سلام

سويتي متل حالتك عبود مريض
المهم بعد العلاج زبط. معي القطرة الانفيه الي ملح وماي كل كم ساعه 3 مرات باليوم
وشربيه بنسون كوب.الصبح وباليل. وعلى الريق عسل اصلي
واخر شي زيت زيتون دفي صدرة ودفي الغرفه
الف سلامه بكرا ان شالله ارجع. بيتي واحكي معكم

يومك تمام ام ياسر استمري

اكيد بيتلخبط النظام بالمشاوير الله يعينك عليهم
خلاص بننتظرك للسبت ترجعي للكيميائي


صحيح النزول باول اسبوع بيكون سوائل الجسم مو عضلات ولا دهون
بس مافهمت كيف النسكافيه نص نقطو والبيرة نص نقطة ؟؟ ما انتي مستخدمة مبيض مع النسكافيه وفيه دهون والبيرة فراولة اكيد فيها سكريات ؟؟
باقي يومك تمام


سلامات احاسيس
الجو متعب برد فظيع الله يعين الجميع
بالنسبة للبلغم اعطيته نوعين ادوية من الصيدلية وما عملو نتيجة ابدا لهيك بدور على حاجة طبيعية
والفنتولين دااائما بعطيه لابني بس اخر طبيب اطفال قالي ما تستخدميه الا للطوارىء لان كترته بتضر
بالنسبة للخميس والجمعة
حتى لو يومك المفتوح الجمعة مافيها شي لو وزنتي الخميس وفتحتي الجمعة ما بياثر كتير
بس انا ما بقدر اضل استنى الاوزان يومين

لا وين احمل لسة كمان سنتين ان شاء الله

هلا بالفطوور المسبحة فيها خبز صح والخيار والفليفلة مابدهم خبز لشو التوست يا حلوة ؟؟؟؟؟؟
باقي يومك كويس

صحيح الاجسام بتختلف وهاد ابني مجنني مناعته ضعيفة كتير وبيمرضلي كتيير
ريجيم دوكان لا مافي يوم مفتوح لا بالاولى ولا بالتانية
التزام تام
بس ه الريجيم حلو مش محتاجة يوم مفتوح فيه لانو بتقدري تعملي كتير اكلات وحلويات فيه
والمرحلة الاولى حسب وزنك معك من 3 ايام ل 7 ايام انتي بكيفك
بس الافضل ان تدخلى موقعهم وتدخلي بياناتك وهو بيعطيكي طبقا لطولك ووزنك كم لازم تعملي كل مرحلة


المرحلة الاولى قليلة كم يوم بينعدو عالاصابع بيمرو بسرعة ما بتحسي فيهم ابدا
وصحيح اذا اتبعتي الريجيم بكل مراحله الاربعة ما بيرجع وزنك ابدا
والخضار هوة معوضها بالشوفان والشوفان عبارة عن الياف بتساعد على الهضم ما تقلقي من هالناحية
وكل اخر اسبوع خديلك حبة ملين او اشربي اعشاب وبيمشي الموضوع انا هيك بعمل
وبالمرحلة التانية يوم خضار وبروتين يوم بروتين فقط يعني ما بتحتاجي لشي

والله احنا بنسبح هههه الشارع سيووووووووووووووووووول قاعدة بستنى المراكب وسمكة القرش ههه
الثلج بينزل بس ما بيتراكم لانو بيسيح مع المية اللي عالارض
انتي باي منطقة

يومك تمام يا حلوة استمري

انا موافقة خلينا نشوف باقي العضوات
خلينا نتحمس والله يصبرنا على فراق الميزان انا تعودت كلللل يوم خمس مرات اوزن هههه
بس بحاول اعطي زوجي البطارية يخبيها

سلامته عبود
القطرة الانفيه انا ابني مامعو رشح بس سعال وبلغم وحرارة وكتمة صدر لانو عنده حساسية بصدره
فما بعرف اذا القطرة بتنفعو بجرب اليوم
واليانسون مو راضي يشربه لا هو ولا البابونج ولا حتى الحليب مجنني كل ما يمرض بيضرب عن الطعام والشراب

بننتظرك نايوسة

يومي مبارح

ما التزمت مثل ما قلتلكم رجعت خبصت
اجونا ضيوف ونسيت حالي وشربت معهم عصير وبعدها قلت خربانة خربانة اكلت صحن ملوخية بالملعقة بس بدون زيت
وشربت صحن شوربة عدس
ويومي من الصبح قبل التخبيصة اللي فوق
الفطور بيضة وشريحة جبن لايت
الغداء لحمة مشوية ولبن زبادي وملعقتين شوفان
والعشاء التخبيصة ملوخية \ وصحن عدس وكلهم بالملعقة
يومي المفروض كللللللله بروتين
ان شاء الله التخبيصة ما تاثر عالوزن ما وزنت الصبح نسيت

كل وحدة تقوللنا كيف الجو عندهم

احنا برررررررررررررد والحرارة بالليل كانت -2 تجمدنا يعني
والشتاء والثلج ما وقفو من يومين والشوارع سيوووول وبنسببببببببببح ببلاش
والله يستر ما تدخل المية عالبيت وانهلك بالتنظيف

السنة الماضية كنت مسافرة زي هالوقت ورجعت بعد ما ساح الثلج ولقيت بيتي عبارة عن مسبح صغير
وهلكت تنظيف
يارب السنة تثلج بس بدون اضرار


كل وحدة تقوللنا كيف الجو عندهم

شوفو هالصور من عمان اليوم



http://petranews.net/wp-content/uploads/2013/01/اتستراد-عمان-الزرقاء.jpg


http://petranews.net/wp-content/uploads/2013/01/دوار-الواحة.jpg




هادا النفق عند دوار الداخلية يا نايس ويا امل





http://petranews.net/wp-content/uploads/2013/01/سيل-الزرقاء2.jpg











http://petranews.net/wp-content/uploads/2013/01/عمان.jpg


http://petranews.net/wp-content/uploads/2013/01/عين-غزال.jpg


http://petranews.net/wp-content/uploads/2013/01/نفقالعلوم-التطبيقية.jpg








وهاد انهيال جبلي ببمنطقة رغدان اعتقد



وهاد هون بالعبدلي اعتقد





وهاد الدوار السابع