من تجربتي لااااااااااا للريجيم ونعم(للتخفيف)

مرحباااا خواتي ...
حبيت اكتبلكم اليوم عن طريقة التخفيف اللي سويتها والله ثم والله يابنااات اني كل ما اسوي ريجيم اتعب نفسيا وجسديا:09: بس قبل عرس بنت عمي واللي كان في اخر شهر 9 قررت اخفف اكلي وامشي عالاقل نصف ساعه وانا بديت من اول شهر 8 وكان وزني قبل لا ابدى 85 وابتعدت عن السكريات والدهون وحاولت اكل اكل صحي وهذا النظاام اقدمه لاغلى خوااات عندي لانه اكييد بنات كثير تعبوا من الريجيمات وثانيا لاحظت انه الكم كيلو اللي ينقص من الريجيم يرجع بسرعه بس مع التخفيف والله وزني مازاد ولاكيلو وهذا هو النظااام...


(الافطاار): كنت اكل توست اسمر مع جبن قليل الدسم أو بيض مسلوق واحط في التوست طماط وخس
ومرات اكل كورنيفليكس مع حليب قليل الدسم ومع كوب شاي بالحليب او نسكافيه او عصير برتقال يعني كنت احب انوع


(الغدى):كنت اكل ستيك لحم مع خضار مسلوقه أو توست اسمر واحط فيه اي شي يعني دجاج او لحم او تونه مع جبن قليل الدسم ومع سلطه وانا كنت احب التبووله لانه فيها كل شي وطعمها احلى واياام العزايم ما امنع نفسي من الارز بالعكس احط 4 معالق كبيره ارز واحط سلطه كثيره


(العشا):دائما ابدى العشا بكووب كبيييييير عصير فرش عشان يشبعني بس يوم اجووع اكل كورنيفليكس بالحليب او توست اسمر بجبن قليل الدسم ومرتين بالاسبوع اكل ستيك لحم مع خضار مسلووقه




(ايااام الاجازات والطلعاات ) ماكنت احرم نفسي بالعكس كنت اطلب مشاوي من المطاعم اللبنانيه واذا طلبنا من مطعم سريع مثلا ماكدونلدز اطلب همبرجر الاطفال مع بيبسي دايت واذا من برجر كنغ اطلب البراون اللي من الخبز الاسمر لانه مكوناتها كلها خفيفه وتناسب للي يسوون ريجيم ومن هارديز كنت اطلب همبرجر الخس بس الحين وقفتها الشركه ماعرف ليش يعني الواحد يقدر يخفف بأبسط الطرق وكل شي متوفر بس يباله شوية اراده

(بين الوجباات) كنت اكل تفاحه او برتقاله وكنت مرات اشرب الشاي الاخضر الصيني ومرات عصير اناناس وكيوي ومرات يوم كنت احس اني كلت وايد اشرب شاي رويال المسهل :09:



وبعد هااا كله الحمدلله ضعفت ووصل وزني76 يعني 9 كيلو طااح مني وبدون تعب واذا لاحظتوا كل شي في هالنظام صحي ومريح بس مثل ما قلت اهم شي الاراده وانشالله مثل ما استفدت انا تستفيدون واللي تجرب هالنظاام انشالله تكتب الرد عشان الغير يستفيد ومن بعد العرس انا وقفت النظاام وماخليت لا اخضر ولايابس ما كلته خخخخخخخ بس والله يابناااات انه ولاكيلو زدت لين اليوم وانشالله ببدى فيه لاني اريد انقص اكثر وادعولي اني اوصل للستين :)