أهلين ندوو حياج الله معانا سعيدة بتواجدج و التزامج حبيبتي .. ما شاء الله لا إله إلا الله عيني عليج باردة .. و خمسة كيلو سهالات ان شاء الله دام إنج ملتزمة مع الرياصة .. و بالنسبة للرياضة الكتاب فيه فصل كامل بس يتكلم عن الرياضة و مدى بساطة عمل الرياضة ,

الفصل طويل بس أنا أعطيج أهم الشغلات اللي انذكرت فيه

- ببداية الفصل تكلم عن عملية الأيض .. هاذي العملية اللي من خلالها تقدرين تأدين نشاطاتج اليومية و أهم شي إنها تحرق سعرات حرارية .. يقول لج الكاتب , معظم الناس عملية الأيض عندهم تبطئ لما يتبعون رجيم , لأن الأيض إهو محرك الطاقة و إذا ماكو طاقة ماكو أيض و الناس اللي تحرم نفسها و ما تاكل تبطئ عندهم هالعملية و ما يقدرون يسوون أي نشاط يومي لأن ما فيهم طاقة كلش .. من جذي يقول اكلي إلى أن تشعرين بالشبع , لان هالأكل هذا كله راح يتحول لي طاقة عشان تقدرين تمارسين حياتج الطبيعية و إذا ما عندج أي نشاطات راح تتحول هالطاقة لي دهون تتخزن بالجسم
ثواني و راجعة

أهلين آسفة رجعت مرة ثانية .. خفت الشبكة تعطل فيني فأرسلت الرد اللي طاف
المهم أكمل الفصل
فاللي بيقوله المؤلف إن لازم نوفر طاقة كافية للجسم بحيث يقدر يقوم بعملية الأيض اللي من أهم مميزاتها إنها تحرق سعرات حرارية

و تكلم عن التمارين الرياضية العنيفة اللي تخلي الانسان بعد فترة يزهق و ما يحب التمارين كلش .. بكل بساطة حاولي تنظمين يومج بأنج تمشين 2000 خطوة باليوم .. تقريبا كيلو متر , لو كل يوم تنظمين نفسج جذي راح تضعفين , مو لازم تكونين تقصدين تسوين رياضة المشي , انتي لما تمشين بيومج العادي و انتي تسوين أعمالج اليومية . أو حتى و انتي تطبخين حسبي خطواتج راح تشوفين مدى سهولة الموضوع
و بالنهاية ذكر , بالامكان إنج تنقصين وزنج بدون تمارين رياضية بس إنج تحاولين تتحركين خلال يومج " كل حركة فيها بركة " مو شرط تجهزين نفسج لتمارين رياضية صعبة أو فيها التزام و بجذي تقدرين تخلين الرياضة جزء من يومج

إذا تبين تفاصيل زيادة بلغيني عشان أترجم الفصل كله عشانج حياتي :)

موضوع رائع جزاك الله خيرا

حياج الله سارونة

شكرا لك دوديا
والله ماقصرت كفيتي ووفيتي
الخمسة كيلوا والله طلعت عيني وماني قادره أنزلها
والسبب أنه أعمل دايت ينزل كيلوا و ما أستمر فيه ويرجع إثنين كيلوا
وأرد للدايت وثلاثة ايام وماستمر وووووااااا
وجربت بذرة الكتان وجربت جنين القمح وأكستريم سليم وشربة الملفوف
وكلها توهم في توهم ينزل كيلوا ويرد كيلوا وعلى هذا الحال لي سنتين تقريبا
بس من يوم ماقريت موضوعكم تذكرت أوقات كثيره أكون مخففه أكل بدون قصد للدايت يكون لسبب سفر او سبب نقل سبب إنشغالي لاحد من افراد العائلة
فجزمت وتيقنت أنه ماينزل الوزن الا التخفيف والاستمرار فيه بيكون سهل لانه مافي حرمان
و*****الله أبشرك في كل أسبوع يعني من سبت لسبت وعلي نذر يادوديا إني ادعيللك تنحفين انت وحروف الزمن من غير شر في سجودي كل ماصليت التراويح والتهجد
وهذا لنصحكم الصادق ونقلكم المفيد من مرجع قرأتهوا
وشكرا مجددا