بالنسبه الى انا احب الشوى على الفحم هذا بالنسبه للغداء وطبعا مع السلطه والفطور افضل الكونفلكس مع حليب قليل الدسم وطبعا الفواكه بين الفترات اتصور نضامى دايت

طيب ايش تأخذوا معكم سناك أو فطور للجامعة

عسولة ياجوجو أفكارك حلوة ومرة أعجبتني

هلا والله حبينانه ..زمان عنك ...قصه حنا والدايت والاكل الدايت ..
شوفي انا عموما احب الطبخ الصحي مو عشان دايت لا ,,عشان صحتي وصحتي عيلتي ..
وكل الاظباق الصحيه اسميها اطباق نظيفه مافيها لا زيوت ولا حوسه مواعين

هذي اطباق تنفع للغداء

مثلا صينيه الخضار بلحم او دجاج بالفرن ..قطعي الخضار اللي تحبين ..مع دجاج مقطع من دون جلد
اخلطي البهارت اللي تحبين مع ملعقه زيت وملعقتين صلصه وفنجال مويه وملح طبعا وثوم اذا تحبين
وصبي هالخلطه عالخضار وقصدري الصينيه وخليها ساعه بالفرن ..وبعدين حمريها وبالعافيه


مندي بالفرن ...

ستيك مع صوص خفيف

سمك مشوي
مخي قفل

للفطور للجامعه ..شابوره بر ..فاكهه تفضلينها ..ساندوتش توست بر محشي بجبن سلايس او مرتديلا او بيض مسلوق
احيانا اخذ جزر او خيار ..

بس هذا اللي عندي

عندي طريقة سهله ونظيفه ماتوسخ الدنيا

تجيبي سمك فيليه اي نوووووع
أنا افضل السلمون
بعدين تفرشي قصديربحيث انه يكون كبيره عشان ترجعين تغطين الفيليه بالقصدير نفسه

تصفي السلمون فيليه على القصدير وتقطعين جوانج بصل تحطيه فوقه
بعدين تكون مجهزة صوص
عباره عن
ملعقتين مايونيز لايت
شوي خردل
صلصة طماطم
فص ثوم مهروس
وانا الصراحه احب اضيف شوي ماجي هذا اختياري
انتي ممكن تضيفين اي بهار عندك تحبيه
تخلطينها مع بعض حتى تصير خليط سائل

تصيبيها على السلمون
اخر حاجه تحطي كزبره مفرومه او اي توع ورقيات للريحه

وتغطينها تدخلينها الفرن على درجة حرارة 220 لمدة 25 دقيقه واحلى واسهل طبق
=================================================================
بالنسبه للسناك
مالك الا تشتريه جاهز او تشترين النواشف مثل الكراكر

لآن التشيز ممكن يذوب مع الحراره مو يذوب بمعنى يسيح لا اقصد يكون ملمسه وحتى الطعم مو مستصاغ
وكمان الفواكه بالحر تروح نكهتها مالفيه الا حل تشتري القزالب اللي تثلجينها وبعدين تحطينها مع الأكل السناك