**** مشوار دنيا ملونه بالريجيم شاركوووها وكل وحده تقول قصتها ****

صبـــــــــــــــاح الخير


شلونكم يا اروع بنات على سطح الكره الارضيه ههههههههههههههه
طبعا
انه بقول قصه حياتي وانتو سمعوها والي تبي تقول قصتها او تعلق او تدعي لي او تقترح علي تتفضل
ياطويلات العمر
انا من 4 سنوات
كنت متينه وكريهه :10_8_10:
وزني كان تقريبا 70 عاد لاتشوفون الخدود والزنود والكرش والحاله
عاد مره قررت اسوي انقلاب واثور في وجه السمنه ورحت اشتركت في نادي رياضي :10_8_11: وخففت اكل
كلها شهرين الا انه غصن البان الكل كان يسالني عن السر
وصل وزني تقريبا الى 60 كيلو

ومرت السنوات وانه ناسيه روحي

اكل ومرعى وقله صنعه :10_8_9:
اكل وانام ولا اسوي رياضه وصار وزني 69
انا من ست شهور رحت على الميزان والا اشوف وزني 69
بغيت اطيح صفره بس الله ستر
دخلت هالمنتدي الجميل وقلت لازم اضعف
سويت ريجيم ام عوشي الي هو 4 اكواب حليب 2 روب 3 اكواب عصير برتقال طبيعي واوزعهم على طول اليوم
طبعا استمريت على هالريجيم تقريبا 3 اسابيع ووزني وصل الى 63
بس عاد لا تشوفون الشعررررر كلللللللللللله طار في الهوا مادري طاح في البحر
المهم قل واااااااااااايد
وبعد استمريت اسبوع على ريجيم التمر والحليب الى جانب اسبوع من التخفيف ووصل وزني الى 60.5 وطبعا الى جانب تمارين الرياضه :7_5_127:


عاد شوفو روووووووووووووعه الشعور الناس تقولج نحفاااااانه وثيابج وسعت علييييييييج الله ياريت الدنيا كلها هالشعور بس ههههههههههههه
المهم تزوجت صاحبتكم ( انا ) من ولد الحلال من شهرين ونص :icon28:
وطبعا عادت حليمه لعادتها القديمه
شووووووووووووفووووووووو الاكل بالهبل :7_2_103v: وشوفو الرياضه شلوت تركتها
وزنت من شهر تقريبا الا اشوف الوزن 64.5
اااااااااااااااه يا القهر كل الي سويته ضاع :(
عاد انا قررت واعوذ بالله من كلمه انا اني اخفف ولا اكل الحلويات والمشروبات الغازيه والدهنيات الي اموت فيها
صار وزني مع الرياضه طبعا 62 وانه الي اسبوعين تقريبا ماشيه عالنظام
والله يا بنات ودي اوصل وزني الى 55
حلم اني كاسر حاجز الستين واوصل للخمسين الله يحققه لي يااااااااااااارب
انه اليوم ماشيه على نظام 12 × 12
يعني 3 ايام زبادي او لبن _ 3 ايام فاكهه _ 3 ايام خضروات _ 3 ايام لحوم
الله يقدرني ويخليني ما خربط ويثبتني وينحفني يااااااااااااارب
ويخلي زوجي ما يغريني بالاكل واترك الريجيم

يالله يابنات كل وحده تدخل تقول قصتها في الريجيم وعالم الريجيمات والي ماعندها قصه تدخل تعلق او تدعي لي وتطلع


تراني نااااااطرتكم لاتخيبون ظني