معلوووومات جداااا قيمه....ومجربه مني شخصيا و اثبتت فعاليتها..

♥ حزينة ♥ • 20 سنة

مشكورة
معلوماتك اللي كتبتيها تجنن من جد
بس دامة بالأنجليزي مافية أمل :)
أتمنى توضحين هذي اكثر

و بالذات معادلة قياس الدهون بالجسم

ودي اقيس الهضاب اللي عندي :D

وفي الكتاب كم معادلة

أنا حسبت هذولي

معادلة قياس الدهون
-معادلة الوزن المناسب
-وزن العضلات
نسبة حرق الدهون
-كمية السعرات اليومية

ومشكورة قلبي على المعلومات اللي شاركتينا فيها
وان شا ء الله تنحفين من غير شر
وعقبالنا جميعاً

شمس الشارقة • 20 سنة

شمس الشارقة :

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و يمكن فيه بس أنا مادري...إن شاء الله بسأللج إذا شي ولا لأ :27:

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و...

مررررحبااا...

أنستازيا...صح عزيزتي..هذا من الأجهزه اللي اتكلم عنهم المدرب..و انا جربته عند الدكتوره اللي كنت أسيرلها قبل 4 سنين..بس قال إذا تبين قياس أدق فبيكون القياس بهالجهاز...يقول استخدم في النادي الي يملكه هالأجهزه بس عقب تجربه شاف إنه أظبط واحد كان هذا اللي خبرتكم عنه...و مشكوووره عزيزتي على مشاركتج و على مرورج الطيب :27:

حزينه..والله اتصدقين يوم قريت هالكتاب قلت في خاطري لازم حد يترجمه و ينزله بالعربي لأنه فعلا ممتاز...المشكله هي >>>> صعب إني أترجمه كله لأنه الكميه كبييييييييييييييييره :3_3_103: بس ولا يهمج المعادلات اللي طلبتيها بحطلج إياها..

بالنسبة للمستويات اللي اتكلم عنها المدرب...هو امسوي جدول بالمستويات و كل مستوى عداله نسبة الدهون اللي اتكون في الجسم لما اتكونين في مستوى معين...

مستوى الجسم حسب الدهون الرجال النساء
الجسم الرياضي(للمنافسات على حد قوله) 3-6%للرجال 9-12%للنساء
الجسم الممتاز أصغر من او يساوي 9%للرجال أصغر من او يساوي15%للنساء
الجسم الجيد 10-14% للرجال 16-20%للنساء
الجسم الوسط 15-19% للرجال 21-25%للنساء
الجسم تحت المستوى الوسط (السيء) 20-25%للرجال 26-30%للنساء
الجسم السيئ جدا(محتاج الى تعديل شامل) 26-30% للرجال 31-40%للنساء

طبعا في البدايه تختارين المستوى اللي تبين توصلين له...و تقيسين دهونج الحاليه و وزنج الحالي..و تبدين الحسابات...

عطوني 5 دقايق و برجع أكمل و أحط المعادلات...والسموحه :D

نهله • 20 سنة

طيب هل عملتى تمارين حمل اثقال؟؟؟؟؟؟؟؟
يقولون هى اللى تحرق الدهون ومشكوره على المعلومات

شمس الشارقة • 20 سنة

شمس الشارقة :

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و يمكن فيه بس أنا مادري...إن شاء الله بسأللج إذا شي ولا لأ :27:

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و...

مرررررحباااا...

انكمل...

حطيت قبل شوي المستويات...و المدرب حاط مستويات أخرى للدهون لأجسام الرياضيين المختلفه باختلاف الرياضات(الماراثون, سباق المسافات, رياضة القفز من مسافه معينه, لاعبين الكره..الخ)...بحطها بعدين..الحين بحط المعادلات المطلوبه..

أولا: كيف تحسبين حجم الدهون و حجم العضلات:
حجم العضلات في الجسم هي عباره عن كل الأنسجه في الجسم بدون الدهون...و إذا تعقبتي حجم هذي العضلات, بتعرفين إذا كانت عضلات جسمج كلها يزيد حجمها و تقوى ولا ينقص حجمها و تضعف...
عشان تحسبين هالشي (بس الحساب بالباوند مب بالكيلو, و عشان اتحولين بحطلكم موقع تحولين اي رقم بأي صيغه ألى أي صيغه ثانيه تبينها وهذا هو الموقع ) محتاجه تعرفين وزنج و نسبة الدهون في جسمج...

المعادله هي: نسبة الدهون في الجسم x الوزن بالباوند
مثال:
الوزن>>> 194 باوند(هذا مثال مذكور في الكتاب لوزن رجل)
نسبة الدهون>>> 18% (018)
0.18 ضرب 194 = 34.9 باوند من الدهون

نقصي حجم الدهون بالباوند من وزنج الحالي
194 - 34.9 = 159.1 باوند و هو حجم عضلاتج في جسمج

لقياس الوزن المثالي:
عشان اتعرفين شو هو الوزن المثالي اللي لازم توصلين له..لازم تختارين المستوى اللي تبين توصلين له(من المستويات اللي حطيتهم في الرد اللي فوق)...

و المعادله هي: حجم العضلات الحالي (تقسيم) 1- نسبة الدهون اللي تبين توصلينلها حسب المستوى المطلوب

مثال:
الوزن>>> 194 باوند
نسبة الدهون الحاليه في الجسم>>>18%
حجم الدهون بالباوند>>> 34.9
حجم العضلات( حسب اللي طلعناه قبل في المثال اللي فوق)>>> 159.1 باوند
الهدف المنشود(النسبة اللي تبين توصلين الها)>>> 12%
نقصي النسبة المراد الوصول الها من 1

(1- 0.12= 0.88) النتيجه هي نسبة حجم العضلات المراد الوصول الها
اقسمي حجم عضلاتج الحالي على نسبة حجم العضلات اللي تبين توصلين الها
159.1 (تقسيم) 0.88 = 181
يعني الوزن المثالي لهذا الرجل = 181 باوند

يتبع....

شمس الشارقة • 20 سنة

شمس الشارقة :

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و يمكن فيه بس أنا مادري...إن شاء الله بسأللج إذا شي ولا لأ :27:

مرررحباااا... دلوعة زوجها....العفو عزيزتي....للأسف أختيه ما أعتقد إنه فيه ترجمه للكتاب...و...

مرررررحبااا...
انكمل....

لحساب كمية السعرات الحراريه اللي يحتاجها الجسم:
المدرب حاط في الكتاب..متوسط السعرات الحراريه اللي لازم ياخذها الرجل أو المرأة..
للمحافظه على الوزن: 2700-299 للرجال(المتوسط) 2000-2100 للنساء (المتوسط)

لإنقاص الوزن: 2200-2700 للرجال(المتوسط) 1400-1800 للنساء(المتوسط)

لزيادة الوزن: 3200-4000 للرجال(المتوسط) 2200-2500 للنساء(المتوسط)

*طبعا هذه الأرقام تعتبر المتوسط في الحساب...يعني بشكل عام...و تختلف باختلاف حسابات كل واحد...

المعادله لحساب كمية السعرات الحراريه اللي لازم تاخذينها في اليوم(للنساء):
هو حط معادلتين بس بحط المعادله اللي قال عنها أفضل و أظبط من الثانيه...

طبعا أولا لازم انحدد معدل حرق الميتابولزم للدهون...و هو كالتالي:
م.ح.م.د = 370 +(21.6 ضرب حجم العضلات الحالي )

سامحوني بس ما أقدر أكمل الحينه :( ...و بردلكم عقب شوي و بحطلكم المثال.... :27: