واكلك كيف ؟

شوفي أنا أكل كل شي على الغداء والعشاء وفطور بعض الأحيان وماأكل شئ بين الوجبات أبد وأمشي ساعتين وأسوي زومبا على خفيف وربي نزل وزني من 100 ألى 97 ثم 94 ولكن يومين أكلت باأخر الليل هبرغر بالجبنه وعلبة بيبسي ومشيت بعد هالأكله ساعه سريع وصحيت من النوم لقيت وزني يوم الأثنين الظهر 95 أنصدمت والله وخلاص ماراح أكل بين الوجبات أكل دسم نهائي لاحظت أن جسمي ينزل وأنا أكل كل شئ بس أبطل أكل بين الوجبات وأمشي ساعتين وكل وحده وجسمها شوفي وش اللي يناسبك

لاتجوعي نفسك كل لين تشبعين ولحد التخمه بس اكل صحي
خالي من السكر والدهون الغير صحيه والنشويات
ركزي على البيض والحوم والتوست الاسمر والاجبان والحليب
المنزوعة الدسم واستبدلي الزيوت المضره بزيت الزيتون
وكلي خضار بجميع اشكالها
وامشي ساعه باليوم وبتلاحظين نزول الوزن

ضروري حمية والابتعاد عن السكريات والمقليات والاكل يكون صحي 💪

طيب بتفلسف شوي وبحكي تجربتي قبل لا اتزوج انا من يومي نحيفة جدا ولا قد سمنت الحمدالله الا مرة وحدة زدت بالضبط 5 كيلو واتخذت قرار اني اعمل رياضة واسهل شي ( المشي) فانا اصلا احب المشي وبالفعل بدأت امشي ساعة كل يوم وتقريبا بعد اسبوعين صرت امشي ساعتين بس افصل بينهم نص ساعة راحة ،، بس ما امشي بالسير نهائيا لانه جدا متعب للركب والرجلين وقاسي للاقدام وسببلي الام في ظهري فأمشي بالنادي بالهواء الطلق والله افضل بمراحل حتى نفسيتك تتغير يعني كنت اخذ لفة حول النادي من الداخل ولقيت نتيجة مرضية وممتازة بس بطيئة ومدتها بعد 3 شهور اللي استفدته انه صحيح وقت جدا طويل لكن وزنك ينزل بطريقة صحية ويثبت لفترة طويلة وكنت اكل زي ما احب بدون حرمان وفوقها جميع اجزاء جسمك تنشد والنفسية تصير عالية واهم شي تشربي موية عشان تعوضي ،، لكن بعد الزواج ابدا مانفع المشي لحاله لازم رجيم خفيف او مجرد انك تخففي كمية الااكل وتمشي ،، برأي نص ساعة ماتعمل شي لانه الجسم مايبدأ يحرق سواء بالمشي او السباحة الا بعد نص ساعة وهنا انا اقصد المشي العادي مو الهرولة او الجري ان شاءالله اكون افدتك