مو قادره اتخطى

السلام عليكم
بقول قصتي انا الأن ابلغ من العمر 32 سنه من يوم كنت طفله وجدتي ام امي وخالتي يكرهوني كره مو عادي يتنمرون على لبسي يتنمرون على شكلي على أدق التفاصيل مايتنمرون على بنات خوالي وخالاتي الباقي الا انا كارهيني كره مو طبيعي امي كانت تاخذني معها كل ويكند ماكنت اقولها لا كنت اروح معها عشان اتسلى مع بنات خوالي وكنت مؤدبه اقسم بالله وهاديه لاكن التجريح منهم كنت وقتها أولى ابتدائي المهم مرت السنوات ومستحيل انهم لو يوم واحد وقفو تجريحي بالكلام المهم كان عمري وقتها 14 سنه ورحت انا وامي في الويكند وخالاتي وبناتهم وبنات خوالي المهم انا كنت جالسه بالحوش انا والبنات وسياره خالي بالجهه الثانيه ماشفناها المهم بنت خالي اخذت مفتاح السياره حقت ابوها شغلتها وصدمت فيها بقوه وطلع خالي ركض وطلعو كلهم الا وجدتي وخالتي يسبوني ويشتموني وتفلو على يقولون انتي ياوجه الخنزيره اللي حرضتيها وخليتها تصدم بالسياره كيف حرضتها وهي اكبر مني وعمرها 17 قام خالي وهاوش جدتي وخالتي وعيوني كلها دموع امي زعلت منهم وقتها كنت احلف لهم اني مو انا من بعد هذا الموقف معد طبيت بيتهم بحياتي كلها حتى يوم توفت جدتي مارحت وللأن كل ما اشوف خالتي في مناسبه اصد عنها احس شعور داخلي ما اقدر اسامحهم ابداً ابداً ولا راح اقدر اسامحهم ليش وش سويت لهم عشان يكرهوني ابغى سبب مقنع يخليهم يكرهوني لهذي الدرجه ليش هذا هو تساؤلي كل يوم و مالقيت اجابه يقولون لي ياوجه الخنزير ياوجه الكلب وووو اشياء كثير ما اقدر اقولها لكم حتى لمن كنت في أولى ابتدائي كانت خالتي تناديني يا القرده والله العظيم ماكانت تناديني بأسمي الا يا القرده كنت طفله في أولى ابتدائي ليش وش سويت هذا الشي اللي كل يوم محيرني وش سبب كرههم لي عجزت افهم ما اقدر انسى الكلام ولا راح اقدر اتخطى لأنه بدون سبب؟
مجرد فضفضه عشان ارتاح