ما لقيت عنوان ؟ بس الطباخه تجي تساعدني واجرها على رب العالمين

هلا اختي وعليكم السلام ورحمة الله وبركاته
انا بصراحه مو موظفه لكن بفيدك باللي اعرف ممكن انواع الدجاج مثل البروستد وصياني الفرن تقدرين تسوينها من اليوم الاول بالليل وتدخلينها الثلاجه وفي وقتها البروستد تقلينه والصياني تدخلينها الفرن اول ماتدخلين البيت دخليها الفرن وعلى ماتخلصين من نفسك وصلاتك اطبخي معها رز ابيض وسوي له وجه ونوعي فيه واايدامات ممكن تسوينها من اليوم الاول وفي نفس اليوم بس تسخين ما تتغير وممكن الكبسه تطبخين الدجاج او اللحم من اليوم الاول واذا رجعتي من دوامك بس اكبسي عليها الرز وقطعي السلطه والسلطه اذا بتقطعينها من قبل بيوم لاتخلطينها خلي كل نوع لحاله في حافظه وفي وقتها اخلطيها واضيفي لها الملح والليمون وزيت الزيتون وترى تقطيعها ماياخذ وقت على مايخلص الرز وينطبخ ممكن تجهزينه وتجهزين السفره والصحون وعندك المضغوط ماياخذ وقت كثير نفس طريقة الكبسه تقريبا لكن في قدر الضغط وسريع مايبي له والخضار ممكن تقطعينها حسب رغبتك وتدخلينها الفريزر ووقت الحاجه بس طلعي واطبخي وممكن تسوين كشنه طماط كميه كبيره وتوزعينها في اكياس وتحطينها في الفريزر اذا تبين ايدام او كبسه بس تطلعينها تذوبينها وتضيفين لها الدجاج او اللحم او الخضار حسب الرغبه وعندك المسقعه ومكرونة البشاميل ممكن تسوينها اليوم الاول وتدخلينها الثلاجه وفي وقتها بس سخنيها وسلطة التبوله قطعيها وعادي اخلطي مكوناته مع بعض وحطيها في علبه بلاستك ودخليها الثلاجه لكن لاتضيفين الملح والليمون
الافي وقت التقديم وممكن احيانا تسوين الغداء حاجه بسيطه مثل بيتزا التوست وساندوتشات او سمبوسه ومعجنات وسبرنج رول تكونين مفرزنتها وتحطين معها بطاطس مقلي وسلطه او اي شي بسيط والعشاء تفنني فيه اذا كان الغداء شي بسيط وممكن تسوين قرصان تكونين مسويه الخضار من اليوم الاول ووقت الغداء تضيفين له القرصان وعندك الربيان ممكن تبلينه من اليوم الاول وتدخلينه الثلاجه وفي وقته بس اقليه او سويه كبسه سريع مره ماياخذ وقت في الطبخ وممكن تسوين رز ابيض وتقطعين صدور دجاج وتحمسينها مع بصل وفلفل اخضر وطماط وجزر او حسب رغبتك وتحطينها على وجه الرز وتقدمين معها السلطه واذا عندك وقت من اليوم الاول سوي لك نوع حلى غداء كاسات او صينيه ونوعي فيه علشان يبين انك مهتمه وحريصه وممكن نوع حلى قهوه وزي كذا اذا قصرتي في الغداء عوضي في باقي اليوم يعني مع القهوه والشاهي والعشاء سوي حركات وتفنني ومع الوقت بتتعودين وعلى حسب وقتك طبعا وهذا اللي قدرت اكتبه مع ان عندي الكثير :42: و ان شاء الله اكون افدتك بشي والله يعينك ويوفقك واي سؤال انا حاضره :)

شوفي ياقلبي انا بقلك طريقه تدعين لي ان شاء الله بعدها انا موظفه وكنت اجي برمضان متاخر وبفضل الله ثم هاذي الطريقه ريحتني كثير واختي جربتها ودعتلي ..
خذي قدر كبير وسوي فيه كشنه كثيييييييييييييييييييييرة تعرفين الكشنه يعني تسبكين بصل وثوم وطماطم وصلصة وجمييييييييييييع انواع البهارات وملح وحطيها في اكياس بالفريزر انا تقريبا استخدمت نصف كيس بصل كبير وكرتون طماطم صغير واربع حبات ثوم وفلفل اسود وكمون وكزبرة ناشفه وقرفه مطحونه لا تكثرين والبهارات اللي تحبينها بعدين خليها تبرد وحطيها في اكياس في الفريزر ...هذي اول نقطه..

اشتري صدور دجاج بدون عظم وكمان دجاج مقطع حق ايدام ودجام مفروم في صحون احسن المبرد ... خضار مفرزه.. هاذي الاشياء لازم تون في فريزرك..

هاذي اهم شي ...طبعا الكشنه راح تستخدمينها في كل شي ان كان ايدام حطي قطع الدجاج والخضار وكيس كشنه وفي قدر الضغط ..

وان كان رز حطي صدور الدجاج وكيس كشنه ووملح ومويه في الضغط ..

واذا تبغين مكرونه نفس الشي واذا تبغين حشوة دجاج كمان نفس الشي ...

من جد راح ترتاحين كثير لان الكشنه تاخذ نص الوقت ..

والله يعينك..

اولا توكلي على الله
واكثري من الدعاء ببركة الوقت
ثانيا رتبي جدول للسبوع كله
مثلا يوم السبت رز مع بامية وسلطة خضراء
الاحد صينينة خضار ودجاج مشوي
وهكذا

شوفي يوم السبت وش تحتاجين ؟
قطعي الباميا من الليل والبصل وحضري كل شي وغسلي الرز والسلطة قطعيها ولاتحطين عليها الليمون

ونفس الشيء الأحد وكثري من الصواني لأنها ماتخرب لو قطعتيها من الليل ومثل ماقالت الأخت اول ماتدخلين ولعي الفرن ودخلي الكل وبعين غيري ورتبي السفرة وجهزي الصحون على بال مايخلص الكل
وبالتوفيق

ماقصرن اخواتي ولاكن اقول الله يعينك ويساعدك واذا كان همك صلاتك قبل اكلك
ان شاء الله يوفقك وييسر امرك
وقدر الضغط يصلح لمثل حالك ويختصر الوقت عليك

قبل بليله كل شي يجهز
اسلقي اللحم وحطيه بجدره باثلاجه ترجعين من الدوام نزلي الرز عليه
والسلطه تنقص بالثلاجه من الليل بس لا تحطين الصوص ولا الطماط ممكن تقصين كلشي بمواعين صغيره وتخلطينهم قبل الغدا
الدقوس بالفريزر طلعيه الصبح بره
والمرق من الليل يتسوى حتى الباميه وبالعكس تتسخن وتصير احلى ثاني يوم
والمشاوي تتبل زين ويدوب تدخل الفرن والمعكرونه تنسلق من اللي وتنغسل بماي بارد وتصفى وتحطين عليها نتفه زيت وتقلبينها وتدخل الثلاجه وتغطينها وتسوين الحمسه مالتا باللحم او الدجاج ايضا من الليل ويدور ترجعين تسخنين الحمسه وتنزلين المعكرونه وتخلينها تتسبك عليها
وايضا البشمل من الليل
ولو تتابعين تجميد رمضان ومواضيعه المختلفه بالمنتدى بتفيدك كثير ومو شرط كله مقلي