صباح الرشاقه
كيف الدبدوبات >>> لو سمحتي كل واحد يتكلم عن نفسه ..
انا بصراحه بقولكم حاجه ارادتي ضعيفه .. و قد جربت نظام المويه ونظام التمر والصيام وغيره ..
فلاحظت ان اسوء عوامل ضعف الاراده عندي .. الغثيان .. والدوخه ..
موعشان نظام الغذائي غير متكامل , بالعكس لما اسوي دايت اكثر خضار ومويه وكالسيوم لو فات ..
ولكن لانه هالوجبات تنحرق بسرعه وماتشبع .. :icon33: ويبدأ الجوع يعتصرني .. واخربها وكأني ماسويت شئ
وهذا حال اغلب البنات .. ضعف ارادة ..
المهم السالفه .. ان اخوي عطاني نظام جيد كان يسويه وهو يدرس برى .. وتعرفون العزوبيه اكل غير صحي ووجبات فاست فوود .. وقالي هالنظام أفاده كثير ويصلح للي شهيته مفتوحه :(
الا وهو نظام السندوتشات ..
هالنظام مجرب وناااجح .. ويصلح للجميع .. متوازن ومتكامل ..
لي اسبوعين وانا اسويه ونزلت 2 كيلو بدون تعب ... :)
لان البروتين والكالسيوم والفيتامينات والكربوهيدرات .. كلها موجوده بسندوتش واحد ..
طريقه النظام :
اولا انسي شئ اسمه فطور وغداء وعشاء .. نظام غذائك بيتغير ..
في كل وجبه راح تاكلين سندوتش واحد .. وبين كل واحد والثاني 3 ساعات ..
هذا على حسب ماتصحين وعلى حسب ماتنامين .. يعني تتعودي تاكلين سندوتش كل 3 ساعات وبس
سواء اكلتي وجبتين في اليوم او 7 وجبات في اليوم ..
ثانيا يفضل انك تعتمدي الخبز البر واللي من الحبوب الكامله لانها تفيد الجسم والدماغ .. بدال ماتكلي خبز ابيض يتخزن في جسمك ..
ثالثا واهم حاجه .. النظام هذا صحي .. فأبعدي عن المشروبات الغازيه والحلويات والاشياء المعروفه اللي مال أمها داعي .. اذا حسيتي ان لسانك يدغدغك ويقول يبغى حلى ممكن تستخدمي العسل او المربى الطبيعي ( تلقوه في منتجات الدايت) في وجبتك .. ولاتسمعي كلام لسانك .. هو أساس البلا ...
رابعا سندوتشك حضريه من الاجبان المفيده والخاليه من الدهون - يعني يكفي نوعين جبن قريش وجبن سائل قليل الدسم
عندك الخضراوات بجميع انواعها - والسمك والتونه - البيض - الدجاج - اللحوم ..
استخدمي الصوص المفيده .. زيت زيتون والتوابل خل وفلفل وملح وليمون ..
والاضافات .. اشربي العصائر الطازجه واضيفي طبق سلطه مع وجبتك ..
نوعي بين طبق السلطه والشوربه .. عندك شوربه الخضار وشوربه الطماطم وغيرها ..
مميزات النظام :
- وجبه مفيده ومغذيه .
- مافي جوع بعد اليوم .. كل 3 ساعات بيكون قدامك طبق ..
- مفيد لك وللعائله كلها .. مايحتاج سفره طول بعرض .. :09:
- بامكانك تحضرين سندوتشات اليوم كله وتقسيمها الى آخر اليوم ..
- وزنك ينزل بشكل تدريجي .. موب بسرعه ..بالنهايه يثبت ..
- ماتحسين بالدوخه او الغثيان ( نفس حالتي )
- جسم خفيف مافي ثقل ومافي تخمه ..
- بالنسبه للرياضه المشي السريع اوسط الحلول .. نص ساعه كل يوم .. فيها خير وبركه واللي تزيد .. كفو ..:)
وبس ... اي استفسار انا حاضره
وشدوا الهمه يابنات ...
وبالتوووفيق نحو جسم رشيق :icon28:
**جوانا** @goana_7
عضوة نشيطة
يلزم عليك تسجيل الدخول أولًا لكتابة تعليق.
نسيت شغله
انواع الخبز كلها .. مفرود .. توست .. صامولي .. خبز التورتيلا.. (اهم شئ بر ) انسوا شئ اسمه ابيض ..
وبنزل لكم وصفات سندوتشات ...
رقه يسلموو على المرور والله يجزيك الخير
انواع الخبز كلها .. مفرود .. توست .. صامولي .. خبز التورتيلا.. (اهم شئ بر ) انسوا شئ اسمه ابيض ..
وبنزل لكم وصفات سندوتشات ...
رقه يسلموو على المرور والله يجزيك الخير
الصفحة الأخيرة
الله يقوينا نحن واياكم امين
:)