السلام عليكم ورحمه الله وبركاته
انا شبه مطلقة وعايشة عند اهلي من 3 سنوات ومعي طفل عمره 4 سنوات ..
طفلي مثل كل الاطفال شقي وحرك ماشاء الله ويحب يلعب ويصرخ ،، وبجانب ثاني فيه جانب العنف شوي وهالعنف الي فيه لاحظته ع جميع الاطفال الي بسنه رغم ان اهلي حاطين قناعه براسي ان سكوتي عن ولدي هو الي يخليه احيانا عنيف ولسانه طويل
المهم ،، ولدي متعلق باخواني من ابوي ،، ويطلع بكثره للدور الي فوق عند اخواني الثانين وزوجه ابوي ،، وهو صغير كانوا اخواني من ابوي يحبوا الارض بس عشان اخلي ولدي عندهم ساعة او نص ساعه يلعبوا معاه ، يوم كبر ولدي وبدا يثقل دمه بنظرهم نبذوه وهو لانه محروم الاب متعلق كثير فيهم لأنه اتربى وهم حوله ..
بس احيانا ولدي يقل ادبه عليهم بسب او أذية مثل انه يطيح شغله لهم ، او يمسك شيء ويهرب فيه بغرض ان يخلي الشخص يجري وراه عشان يلعب ،، يعني طفل بريء ومافيه معاه اطفال ثانين ومن الملل احسه يحاول يستفز الي قدامه عشان يلفت نظرهم له ..
بعد م اتوفى ابوي الله يرحمه اصغر اخت لي عمرها 14 سنه بس مخها قد مخ ولدي ، تزعل منه لأتفه شيء يسويه ، وهو يحس انها تكرهه فأحيانا يسبها ، يسحب شعرها ، وانا والله م اسكت له لو عرفت ع الاقل اخليه يعتذر .
بس اوقات احس اختي هذه تعامله لما يكون وسط صغار العايله غير عن البقيه ، يعني هو بس الي تصرخ عليه ، هو بس الي ماتتقبله ، وانا اتضايق يوم تعامله مثل المنبوذ وسط الصغار الي بعمره . وامشيها اقول لنفسي عادي لا تدققي رغم ان الي داخلي يتسائل ، خير يعني ولدي الحيطة المايله .
المهم موقف امهم معاي والي هي زوجه ابوي ،، عيالها الذكور معودين ولدي من هو طفل انه لو يبغوا يلعبوا معاه لازم يستفزوه او يقرصوه او يخوفوه او يفجعوه ، وهو رده فعل منه يشتم واحيانا يسب الاب .. يجوني كلهم يقولوا سمعتي ولدك اش يقول ،، ولما اقول لهم طيب لا تستفزوه العبوا معاه بدون ما تخلوه يتنرفز لأنه نحن ي الكبار لو اتنرفزنا صرخنا وسبينا فكيف هو الي عقله ع قد عمره ،،
عاد ساعتها يقولوا عني هذه تبغى ولدها يغلط علينا على كيفه ولا تربيه ..
لا والله اني اغلطه واحيانا اضربه ،، لكن هل ولدي ملطشة لدرجة كل م جوا يستفزوه وبالوقت الي يعجبهم يقول لهم بالله خلاص اسكتوا او يقول لهم مثلا خففوا المزح انا اتضايق؟؟ هل مخه كبير بالمستوى المطلوب هذا ...؟؟؟
ولو مثلا مسك شيء من اشياء اي احد ف البيت فورا يجووو ويقولولي امسكي ولدك يلعب بأغراضنا !!! طيب انا احرس اغراضكم ولا امسك ولدي ؟؟؟ الاغراض ليش ماتنرفع مثلا ..
والله وقتها علطول افكر واقول لو اني استمريت مع ابوه وكنا ببيتنا ما اتحكم فيه احد وكان تركته يلعب ويجري وين مايبغى ..
يحزنني كيف وحيد وكل البيت كبار ،، يدور حول الجميع يدور الاهتمام وكل واحد ع جهازه او ع اموره ،، وهو يكلم نفسه ويألف العاب بينه وبين نفسه عشان يسلي نفسه ولا يطفش ،، ارجع اقول محد مجبور بولدي غيري ،، لأنه فعلا الكل تخلى عني وعن ولدي من وقت رماني زوجي حتى امي ماتتدخل فيني ولو طلبت منها اي مساعدة تخص ولدي تروح تقول للجميع من وراي انا اش دخلني بولدها هذا عنده اب مسؤول عنه ..
