امة الخالق :

صباح الخير يا احلي بنات الصبر يارب : متشكره اوي يا حبيبتي علي السؤال ، انا بخير الحمد لله بس مش بادخل نت كتير اليومين دول ميرو : طريقتك للكيكه هي نفس طريقتي بالحرف 1-2-3-4 ومن زمان باعملها وبتطلع ماشاء الله روعه مدام شرين : جربت امبارح طريقتك في الكيكه ماشاء الله طلعت روعه روعه روعه ( 3 روعه هههههههه) شكلي كده هاسيب الطريقه القديمه واعتمد دي :) بصراحه كنت خايفه اعملها عشان عمري ما عملت الكيكه بالزيت وكنت باسمع انه بيخليها تتحمر من فوق وتحت من غير ما تستوي كويس بس والله طلعت جميله خصوصا اني عملتها بالقرفه وانا باموت في اي حاجه بالقرفه :) حبيبة ابراهيم : السمنه الحيواني دي اللي هي السمنه البلدي يعني ودي بتبقي معموله من الزبده اللي جايه من اللبن الحليب ودي بتبقي طبيعيه ومافيهاش مواد حافظه خصوصا لو انتي مسيحاها في البيت اما السمنه النباتي فادي عباره عن زيوت نباتيه زي زيت النخيل مثلا او اي زيوت تانيه وبتدخل عمليه اسمها هدرجه عشان تتحول من الصوره السايله للصوره الصلبه وعملية الهدرجه دي خطيره جدا ، لانهم بيستخدموا جزيئات الهيدروجين الحره عشان تتحد مع الاحماض الدهنيه القصيره اللي موجوده في الزيت وتحولها لاحماض دهنيه طويله ودي بتبقي السمنه بس بيفضل بعض ذرات الهيدروجين الحره ( اللي بنسميها الشوارد الحره او الفري راديكال) ودي بقي المصيبه لانها مش بتبقي مستقره وعاوزه ترتبط باي حاجه عشان تستقر واول ماتدخل الجسم بتدور علي اي حاجه عشان ترتبط بيها فابترتبط بنواة الخلايا في الجسم وبالتالي بتسبب السرطان بعد الشر علي الجميع دا طبعا غير كمية المواد الحافظ الموجوده في السمنه النباتي وكمان المواد المنكهه ( اشي بطعم وريحة السمنه البلدي واشي بطعم وريحة الزبده ...الخ) واللي مش دايما بتبقي صحيه 100% او علي الاقل كترها مش حلو علي الصحة كمان العلب الصفيح اللي متعبي فيها السمنه لو فيا اي خدش بسيط ( او لو حتي وانتي بتاخدي بالمعلقه او بتفتحيها بالسكينه خدشتيها غصب عنك )بيخليها تتفاعل مع السمنه اللي متعبيه فيها وده برضو بينتج مواد خطره والله يابنتي انا لو قعدت اعدلك مخاطر السمنه الصناعي دي مش هاخلص انا مش بادخلها بيتي ابدا يابطبخ بالسمنه البلدي او بالزبده الصفرا الحيواني بردو مش المهدرجه وبطبخ ساعات بالزيت بس مش دايما باحب استخدمه اكتر علي الحاجات اللي مش هاتتسخن زي الفول مثلا او الجبنه لانه برضو لما بيتسخن بيبقي مش صحي وزيت الزيتون اساسي طبعا لانه كويس وبيقلل الكوليسترول بصي هو ثبت ان اصح حاجه السمنه البلدي وسيبك من اللي يقولك كلام غير كده ، ماالناس بتوع زمان اهم ماشاء الله الواحد فيهم كان بيعمر فوق الميه وكانوا بيشربوا السمنه البلدي دي مش بيطبخوا بيها بس

صباح الخير يا احلي بنات الصبر يارب : متشكره اوي يا حبيبتي علي السؤال ، انا بخير الحمد لله بس مش...

