تسجيل حضور و متابعة ان شاء الله

انا بقا يا ايمان بقالى بالظبط 5 شهور بعمل رجيم و نزلت بفضل الله و حسيت ان حتى مودى اتحسن و اللبس اللى كان شكلى فية مفجع بقا لايق

نظامة تخفيف يعنى ماشية على انى اكل كل حاجة بس بكمية صغيرة يعنى مثلا انهاردة عاملين كشرى بدل ما كنت بملى الطبق الفملى سايز000 بقيت احط فى طبف نونووو قوى و كدا بقوم و معدتى مستريحة و اكلت اللى انا عيزاة
و دلوقتى ماشية على السعرات اللى انتى حطاة هو فعلا جميل قوىىى بتكلى بردوا كل اللى نفسك فية و تحسبى سعراتك

و اهم حاجة الارادة ثم الارادة و كمان لمتنا الحلوة دى تشجيع لينا باذن الله

بس يا ريت نتفق على ميعاد نحط فية وززنا و نقيسة

و لكى منى كل التحية

ام سهيلة

انا كمان معاكي يا ايمان و بعمل ريجيم بس غير بتاعك علشان الرضاعه اللي كتبتهولي دكتوره ريهام عبد الخالق و نفسي اخس لاني من بعد الولاده و وزني زايد عن قبل الحمل حوالي 10 كيلو و نفسي انزلهم بسرعه قبل الصيف

انا عاوزه اقولك حاجه انا علشان مش ازهق من الريجيم باكل كل حاجه زي قبل الريجيم بس بقلل الدهون خاااااااااااااااااااااالص و كمان النشويات حوالي مثلا علي الغدا 4 ملاعق ارز او نص رغيف و باكل خضار كتيرررررررررررررر يعني مش باكل اكل مخصص للريجيم علشان مش اكرهه
يعني انا بحب الاكل الصيني جدا و مثلا لما اعمل جمبري او فراخ او سيبيا بعملهم بطريقتهم الصينيه عادي بس بقلل الزيت خالص و بخلي ده نظام حياه ليا انا و جوزي علشان الاكل الدسم مضر حتي لو هو مش سمين

يعني مثلا الفراخ الصيني بجيب صدور فراخ مخليه و بقطعها قطع و بجيب بصله و ببشرها و 3 توم و قطعه جنزبيل و احط معلقه زيت صغيره و اشوح البصله و بعدين احط عليها فلفل الوان او فلفل اخضر و الجنزبيل و التوم و لما يدبلوا بحط الفراخ و عليهم شويه صويا صوص حوالي معلقتين و صلصه بلاش (الكاتشب علشان فيه سكر) و معلقه خل و رشه صغيره خالص سكر و تحطي شويه كاجو لو عندك و يتاكل مع الرز بس زي ما قولتلك الكميه اهم حاجه او عيش اسمر نص رغيف و بالهنا و الشفا


علي فكره الطريقه دي ممكن تعمليها مع الجمبري كمان و السيبيا


في كماتن طريقه للسمك صينيه حلوه و مافيهاش دسم
بجيب سمك فيليه و بقطع بصل شرايح و جزر و فلفل و بطاطس و طماطم و بتبل طبعا السمك من قبلها بثوم و ليمون و كمون و مسترده و كاري و زعتر و علي الفرن و بتتاكل بعيش او رز

لو هتعملي حاجه باللحمه المفرومه مش بحط سمنه بحط اللحمه تتشوح من غير سمنه و بتنزل الدهون اللي فيها و بتبقي دي بس الدهون اللي موجوده ف الاكله سواء مكرونه باللحمه المفرومه او مسقعه او اي صينيه فيها لحمه مفرومه

و بعديناكتر حاجه بتخلي الريجيم يبوظ او الوزن يزيد هي الاكل بين الوجبات يعني لو جعتي و عاوزه تاكلي حاجه كلي فاكهه او اعملي عصير و ليكي معلقتين سكر ف اليوم بسسسسسسسسسسسسسسسسس

لو افتكرت حاجه تانيه هقولها

ايمان

ربنا يقويكي وتوصلي للوزن المناسب وانا كمان :06:
انا عندى كتاب فيه وصفات رجيم هاكتب لك منه

بس عايزة اقوللك
زي ما اخت هنا قالت لك حاولى تعملى الاكل العادي بتاعنا بدون دهون كتير يعني كلوا كلكم من نفس الاكل وغيري الاكلة بحيث انها تبقى صحية

يعني الطبيخ بتاعنا البسلة مثلا بدل ما تسبكيها وسمنة وكدة اعمليها في الفرن

بصل مفروم ناعم واخلطيه مع البسلة وملح وفلفل وطماطم فرش معصورة وزيت زيتون ودخليها الفرن ساعة واللحمة تكونى سلقاها وحطيها معاهم وهتتحمر وتبقى احلى من اللى متحمرة في السمنة

واعملى رز ابيض معاها بدون دهون لا سمنة ولازبدة هتقولى طعمه مش حلو ما انتى هتاكليه مع الخضار مش هتحسي بطعمه

وكل الاكل على كدة حتى الواحد يبقى خفيف

ونوعى في السلطات


يعني مش لازم يكون اكل الرجيم حاجة باكلها وانا مش قابلة عشان اخس وبس وبعد كدة ارجع ازيد تانى



الاكلة دى عملتها النهاردة من الكتاب بتاع الرجيم


صينية جمبري مشوي

جمبري مغسول ومنظف نتبله بملح وفلفل وكمون وكزبرة وليمون

في صينية
نرص شرائح بصل
وبعدين الجمبري
و بعدين شبت مكانش عندى
و بعدين شرائح توم
و بعدين شرائح طماطم
و بعدين شرائح ليمون

وانا من عندى رشيت زيت زيتون

ونلفها بفويل وتدخل الفرن ولما تستوي نحمرها شوية

وهارجع اكتب حاجات تانية ان شاء الله

ايه ده خيانه يا ايماااااااااااان
كدا برضه تبداي من غيري خيانهههههههههههههههههه
مانت عارفه انا اكتر واحده مستنيه
يلا نبدا بقى احسن انا زهقت

شوفي ياعزيزتي
انا اخذ صدور الدجاج المخليه وانقعه ساعه بثوم وبهار ولبن او حليب عشان تطرى وبعدين احط في مقلاة البيض ملعقة زيت زيتون واعلي عالنار واحط الدجاج ولما يتحمر اهدي عالنار عشان ينضج واغطيه بقصدير بالطريقه هذي يكون لذيذ ومو زي المسلوق وبعدين احطه بتوست بر مع شرايح بصل وخس لذيييذ
والفطر او المشروم قلييل السعرات جدا ممكن تاخذيه وتشوحيه مع بصل وثوم وتحطيه في ساندويتش مع شرايح طماطم وجبن قليل دسم
كمان سلطة اللبن الزبادي قليل الدسم مع الخيار والنعناع حلوه
وشوربات الخضار ممتازه والسمك المشوي وووغيره والباذنجان سعراته قليله جدا بس بشرط ماينقلى بالزيت
والله ينحفنا بصحه وسلامه