فرحه ما تمت :55: زاد وزني مع الحمل زياده مو طبيعيه :06:انا عموما جسمي قابل للسمنه انا كنت ابلع بلع مو طبيعي بس قاعده وااكل على ما ولدت اللا وزني واصل 104 :06: عاد ريلي اموت عالضعف انا لما كان وزني 69 ما كان عاجبه اشلون 104
المهم حاولت اخفف بس ما نقصت الا 4 كيلو بالكثير 5 و ظليت على وزن 99 و 98 سنتين جان احمل و طلع الحمل خارج الرحم و انفجر ابطني فسوولي عمليه وشالو مبيض واحد:44: وطبعا بعد العمليه قعدت بالسرير فتره و ما كنت اقدر اسوي رياضه اللا بعد 6 شهور المهم اني رديت 104 كيلو0 وكنت والله مستحيه من جسمي و ماكو احبوب ما جربتها بس اصدق هالاعلانات والله افتشل لما اروح مع ريلي السوق :( و يا شين هالجمله واحنا مع ريايلنا(ابي اكبر اقياس )لا و بعد اتقايسين و تطلعين حق ريلج و يسالج واتقولينله ال طلع صغير و عشان ما اتفشلين روحج اتقولينله مو مرتب :o لحد ما يا يوم و سمعت كلام واطنازه من ناس الله يسامحهم فشلوني جدام ريلي وهني بدا التحدي والله يا بنات من ليلتها قررت ابدا رجيم اول شي سويت رجيم سكارسدل اسبوعين نزلت 6 كيلو خلصته وبعد 3 ايام من تركي له رديت من ال 6 كيلو جان اسوي رجيم كيميائي 2000 ضعفت 10 كيلو بالشهرومن فرحتي سويته شهر ثاني بدون ولا يوم راحه ونزلت 8 كيلو و كملت عليه و ادمنت هالرجيم شهر ورى شهر ما غير كل شهر اشتري اهدوم يديده من الوناسه واستمريت عليه سنه اهده بس يومين وارجعله وصل وزني يا بنات 58 والله العظيم اني صاجه في كل كلمه و أمي وخواتي خافو علي لا يصير فيني شي واقولونلي كافي واناامكملهز و كنت ادوخ وايد واطيح غشيانه ساعات بس لاني ما قط وصلت هالوزن مستانسه و ابي اضعف زود طبعا زوجي كيف خصوصا انه يموت عالضعف وانا متشققه :42: من بعد ما كنت البس xxl صرت البس s لا ومرات xs كملت رجيمي لحد ما وصلت 52 علي فكره انا طولي 169 صار ويهي اشطوله و صرت شينه ويهي كلا خشم:01: و لأن مالله كتب اني احمل في هالوقت حطيت حرتي بالرجيم اهده يومين او اسبوع وارجع اسويه0 وبقدره قادر :32:حملت والله كنت فاقده الامل 3 سنين وانا ماكو طبيب ما رحتلهز و طبعا كان لازم اترك الرجيم وزدت بس مو نفس زيادتي الاوليه كنت احاول امشي و اضبط اكلي بعد ما ولدت و جبت بنوته حلوه كان وزني 67 و سويت رجيمي بس ما كملته سويته اسبوعين بس و كنت العب رياضه واخفف وصلت بعد شهرين بعد من الولاده 63وبعديييين اهني الفاجعه قمت اكل ولا اقدر اسوي رجيم ابد وقمت ازيد وازيييد و تركت الرياضه بالمره و من افكر ابرجيم اقعد ابكي واكل اكثرلحد ما وصل وزني 71 وقاعده ازييييد لحقوني بنات قبل لا ارد امتن حسافه احس انها عين لاني ماني قادره اسوي اي رجيم والله يا بنات بعد النفاس على طول كنت معزومه في عرس في ناس الله يسامحهم كانو اقولون ما جنك توك والده وين بطنك ما قالو حتى ماشاءالله وغيرهم وايد الله يسامحهم ما ادري ليش مو قادره حتى عالتخفيف ودي لو اضعف حتى لو 10 كيلو شسوي قولولي انا من كثر ما سويت الكيميائي قمت من اسمع طاريه انغمت وابجي ساعدوني الله يوفقكم