صباح الخير .. وخميس سعيد يارب
توي صحيت من النوم وعلى طول وزنت ..


الوزن السابق : 102.8
الوزن الحالي : 101.4
مقدار النقص : كيلو و 400 غرام .. الحمدلله


اليوم مو يوم مفتوح بالنسبة لي لأني ملتزمة برجيم الشوربة الحارقة
يومي الخامس من هالرجيم بيكون عبارة عن لحم وطماطم وشوربة ..


بالتوفيق للجميع (:

وزنت اليوم وزني ٧٨،٥٠٠
بعد دوكان كنت ٧٨،٩٠٠
وفتحت يومين وزدت ٧٩،٩٠٠
يعني معدل نزولي كم هل احسب بعد المفتوح او قبله ؟!!!!
قبل المفتوح ٤٠٠ ج
بعد المفتوح ١،٤٠٠

بديت اليوم باتكنز لين يوم الخميس القادم و بريح يوم قبل رمضان ويارب يساعدني

ماشاء الله مبروك نزول اوزانكم يابنات
انا امس كان ديتوكس
واليوم كنت متحمسه للوزن لكن للاسف صحيت معذوره

بنات اليوم جاني احباط قوي
ملتزمه بالاكل واكلي اغلبه خضار وفواكه وماي وباقي لي 5 كيلو عن المثالي
واسوي رياضه ف اليوم احرق من 400-600 سعره حرارية
وتمارين بطن
وف أخير زايد وزني
كنت 70.4
واليوم70.7
يا ربي فهموني ليش كذا تعبت م تلخبط الوزن وتصدقوا عملت يومين مفتوح وبعد يومين مفتوح صمت يوم واحد ووزنت طلعت ناقصه
فكوا لي هاللغز بنات يا ليت شرحي وكتابه موضوعي بالتفصيل ما تروح هباء منثورا لاني مشغوله بس بغيت مساعدتكم عشان كذا كتبت موضوعي بالتفصيل
وصح بنات انا والده تقريبا من 3 اشهر ونص وجاتني الدوره بعد نفاس مره وحده ومنها ما جاتني برأيك يمكن لها دور ف لخبطت الوزن