منيـــرة :

ماله خص نوع النظام كل الأنظمة الصحية فيها كاربوهيدرات ودهون وبروتينات حتى نظام اتكنز فيه كاربوهيدرات بنسبة بسيطة اللي هي فالخضار .. بس في رجيم مثلا مسويه شخص مستغفل الناس عايشين طول يومهم على ماي وعسل هني مافي لا دهون ولا بروتين وتلقين نهاية الأسبوع تنزل 3 ونص والا 4 وتستانس لكن ماتقدر تستمر عالرجيم بعدين وتسترجع اللي نقصته واكثر .. انا اشوف هالموضوع يحفز الدايت الغلط وان الوحدة بتصير تمتنع عن الاكل كثر ماتقدر عشان تنزل اكثر وتتم طول يومها على تفاح وشاي اخضر والا هالسوالف .. وترى احتباس الماي هاذي حالات مرضية لهم دايت معين يكثرون ماي ويوقفون ملح ويداومون عالرياضة مو يوقفون اكل .. مستحيل أي دكتور فالعالم يقول شيلوا الدهون او شيلوا الكاربوهيدرات او شيلوا البروتين .. نعم ممكن تخفيف وهالشي يختلف من دايت لين دايت وحدة تنقص الدهون وحدة تنقص الكاربوهيدرات لكن تشيلها تماماً غلط .. وغير ان النزول بس يكون ماي والماي يتعوض أصلا بشرب الماي حتى البشرة تصير باهتة والشعر يطيح واللي فالنهاية تصيدها دوخة من غذاءها الناقص واخرتها ترجع تخرب والا يجيها احباط من عدم قدرتها عالاستمرار وتغير الدايت وترجع تزيد ويجيها احباط زيادة وتوقف .. لازم بعد نغرس عادات سليمة وتكون الصحة الأفضل هي الهدف الأساسي منها نزول وزن وتحسين شكل الجسم ومنها شفاء من الامراض ومنها تحسين الصحة العامة من الدم والبشرة والشعر عشان نساعد كل وحدة انها تستمر وتشوف نفسها فعلاً اجمل لان اللي يروح بسرعة يرجع اسرع عكس اللي يروح بالبطيء ما عاد يرجع عندي اقتراح ثاني بعد .. طبعا تبدا الحسبة مع الحسبة الجديدة الأسبوعية .. نهاية كل شهر نجمع نتايج الأربع أسابيع ونشوف من الاحسن فالدايت والرياضة والماي وتصير ملكة الشهر .. وممكن بعد نكتب أسئلة عامة حق كل ملكة شهرية نسالها شلون تغير جسمها وشلون صارت صحتها ونفسيتها واذا تغير قياس ملابسها او لا وشلون قدرت تستمر على هالشي وهل توقعت هالانجاز وغيرها من الأسئلة .. واكيد طبعا مب اجبارية لان الموضوع تكريم مو عقاب

ماله خص نوع النظام كل الأنظمة الصحية فيها كاربوهيدرات ودهون وبروتينات حتى نظام اتكنز فيه...

منيـــرة :

نظامي امس: الوجبة الأولى سلطة فواكه الوجبة الثانية بروتين وعين جمل الوجبة الثالثة سلطة تونة الوجبة الرابعة عدس وبروكلي الوجبة الخامسة سلطة تونة الماي 3,3 لتر الرياضة كارديو نص ساعة وماسويت مقاومة كنت تعبانة بس قررت اعاقب نفسي اليوم واسوي تمارين امس واليوم عاد مادري بقدر والا بطنش

نظامي امس: الوجبة الأولى سلطة فواكه الوجبة الثانية بروتين وعين جمل الوجبة الثالثة سلطة...

أرجوان الشووق :

السلام عليكم امس يومي جدا ممتاز الفطور توست بالحبوب حبتين مع بيضه مسلوقه ومسحه جبنه فيتا قليله الدسم وخضروات وكوب شاي بسكر الدايت الغذا لبن زبادي العشا كاسه لبن مع ٧ تمر انا حشيتها بمكسرات شاي اخضر بنعناع المويه ٣ ونص مويه الرياضه بالاثقال شديت ع نفسي ساعه ونص وزيت لشعري

السلام عليكم امس يومي جدا ممتاز الفطور توست بالحبوب حبتين مع بيضه مسلوقه ومسحه جبنه فيتا قليله...