وزوجه ابوي مرات اولادها لو ضربوا ولدي وزعلت تجي وتقول لي لا تتدخلي كثير عشان لا يكرهووه ، ساعتها محد حيعطيه وجه فيهم ،، المقصد اما اسلمهم ولدي يربوه هم ويضربوه ويستفزوه ولو طفشوا منه طردوه ، او اني اتدخل وما اسمح لهم يلعبوا فيني وفيه ساعتها يعاملوه مثل المنبوذين زي ماتعامله اختي الصغيره ..
واول اخوي من ابوي رمى باب البيت الحديد بقوة وراه وهو رايح وولدي كانت يده بحز الباب وبأخر لحظه شال يده ،، لو وقتها ولدي م شال يده كان انطبق الباب الحديد ع يده الصغيره ،، انا مجرد تخيلت صرخت وقلت يد ولدي الله يكسر يدك ..
الا تجي امه وتصرخ وتقول لي لا تدعي على عيالي عشان ابنك ،، قلت لها بغى يكسر يده ،، بررت وقالت طيب كان معصب ،،
ياسلام ؟؟؟ معصب عادي يكسر يد ولدي ،، اما انا ممنوع ادعي وممنوع حتى اعترض ع اي شيء يصير لولدي ...
انا اعرف اهلي ،، اهلي من النوع الي يعاملون الاطفال بشراسه ،، هذا من زمن طفولتي كانوا اخواني الكبار من الزوجه الاولى يعاملونا مثل معامله العبيد ،، واتوارثوا اهلي الشيء هذا ،، الصغير بالسن شخص مدعوس عليه وممنوع حتى يرفع عينه ،، ولدي بدا يكبر ويفهم صار الحين لازم يجمدوا وجيههم قدامه ،، ولازم مايسكتو عنه لأنهم اكبر منه ،، اذكر كمان اختي اتطلقت وجات بولدها زمان كان عمره 6 سنوات
اذكر كل البيت كانوا يشتكون منه والاشياء الي كانوا يشتكوها منه لي انا تطلع من اي طفل ثاني ،، وقتها كان ولدي صغير عمره شهور
الحين مر الوقت وصرت مثل اختي هذيك ،، ولدي كل تصرف يسويه كل حركه محسوبه عليه وعليا ،، ولو ماضربته يحقدوا كلهم
تخيلوا سكان البيت عندنا 11 نفر
حرمه ابوي واولادها 6 ونحن وامنا تحت 5
كل من اشتكى من ولدي لازم اضرب الولد قدامهم ،، تخيلوا كم مره بينضرب الولد باليوم ،، خصوصا ان حركاته كثيره ومؤذي شوي ..
حيصير عشان ارضي اهلي يكرهني ولدي ويكبر وهو يقول لي كنتي تضربيني وانا صغير بكثره ،، لأن الاطفال ماينسوا الضرب ،، انا ما انسى ضرب امي وابوي لي وما ابغى ولدي يتذكرني وانا اعنفه الا لو كان سبب قوي ..
الحين زوجه ابوي حرمه شايبه ماتتكلم مع ولدي الصغير 4 سنوات عشان ولدي افترى ع بنتها عمرها 14 سنه وجا قال لي عنها انها ضربته كف ،، والبنت انكرت وطلع ولدي مفتري ،،
وقتها سألت البنت سؤال : انتي ضربتي ولدي ،، قالت لا والله - ولأن البنت كثيره الكذب وتحلف احيانا كذب وربي يشهد علي - حلفتها قلت لها ( والي يكسر يدك لو كنتي تكذبي ؟؟ )
قالت ايوة ، قمت اخذت ولدي ونزلت تحت الا جات زوجه ابوي تقول لي ليش تدعي ع بنتي يرضيكي اقول عن ولدك الله يكسر يدك
طلعت بنتها قايله لها اني دعيت عليها بأني قايله الله يكسر يدك وبس ،، يعني ماقالت اني استثنيت وقت م دعيت ..
واول صار موقف انا واختي عندنا نفس النظاره نظارتين يتشابهو ، امي شافت نظارتي مع ولدي وظنتها تبع اختي ،، سمعتها تقول لاختي ،، شيلي نظارتك الولد حيكسرها ،، والنظاره طبعا ام 10
قام ولدي قال لها : حقتي ماما اعطتني اياها .
الا امي قالت عن ولدي : عنيد حسبي الله على الي جابوك ..
زعلت من الكلمه ورحت قلت لها هذه نظارتي مو نظاره اختي ،، الا قالت لي قصدك انا كذابه وانتي وولدك صادقين ؟؟
وصار جدال بيني وبين امي وضاقت فيني واخذت ولدي ورحت لبيت اخوي ،، وبعدين بالليل عرفت انها اشتكت لأختي المتزوجه ع الواتس اب الا لقيت اختي كاتبه لها : هذه ليش تقوي ولدها عليكم متى تقسى عليه وتربيه !!
