مشكلتي :(/ التخلص من 20 كيلو في 3 شهور . معدل

السلام عليكم بنات
كيف الحال

حبيت اشاركم همومي بنفس الوقت تشجعوني
لانو مشكلتي كبيرة مع الوزن الزائد
انا انخطبت ومسافرة بعد ثلاث شهور بالزبط ليراني خطيبي واراه
والمشكلة انو الانطباع الاول مهم جدا
وانا وزني بعد ما اهملت حالي وصل ل85 طبعا صدمة واول مرة بيوصل لهاد الرقم بحياتي
عمري 20 سنة وطولي 160

انا الان عم حاول امشي يوميا ساعة
ومن مبارح بلشت اتبع ريجيم الخمسين سعرة وريجيم نوع الجسم يعني اكل حسب نوع جسمي لكن بحدود 500 سعرة لحد الان اموري تماام ولله الحمد

وكمان بشرب بردقوش قبل كل وجبة وبشرب خلطة (الليمون والزنجبيل والنعنع والكمون )
عالريق وقبل النوم
وفي خلطة كمان عم اعملها شفتها بالنت الي هي كمون وبذر الكتان وجوز الهند بس انا طحنت بذر الكتان وخلطته مع كمون بس وصرت اخد معلقة عالريق ومعلقة قبل النوم

واليوم بدأت احط ملفوف عبطني وأنا امشي وعم فكر أحطه لما أنام

وكمان بلشت اليوم عالصبح اعمل مساج القهوة


بنات برأيكم بقدر انحف 20 كيلو بثلاث شهور مع العلم جسمي من النوع الي بيحرق ببطئ ونزولو صعب
ادعولي اثبت عكل هالامور الي بدي اعملها واقدر التزم فيها مع العلم عندي امتحانات بعد شهر :(