نصائح عن تجربه عن ريجيم البروتين اتكينز واي اسئله من عيوني

السلام عليكم بنات

ابغي اقولكم تجربتي مع ريجيم البروتين

انا سويته ومانزلت حتى كملت 3 اسابيع منه ولاحظت الملاحظات التاليه:
صعب ينزل الوزن اذا ماتمشين معاه او تمارسين اي نوع من انواع الرياضه للاسف

ثاني شي هو يعتمد على اكلج بالحاله الطبيعيه فاذا كنتي من النوع اللي ياكل وايد عيش وفطاير ويتعشى ثقيل يؤثر معاكم هالريجيم بسرعه اما اذا كان اكلج عادي وبالحاله العاديه ماتاكلين وايد فراح ياخذ معاج وقت اطول

ماراح تلاحظين وزنج ينزل بسرعه اذا كنتي بديتي فيه قبل الدوره على طول فالجسم يحتبس فيه الماي هالفتره هذي وماراح تلاحظين نزول الوزن

واحيانا ناكل وجبات بالريجيم هذا بكميات اكبر فالكربوهيدرات البسيطه الموجوده عادة بهالاكلات تتضاعف ولا كاننا عملنا شي فالجسم يكتفي بالكربوهيدرات هذي ومايحرق من الجسم

يوم ماتشربون ماي وايد بالريجيم ماينزل الوزن بسرعه

ونصيحه المشي ثم المشي ثم المشي معاه وكل مامشيتوا اكثر نزلتوا اكثر واسرع وانا كنت امشي نص ساعه يوميا

للعلم انا نزلت اول 3 اسابيع سبعه كيلو واغلبهم بالاسبوع الثالث وباقي الوزن نزلته بالتدريج بعد الثلاث اسابيع واستمريت بالمرحله الثانيه والثالثه مده شهرين بعد الثلاث اسابيع ونزلت 21 كيلو

تاثيراته السلبيه واللي عانيت منها اخر الريجيم وجهي نحف واااااااااايد يمكن لاني نزلت وايد وبسرعه

على كل حال بعد ماوقف الريجيم بسنه تقريبا رجع وجهي مثل اول تقريبا بس بعد مازاد وزني خمسه كيلو

وحاليا اسوي ريجيم د دشتي معاكم ابغي انزل وزني هالزياده هذي وصار لي خمس ايام الحين وللحين مانزلت ولا كيلو لاني اعتقد مب قاعده امشي للاسف فالجو مايساعد بس راح استمر ياانا يالخمسه كيلو هذي

حاليا وزني 72 وطولي 196 دعواتكم واي اسئله انا حاضره