كتكوتة كتكوتة :

امبارح جربت طريقة الفراخ والمكرونة دي كنت اخدتها من يلا نربي مش فاكرة مين اللي كانت كاتباها بس بجد حلوة اوي وتَغيير فراخ بالزيتون::::: -اشوح شرائح الفراخ في طاسه مع معلقهزبده و معاهم فص توم مهروس و رشه زعتر و ملح و فلفل -اقلب شرايح الفيليه وشو ظهر لحد ما تنشف مايتهم -اشيلهم على جنب في طبق -في نفس الطاسهاشوح بصل متقطع تر****ت رفيعه لحد ما يصفر -بعدها انزل شرايح فلفل الوان واشوح لحد ما يدبلوا -بعدها احط شويه حلقات زيتون اخضر و اقلب تقليبه -بعدها اضيف قطع شرائح الفراخ و اقلبها مع الخضروات كويس عشان تاخدالنكهه -بعدها اضيف معلقه صلصه و نص كوبايه مايه و اغطي عليها -بعدما تستوي اعلي النار عشان المايه تنشف منها و تتحمر كويس و بعمل معاها برضهمكرونه سباكتي بالزيتون و الفلفل الملون و هي نفس الخطوات بس بدل ما اضيف صلصهبضيف كاتشاب و مايونيز و بتبقى روعه بس أنا غيرت في المكرونة حطيت صلصة بدل الكتشب والمايونيز ماكنتش عارفة هينفع يتعمل بهم مكرونة إزاي لو حد ممكن يفهمني النقطة دي >> وجربت المندي جزاكي الله خيرا يا أم كريم إنتي ومروة أنا عملت ميكس بين طريقة منال العالم وطريقة كتاب النخبة بس قابلتني مشكلة إن وأنا جاية اكشف الرز بعد الوقت لقيت شوية مستوي وشوية لسة ني غطيته تاني ودخلته يكمل بس اللي كان استوى بقى مهري شوية ممكن يكون إيه السبب؟؟

امبارح جربت طريقة الفراخ والمكرونة دي كنت اخدتها من يلا نربي مش فاكرة مين اللي كانت كاتباها بس...

امانى61 :

حبيبه زى ما قالت سموحه السمن الحيوانى طبيعى والنباتى بتكون زيوت مهدرجه وضاره بالصحه عامة انا مش بستخدها الا فى الضروةره القصوى او الحلويات وبستخدم الحيوانى يأما الزبده غير كده كل اكلى بالزيييييييييييييييييت اخف واحسن للصحه بالنسبه للبانيه بصراحه ان مش بيحصل عندى رغاوى كتير لدرجة انها تنزل على البتوجاز ممكن تكونى بتستخدمى طاسه صغيره وبعدين لما تيجى تحطى البانيه مش تكترى فى الطاسه يعنى يادوب اتنين او تلاته بالكتير وطبعا تكونى حاطه البانيه قبل ما تنزليه فى الزيت مده فى التلاجه علشان يمسك كويس ومش يفك ولا يعمل رغاوى ويارب اكون افادتك بنات انا نفسى اعمل حاجه خفيفه وعلى السريع يعنى عندى نوعين بسكوت ساده وبالشكولاته ادونى اقتراحات اعمل ايه حلو خفيف يتعمل بسرعه بدون فرن ويتحط فى التلاجه ويتاكل بسرعه كانت دندون زمان منزله وصفه بالبسكوت مش فاكره راحت فين ومش لاقياها اللى فاكراها ياريت تحطها او تدينى افكاااااار يالا بسرعه يا بنات الله يبارك فيكم

حبيبه زى ما قالت سموحه السمن الحيوانى طبيعى والنباتى بتكون زيوت مهدرجه وضاره بالصحه عامة انا مش...

مدام شيرين_ام ادهم :

لا يمكنك مشاهدة هذا التعليق لانتهاكه شروط الاستخدام.