مشكلتي 😢

اعرف كثير ناس يصبغون شعورهم حرير ام الركب اغلب البنات السود داكنه ام البيض تصير بنيه ودوري بالنت خلطات لك انا مااعرف شي للاسف سامحيني

اختي جواهر وزني 80 وطولي 165

كلامنا لوحده ماراح يغيرك او ينحفك
حطي في بالك الـ 20 كيلو اللي راكمتيها سنوات فمستحيل تخسرينها في شهر او شهرين وبسرعه لازم وقت
انا جربت طريقه ونفعت معي نزلت 13 كيلو ماشاء الله ما ادري خلال كم بالضبط يمكن 3 شهور او اكثر
وماكنت احس بالحرمان او الجوع
الطريقه صرت استبدل الاطعمه اللي سعراتها الحراريه عاليه بأطعمه سعراتها الحراريه قليله بكل بساطه
وكنت اكل رز ومكرونه وخبز وتوست لكن بدال ما اكل صحن او خبز كامل صرت اخذ نص الكميه حتى اللحوم والبقول نص الكميه
واحط جنبه مأكولات سعراتها قليله مثل الخضار قرنبيط زهره كوسا باذنجان وابعد عن البطاطس والذره يعني اي صنف سعراته عاليه اقلله حتى لو خضار
وضروري جداَ مع كل وجبه أي نوع سلطه خس خيار طماطم ملفوف جرجير بأي كميه تشبعك
وكنت اكل في الاسبوع مره او مرتين قطعه صغيره شوكلاته او حلا او شيبس كيس صغير
وكنت عادي اشرب غازيات دايت
واشرب قرفه او زنجبيل او شاي اخضر بدون سكر
والاجبان والالبان والحليب والبيض نفس النظام اخذ نص الكميه اللي كنت اكلها بالعاده حتى لو كان كامل الدسم اهم شي نص الكميه واعوض النقص بأطعمه سعراتها قليله مثل شرايح خس او خيار وطماطم
وكنت بين الوجبات اكل كوب او كوبين فشار بدون زيت اسويه بالمايكروييف
او اجهز شوربه كنور مغلف واحد فيه 4 اكواب كبيره الكوب الواحد فيه حول 50 أو 60 سعره حراريه يعني خفيف مره مايسمن
او اكل شريحه توست مع مسحه صغيره جبن بوك حول ربع ملعقه كبيره واحط فوقه شرايح خس وخيار وطماطم
او حتى الخبز المتوسط او الصغير افتحه شريحتين واخذ شريحه وحده واحط مسحه خفيفه جبن سائل واحشيه سلطه اللي متوفر خس طماطم خيار
وكنت احاول قد ما اقدر ما اخذ سكر عادي ولا استخدم زيوت او زبده او سمنه يعني عادي لما تكشنين البصل حطي ماء بتوفرين على نفسك حول 100 إلى 150 سعره حراريه بس من مقاطعه الزيوت !!
فما بالك لو طبقتي المقاطعه على الاشياء الدسمه اللي سعراتها مثل الزيت وهي زبدة الفول السوداني و المايونيز و الطحينه السايله والحلاوه الطحينيه والنوتيلا تخيلي بمجرد تحذفينها من وجباتك تكونين نقصتي حول 100 سعره بدون أي تعب ولا تجويع لانك راح تستبدلينها بالسعرات الخفيفه والبدائل عديده اولها الخضار والسلطات
اتمنى تقرأين عن السعرات الحراريه وتصححين طريقة طبخك وتنظمين اكلك وتنحفين بدون ماتحسين
واشربي ماء كثير يسد نفسك ويعبي بطنك

ومع تنظيم الاكل اللي سويته كنت ارقص زومبا او اسوي اي حركه او تمرين يرفع دقات القلب لو ربع ساعه كل يومين ولا تستغربين لان العلماء اكتشفو السر ان دقات القلب لما ترتفع هي اللي تخلي الدم يجري بالجسم ويحرق لو 10 دقايق فقط يعني مو شرط تمشين ساعه بطيء اختصريها رقص وهز سريع وتنطيط وحركات سريعه تريحين كل دقيقه بطيء ثم ترجعين سريع بتنحفين بالراحه

والله ما اخفي عليك الفرحه والشعور الحلو لما تلبسين بلوزه قديمه كانت ضيقه وصارت واو عليك او تمشين والكل يلاحظ انك ناحفه ويسألونك وش تسوين عشان نحفتي

الله يوفقك جواهر ويوصلك للوزن المثالي بصحه
انا وانتي يارب وكل الدبدوبات

انتي تقولين ابي داو او شاهي للتنحيف
شوفي يخيتي اذا نحفتي بدون رياضه مصيرك للترهل
وذا ماله الا قص وخياطه ف افضل حل وشفت ناس نفعهم حولي تروحين اخصائيه تشوف وش اللي يسمنك وتعطيك
جدول يناسب لك مع رياضه
واذا ماتقدرين تروحين شوفي فيه هشتاق اسمه #عرب_دايت او محارب الدهون راح تلقين كثير طرق التاس انحفو عليها وفيه تحديات تحمس وكمان بيجيبو وصفات اكلات ماتسمن لذيذه
اما شعرك ابعدي عن الصبغات وريحيه من الاستشوار
ورطبيه بزيت السمسم يجننن
اما المفاصل والبشره فيه حساب بالانستقرام ام خلطات جدتي حلو
وتذكري مافيه شي يجي بالساهل ماراح تنحفين ولا يصير شعرك حرير وانت متكية وتاكلين بنفسك
والله يحقق اللي في بالك يارب