انصدمت ف اختي المتزوجه ذي رغم اني كنت افضفض لها كثير عن تحسس اهلي من ولدي ومبالغتهم بشكاويهم منه ،، وهي تسايرني بس طلعت منافقه من قدامي شكل وورايا شكل
ودي اهج بأبني اروح اسكن بمكان ثاني ، اوقات ع كثر م زوجي سيء ومافيه امل يرجعني ولا فيه امل يعطيني اي حياه كويسه الا اني اقعد ادعي انه يردني بس من تعامل اهلي معايا ومع ولدي
هذا كله كوم ، ولما يصير زعل بيني وبين اي احد بالبيت يوم يطلع حرته بولدي من وراي ،، هذا الشيء يضايقني ..
اعطوني نصايح ،، هل انا مدلعه ولدي ،، والله صعبه اضربه 11 مره ع الاقال بمعدل شكوى لكل شخص بالبيت ،، هذا اذا ماوصلت شكاوي كل شخص 20 شكوى بالساعه ،، تخيلوا كم مره اضربه باليوم عشان يرضوا اهلي ،، وانا للحين ما اضربه ولا ابضربه الا لغلط ماينسكت عنه
انا ف كررررررررررربة متضايقه ع حظي وحظ ولدي المسكين
لسه والله م اتكلمت الا 2 بالميه من المواقف الي ولدي فعلا مظلوم فيها ،، بس اتغطى ع عين الجميع فكره اني ادافع عنه واني اقويه عليه لدرجه انه كل شكوى ع ولدي محد يقول عنه صغير او ما يفهم ،، لا ! يقولوا امه تسكت عنه
الدندوشة @aldndosh
عضوة نشيطة
يلزم عليك تسجيل الدخول أولًا لكتابة تعليق.
لو ما تقدري تطلعي بيت لحالك
خصصيلك غرفة لكي ولولدك و وفري فيها العاب و وسائل تعليمية
وقناة اطفال اسلامية تربوية بمعدل ساعة في اليوم او ساعتين متفرقة
وحاولي ما يتخالط مع احد الا بأضيق الحدود يسلم عليهم ويرجع غرفته
وخرجيه يوم بعد يوم
ودخليه روضة عشان ينشغل ويشوف اولاد تانين
ولا تضربيه يعني يلاقاها منك ولا من خواله ولا ولا
وقوي شخصيتك و وقفيهم عند حدهم ولا يهمك احد
دامك ما غلطتي على احد
الاولوية صحة ولدك النفسية والصحية والاجتماعية
وحاولي تتوظفي في اقرب فرصة لو مانتي موظفة
خصصيلك غرفة لكي ولولدك و وفري فيها العاب و وسائل تعليمية
وقناة اطفال اسلامية تربوية بمعدل ساعة في اليوم او ساعتين متفرقة
وحاولي ما يتخالط مع احد الا بأضيق الحدود يسلم عليهم ويرجع غرفته
وخرجيه يوم بعد يوم
ودخليه روضة عشان ينشغل ويشوف اولاد تانين
ولا تضربيه يعني يلاقاها منك ولا من خواله ولا ولا
وقوي شخصيتك و وقفيهم عند حدهم ولا يهمك احد
دامك ما غلطتي على احد
الاولوية صحة ولدك النفسية والصحية والاجتماعية
وحاولي تتوظفي في اقرب فرصة لو مانتي موظفة
حاولي تسجلينه بالروضه ينبسط ويداوم ويكون صداقات مع اطفال من عمره واذا رجع يتغددى وينام واذا صحي العبي معه أنتي لا تخلينه يحتاجهم خذي له صلصال والعاب ودفاتر تلوين ودفاتر حروف وقصص تعليميه وقضي مع ولدك وقت حلو والليل يتعشى وينام بكذا يكون احتكاكه معهم قليل خلي ولدك مشروع حياتك لعبيه سولفي معه
الصفحة الأخيرة
ثانيا واضح من كلامك ان هذا اسلوب اهلك مع الكل اخوانك وانتكم وولد اختك يعني ماهم متسلطين عليه بس انتي مركزة عليه لأنه ولده وهذا شي طبيعي واحساس كل أم
لكن حبيت انبهك انهم ماهم متسلطين عليه
الخل انك ماتضربينه كل ماسوى شي
ولا تناصرينه كل ماجاك يشكي
خليه يدبر اموره مع هالاطفال وامك ترى عادي كلامها لو على احد من اخوانك كان ماحسيتي الوضع فيه شي
لازم تتخلصين من حساسيتك هذولا اهلك وسند ظهرك ومو معقولة الطفل بعمر ولدم ما يتمشكل مع الاطفال عادي بس انتم يالكبار طلعوا حالكم منهم عشان مايصير مشاكل