منو مايحب الشوربة .. والله انه مافي أحلى منها اذا كانت لذيذة.. ومابطلع من موضوعج الا وانا كاتبتلج طريقة شوربة مع اني مشغولة بس عشانج والله.. ومايسير خاطرج الا طيب.

أنا بكتب طريقتي بشوربة الطماطم.. روووووعة ولذيذة

1- بالخلاط تحطين حبتين طماط حجم كبير واذا صغار حطوا ثلاث أربع على حسب الرغبة.
2- على النار تحطين ملعقة كبيرة زبدة ثم تحطين الطماط المطحون.
3- تضيفين ماي على حسب الكمية اللي تبغينها بس كل ماكثر الماي اطحني أكثر من الطماط عشان يكون الطعم مركز شوي.
4- نضيف مكعب ماجي والقليل من المعكرونة أي نوع وشوي شعرية وممكن تضيفين الكويكر المخلوط بقليل من الماي. وطبعا شوي شوي من كل شي لأني أحب الشوربة فيها شي ماتكون خالية.
5- خليها تطبخ وشوفي شو تحتاج زيادة وممكن تضيفين فلفل أسود وكمون على حسب الرغبة.
6- وقبل التقديم مباشرة نضيف القليل من الكزبرة المفرومة.

وخلااااااااااااص تقدمينها.. وبألف هني وعافية..

شكرا اختى المسافرة على الرد

وشكرا مرة ثانية على الشوربة اكيد لذيذة

الله يوفقك ما فى احد رد على غيرك

وانا قصدى ان يكون فى شوربات لذيذة وجديدة الرمضان الشهر الكريم

وجربى الشوربه ألى كتبتها ترى مرة لذيذة

شوربة المشروم وايد لذيذة ونفس المطاعم:
علبة مشروم مقطع مع الاحتفاظ بماء العلبة
1 مكعب ماجي-حليب بودر-طحين-ملح -فلفل اسود
الطريقة:1 ملعقة زبدة على النار ونضع عليها مكعب ماجي ثم المشروم والفلفل الاسود.
في اناء اخر نضع ماء المشروم مع 5 كوب ماء ومع 2 ملعقة طعام حليب بودر و2 ملاعق طحين رقم 1-ويخلط جيدا ونضعه على النار الى ان يغلي ثم نضع عليه المشروم ويملح ...واخيرا نضع 2 ملاعق طعام قشطة (اختياري)ويقدم على طول
ملاحظة:ممكن استبدال المشروم بالذرة المسلوقة..وممكن بالدجاج

وهذب جدا لذيذة زوجي يحبها وايد ..واختي وولدها يحبونها وايد

السلام عليكم..


شخباركم يا بنات حواء ..

طبعا يمكن يكون مب جديد هالموضووع .. بس لاني احب الشوربات..

شو رايكم نسوي موسووعه متكامله من الشوربات المتنوعه...

انتظر مشاركتكم :cook:

انا بشارك بأول موضووع .. و احب شوربه لي.. و هي

شوربه الدجاج بالاعشاب..

صدوور دجاج على حسب رغبتك فيها .. و حبج للدجاج :34:
مرقه دجاج .. او خلاصه .. كوبانت
كوبان حليب سائل
2 ملعقه ط زبده
2 م ط طحيين
ورقه غار
قليل من زعتراخضر ورق ( 3 ورقات) او نص م شاي زعتر يابس .. اللي متوفر عندج
نص ملعقه حبق او ريحان او مرميه اللى تحبينه..
نص م ص فلفل ابيض
(اذا حبيتي بزلاء .. او اي نوع من الخضار .. جزر .. مشرووم او ذره)
م شاي ملح
ككعب شوربه ماجي
ربع كوب دبل كريم

الطريقه..

تسلقين الدجاج بالطريقه العاديه .. و تفتتينه .. بيستوي خيوط .. هذا ميزه صدوور الدجاج

نحمر البزلاء او النوغ المختارفي قليل من الزيت .. و تترك جانبا

ذوبي الزبده في جدر الشوربه و نحط الطحيين نحمره فيها لمده 3 دقايق..

نضع على الخليط ... البزلاء (او النوع اللي اخترتيه) .. بعديين نحط الاوراق العطريه كلها مع بعض و نخلط..

بعديين نحط فوقها مرق الدجاج.. و نضع مكعب ماجي بعد تفتيته .. و ثم الدجاج .. و نخليه يطبخ مده 5 دقايق تقريبا..

نظيف بعد ذلك الحليب ,, على الشوربه .ز و ننتظر 3 دقايق .. و نلخط .. نضع الحينه الدبل كريم.. و يقلب الخليط شويه .. و نرفعها عن النار ..



و هنييييييييييي و هافيه ... و ردو على :27: