مشكله الصدر الصغير دى مشكله عند بنات كتير مننا وبتاثر جدا على ثقتنا بنفسنا وطبعا كل اما تيجى تتكلمى مع حد عن تكبير الصدر يقولك اصبرى لما تتجوزى وتحملى وكل شئ هيبقه تمام وطبعا ده مش صحيح لان بنات كتير جدا اتجوزا وحملوا ولسه زى ما هما وبقت المشكله بدل ما كانت مشكلتك مع نفسك انتى وبنت بقت مشكله مع زوجك لانه غير راضى عن شكلك بهذا الصدر الصغير وطبعا نفسيتك بتتعب اكتر واكتر :(
عشان كده يا بنات قولت اعمل الموضوع ده ونشترك فيه كلنا ونحاول نحمس ونشجع بعض واكيد مفيش حاجه من غير تعب وصبر وان شاء الله نوصل لهدفنا ويكون شعارنا
"معا نحو صدر اكبر "
طبعا بنات كتير منا جربوا وصفات كتير وفيه اللى ما جبتش نتيجه وفيه اللى مكملتش اصلا عشان كده انا هحط برنامج متكامل وباسلوب علمى ونمشى ان شاء الله عليه كلنا سوا
ونتحول من الحجم ده
صورة مخالفة
للحجم ده باذن الله
صورة مخالفة
اول حاجه هنبدا بالتمارين الرياضيه لان هيا المسئول الاساسى عن تغيير توزيع الدهون فى الجسم
اولا:تمرين ايام وانا مسمياه كده لان الاخت اللى قالتلى عليه كان ده اسمها
التمرين ده فعلا جميل جدا وصاحبه التمرين بتشكر فيه جدا وبتقول انه كبر ليها صدرها (ما شاء الله لاقوه الا بالله ) لدرجه انها نفسها يصغر تانى عشان يتناسب مع جسمها وسالتها قالتلى انها مستمره عليه بقالها سنتين كتمرين من التمارين اليوميه لانه بيشد الصدر جدا بس طبعا النتيجه ظهرت من زمان ..
وده شرحه بصوره مفصله
التمرين سهل بس ركزى معايا ..
اول حاجه تفردى ايدك فى مستوى الصدر ..حلو كده ؟
تانى خطوه
اتنى ايدك الاتنين وكل ايد ماسكه بالايد التانيه بقوووووووووووووووه
الاسهم الحمرا ديه ..اثناء ما انتى ضغطه بايدك تكونى متجهه للكوع خلى بالك انتى نفسك ثابته مش بتتحركى كل الفكره انك ماسكه كل ايد بقوه وبتضغطى اوى ناحيه الكوعين هتحسى اول حاجه بوجع بسيط تحت الباط(والوجع ده بيفضل اسبوع بس ويروح ) تانى حاجه هتحسى ان عضله الصدر بتتحرك لاعلى ...جربى كده انتى والكلام ادامك وشوفى هتقفى لحد فين وقوليلى الاخبار
ودى تمارين الاثقال برده مفيده اوى لتكبير الصدر
ثانيا:تدليك بطريقه بنت عذارى بس بدل زيت الزيتون زيت حلبه وربنا يعينكوا على ريحته
وده رابط التمرينات
http://www.forums.3roos.com/t336789.html
ثالثا:ودى عوامل مساعده وهيا الاغذيه اللى بتساعد على تكبير حجم الصدر وده رد اخصائيه التغذيه هنادى جابر عليا لما سالتها عن الموضوع
يعنى الموضوع كله تمرين رياضى وتدليك وتزودى فى اكللك على الاغذيه ديه
نيجى للاسئله اللى دايما بتكرر
س1:هل التدليك بزيت الحلبه مضر وبيسبب السرطان والعياذ بالله ؟؟؟؟؟؟
>>> http://www.almostshar.com/web/Consult_Desc.php?Consult_Id=8240&Cat_Id=8
شرب زيت الحلبه مفيد اوى فى الموضوع ده وانا مجرباه بس مش اكتر من 5ملى يعنى معلقه يوميا بس
س2:بعد ما نبطل التمارين والتدليك هيرجع حجمه زى الاول تانى ؟؟؟
ج:فكره التدليك والتمارين الرياضيه ,الفكره كلها ان مع التمارين بنعمل حاجه اسمها كب عضلى يعنى بتنشطى عضله الصدر واول ما تبطليها العضلات دى بتبقه اتعودت ان الدم اللى فى غذاء يروح ليها وتتحول لكب دهنى اللى هو زياده الدهون فى المنطقه اللى لعبتى ليها رياضه اللى هيا الصدر فبالتالى يكبر اكتر واكتر بعد ما تبطليه عشان كده بجانب التدليك التمارين الرياضيه مهمه اوى....اصلا الفكره كلها ان المنطقه اللى بتلعبى ليها رياضه بتسخن والدم بيروح لاى منطقه سخنه فى الجسم واحنا عاوزين الدم يوصل للمنطقه ديه حتى لاحظوا انها لما بتسخن بتحمر عشان الدم اتجمع فيها <<<< على فكره ده كلام دكاتره منهم دكتور عادل عبد العال اللى كان بييجى على المحور وكمان دكتور بهاء ناجى اللى بييجى على قناه الحياه ...
س3:النتيجه بتظهر بعد اد ايه ؟
النتيجه المبدئيه شهر والبرنامج 3 شهور
بنات الموضوع ده موضوعى فى منتدى تانى وماشيه عليه انا وصحابى هناك بقالنا شهرين والله والله بدون مبالغه النتيجه حلوه ومشجعه جداااا ان شاء الله تظهر معاكوا كمان بس عاوزين حماس ومتابعه يوميا وان شاء الله هنوصل لهدفنا ونفك عقدتنا :2thmup:
لرفع