مشكلة فى بداية الطريق ومحتاجه مساعدتكم

صراحه حيل تعبانه ومحتاره بس لما شفت قسم الحياة الزوجية تشجعت انى اكتب مشكلتى وانشالله الاقى عندكم الحل ....



بس صراحه اهم شى اهم شى انكم تفهمون المشكله وانتبهوا لما بين السطور لانه اكثر شى متعبنى .....





الحمدلله بعد صبر سنين طويله الحمدلله الحمدلله الحمدلله



الله رزقنى بابن الحلال اللى انشالله يعوض صبرى خير

ماقولكم صراحه الولد وايد زين وحنون وطيب اكيد فيه شغلات ماتعجبنى بس مافى انسان كامل واهوه قاعد يحاول انه يرضينى ...


المهم موهاذى اهيه المشكله ..


احنا الحين صايرلنا شهر من ملجنا ولحد هاللحظه مادرى شنو مصيرى ومتى راح نتزوج يمكن تقولون انى مستعجله وانى لازم استانس بايام الملجه اللى اهيه احلى الايام وانا اوافقكم بالراى بس الشغله اللى موسنعه انى اظل جذيه ماعرف راسى من ريلى ولا اعرف نهايه لملجتنا ....


عيزت وانا انطره يتكلم بس مافتح الموضوع ....


خلينى اشرحلكم وضعى وضعه قبل لا اكمل السالفه انا اختى توفى زوجها من فترة وسبحان ربى يقطع من صوب ويوصل من صوب بعد كل صبرى يانى زوجى على طول عقب ماتوفى زوج اختى بحادث لدرجة انى كنت معتقده ان السالفه راح تتفركش حالها حال اى مره قبلها بس الحمدلله كملت وتزوجنا ... فا لما سألونا خواته اول مايونا يخطبونى متى الزواج امى قالتلهم عقب انشالله ماتخلص اختها من العده على اعتبار ان عدة اختى انشالله تنتهى شهر ثلاثه ويكون صارلنا انا وياه مالجين ثلاث او اربع اشهر ( وبعايلتنا هذا المتعارف عليه الملجه ثلاث او اربع شهور مو اكثر لانها ان طالت تمصخ وتصير موسنعه اذا مافى سبب مقنع او قاهر للتأجيل ) وسكتنا بسسسسسسسسسسسسس بعدها اهمه مافتحوا الموضوع بالمره
وبالنسبه له اهوه ساكن مع اخوه بروحهم بالبيت يعنى كل واحد فيهم له جناح بالبيت فى الطابق الثانى والطابق الاول خالى مافيه احد بس بالوقت الحالى اخته وزوجها وعيالها ساكنين فيه لانها قاعده تبنى بيت جديد بتنتقله لما تخلص ..بس جناح زوجى محتاج بعض التصليحات والترتيبات قبل الزواج وعلى اعتبار انه راح يسويها لما يتزوج ماكان محتاج الجناح كله واهوه عازب ..




المهم....



كل يوم والثانى انطره يتكلم ويقول انه ياب العمال علشان التصليحات لكن لاحياة لمن تنادى !!!
لحد مامره مليت وبلحظة صفا سألته اشصار ومتى بيبتدى جان يقولى ماراح يصير شى قبل لاتطلع اختى من البيت !!!!




شنووووووووووووووووووووووووووووووووووووووووووووووووووووو



تدرون متى اخته بتطلع من البيت .ذاك اليوم اتسولف معاى تقولى يمكن شهر سته يعنى هذا اقرب موعد راح تطلع من البيت واحتمال بعد ..

