بنااااااااااااااااااااااااااااااااااااااااااااااااات مرااااااااااااااااااااااااااااااااحب .................
أولا انا متابعه جيده لكم بس عمري ماشاركت معكم ................
ثااااانيا سالفة الرجيمات والحميات اللي تسوووونها ................ترى ماااتفيد
خلني أقولكم شغله قبل سنه تقريبا كاااااااان وزني 95وانا طولي 175ماشي.المهم سوييت رجيمات الدنيا بس اختكم المصون مااعندها اراده.المهم قررت اني انا أخفف أكلي وتخيلوا بنااااااااااااااااااااااااااااااااااتكم صار وزني؟؟؟؟؟

























صااااااار 65لووووولووولووولوووليييييييييييييييييييييييييييييييييييييييييييييييييييييش

هاي بنات :27: قرييت كل ردوودكم الحلوة :27:
نفسيتي تعبانة .. و مااعتقد ااقدر ااكتب..انشاالله بكرة ااكون اوكي
بس حبيت ااسلم عليكم و ااقوول..تصبحون على خيير :26:



كات :26:

هاي

انا موجوده و اقرالكم كل يوم .. بس محبطة و ظايعه و ضايق خلقي
ابي اضعف

كل يوم ابدي ريجيم شكل و من تصير الساعه 8 بالليل اخربه و اكل الخضر واليابس

شسوي؟

الجسم بدا يخترب الا اخترب

و من كثر الاحباط و ضيقه الخلق والغضب على نفسي مالي خلق حتى اكتب لكم شي ..
نفسيتي صايره زفت زفت مع كل الناس حتى بالدوام


خل اعرف نفسي

عمري 31 متزوجه و عندي ولدين و بنت .. مهندسة كمبيوتر ... احب اللبس و التكشخ وايد اشتري ملابس
خصوصا عقب ما ضعف

بس طبعي بيتوتيه لدرجه الملل مثل جوريه الكويت و بالضبط مثلها لما قالت اخطط للطلعه و اهون اخر لحظه .. انا طول عمري جذي و التوجب عندي صفر .. مالي خلق الاوادم اوجبهم و راضيه لحد يوجبني .( فكه)

انا متينه من الله خلقني و عقدتي المتن و كانوا اليهال بالمدرسه يعيبون على و كل المراحل الدراسيه انا امتن وحده بالصف و اليوم اللي يكون فيه فحص نظر و وزن بالمدرسه يكون عندي يوم الفشله العالمي

لما وصلت الجامعه قلت عاد لازم اضعف علشان اتزوج ... الناس بيخطبون وحده رشيقه محد يبي متينه .. فرحت للدكتوره ميري بالصباح و سويت ريجيم و نزل وزني من 99 لل 83 .. صار جسمي سمبتيك لا تستغربون لان عضمي عريض و طويله فالوزن وايد حلو علي

تزوجت و نزل وزني لل 77 ( حياة يديده استحي اكل جدام ريلي و مسويه روحي ذربه )

حملت بولدي جان يوصل وزني 100 بالتاسع .. ولدت و ما سويت ريجيم الجسم صار لوعه اهملت جسمي كان همي اكمل دراستي و كانت نفسيتي زفت من الدراسه

تخرجت و اشتغلت و حملت بالثاني و بعدين بالثالثه و الوزن من زايد لازيد وصلت 120 ... صرت وحده ثانيه
ماقمت احصل لبس جاهز ... قمت اخيط و هم يلوع الجبد علي

ياني غضب داخلي مثل بركان و انفجر لما شفت اختي مسويه كيميائي و نزلت 11 كيلو بشهر و شكلها جنها نازله 20 ....فقررت اسوي الكيميائي كنت اول مره اسمع عنه .. سويته 4 شهور وصل وزني 78

شكلي صغرت 10 سنين ورا .... احلى شعور بالدنيا رديت البس و اكشخ و قاموا الناس يضربون فيني المثل بجسمي و ارادتي

حافظت على وزني 3 سنين

و السنه الرابعه ينين قمت اكل بيديني وريولي و الكاكاو ينون ينووووووووووووووون قمت اكل كراتين باليوم والله بدون مبالغه ... و النتيجه ...زدت 10 كيلوات بسنه .. طبعا على فترات يعني لما زدت 4 كيلوات قلت بسوي ريجيم اسوي يوم او يومين و ارد اكل اسبوع و ارد اسوي يوم و ارد اكل اسبوع و زاد الوزن لحد ماصرت زايده 10
و للحين انا على هالحال كل يوم ابدي الصبح ريجيم و تالي الليل ابلع

لا تقولون سوي كيميائي يايتني عين كافر عليه .. ماني قادره


نفسيتي زفت والله .. و اعذروني اذا طولت ما كتبت لكم .. لان مالي خلق عمري

أول شي بارحب بالصبايا اللي انضمو للقائمة وخاصة Dandoon تقبريني وينك من مدة..
وثانيا أحلى تهنئة للأخت أول غرام بمناسبة رجوعها للدوام .. والله فرحت لك بشكل كبير ربنا يوفقك
ونصائح الأخت جورية يا ليت تهتمين فيها لأنها عين العقل والشغل ما في كبير وصغير ... يللا شدي الهمة وخلي زوجك يستانس.. واللي صار صار واحنا بنات اليوم.. اتفقنا يا قمر منور.
االكيكة... منورة .. ربنا يسعدك
زيزي .. ازيك يا جميل ..
بعد ما رحبت أروح اقرأ ردودكم واكتب سبب سمنتي .

بنات انا تصفحت المنتدى و لقيت ريجيم بنت الكويت اللي اسمه لا تفكر ولا تحتار للدكتور طالب الشمري ( والله لو يسمعكم شمسمين ريجيماته يسكر عيادته )

.... كنت مجربته اول الصيف بس ماستمريت عليه لاني سافرت... فالحين برجع له

شوفو عاد .. بليز ابي تسوولي مسيره و تصفيق و تصفير و تشجيع و هرنات و ان لزم امسكولي الخيازرين و هزئوني ( عيل ليش مسمين روحكم مجموعة الدعم؟ )

ابيكم تدعموني بس مو بكروشكم ههه ......ابي دعم معنوي وراي وراي لين اكمل هالاسبوعين
و اذا ما التزمت هالمره و ما ضعفت ... ترا والله اروح احمل و اخلي وزني يصير 100 ( هذي كانت طريقتي بالتهرب من المتن مخليه الحمال حجه )
مع ان ريلي رافض فكره الحمال نهااااااااائياااااااااااااااا
حتى انا مالي خلق ارجع للسهر و الحليب و الواق و وييق مره ثانيه ... و بيني و بينكم خذيت قرار ما اييب بعد عيال و مسويه عملية شد لبطني و ما افكر اخربه ... بس اذا ما ضعفت خلاص والله بالطقاق بحمل و على الاقل اخلي المتن على شي يسوا

هذي مهي حاله ترا