يعنى بالعربى الفصيح عقب اخته ماتطلع راح يصلح جناحه وبعدها اندور اثاث وبعدها انقرر بنسوى حفله والا يعنى الموضوع ماراح يصير قبل شهر تسعه الياى!!معقوله؟؟ ليش كل هالتأخير ملجتى بتصك على الافلام المصريه مع انه انا جاهزه واهوه جاهز


يمكن تقولون ليش انتى مستعجله وراح اكون صريحه معاكم انا كان اتفاقى معاه ان انا صج زوجته وحلاله وله اللى يبى ماعدا شغله وحده انخليها عقب مااصير فى بيته واهوه وافق ووعدنى على اساس كان فى بالى ان ملجتنا طبيعيه مثل باجى اهلى ..
بس الحين عقب مامر شهر بدا يلح فى الموضوع ويبيه وانا ماقدر امنعه اكثر من جذيه ولا اقدر بنفس الوقت اعطيه هاشى مابيه يصير الا وانا فى بيته


وبنفس الوقت انا تعلقت فيه وبديت احبه وصراحه صراحه حتى انا ابى هالشى ووايد اتعذب وانا امنعه ... صحيح انا اروح انام عنده كل فتره بس موعاجبتنى هالسالفه وبنفس الوقت ماقدر امنعه منها اهوه زوجى

والسبب اللى مخليه لحد الحين موقادر يصلح جناحه ان اهوه خايف اخته تعتبر دخول العمال البيت كأنها طرده لها من البيت وزوجها انسان حساس !!!
وحتى اخوه اللى معاه بالبيت يقوله مادخل رياييل البيت واختك قاعده تحت !!!


يمكن اول ماتقرون هالكلام تعتقدونه صح بس لما تفكرون فيها عدل راح اتعرفون ليش اهوه موعاجبنى ..

اخوه هاللى موعاجبه ان الرياييل يدخلون البيت مايصبر عن مرته دقيقه واذا سافر عنها ردلها بسرعه واهوه الحين مستقر فا مايأثر فيه اذا احنا نطرنا ست اشهر والا سنه

واخته مافكرت الا بنفسها ... اذا اهمه حاطين فى بالهم ماكو شى يصير قبل ست اشهر على الاقل عيل ليش اخطبونى من الحين !! لا وكانوا مستعيلين !! علشان يخلونى معلقه فى بيت اهلى لانى متزوجه ولانى عازبه

بعدين اهله من النوع الوايد متحررين وكل شى عندهم عادى والصبح اخته تروح بيتها علشان تشرف على العمال وعيالها بالمدارس يعنى اذا كانوا العمال موجودين اهيه ماراح تتأثر وكلها فترة اسبوع او عشر ايام باكثير والعمال يخلصون شغلهم يعنى تقدر تتحمل وتضغط على روحها علشان اخوها


زوجى كان واعدنى ان مايصير شى الا لما نتزوج بس بدا يحن الحين يبى حقه كامل وانا اقوله تذكر انك وعدتنى يسكت شويه ويرجع يحن .. وانا مانى عارفه شسوى اححترت صراحه حتى انا ابى هالشى بس ابيه على اصوله وانا فى بيته مثلى مثل اى وحده ثانيه


اسفه طولت عليكم بس سامحونى من حر مافى قلبى حيييييييييل تعبانه ابى اكون مع زوجى ووايد من صديقاتى مانصحونى تطول مدة الملجه زياده عن اللزوم لان المطاعم اللى نروحلها بتخلص وشوى شوى راح نتعود على بعض ونمل وتبتدى المشاكل وانا عارفه ان هذا اهوه الطبيعى


الحل اللى انا فكرت فيه انى اصارح ابوى واخليه اهوه اللى يكلمه وان احنا عندنا اصول متعارف عليها بعايلتنا لانه لازم يعرف ان وراى ظهر واهل مثل ما اخته وريلها عيال ناس هم ناا بنت ناس وميصير اظل معلقه جذيه موعارفه راسى من ريلى ..يمكن يكون فيه حل ارتاح
وانا ابى زوجى يكون له شخصيه بين اهله لانه اصغرهم مابيهم ياكلونه لانه ماراح يكون بعدين مسؤول عن نفسه بس راح يكون مسؤول عن عايله كامله انشالله

يريت خواتى ماتبخلون على بالحل ترا صج حيييييييييييييييل تعبانه ومحتاره وانشالله تكونون فاهمينى