نقصت من 95لين 70 ماشاء الله

السلام عليكم ورحمة الله وبركاته

اسعد الله مسائكم يــ رشيقات المستقبل بأذن الله

اختك من اصحاب الوزن الثقيل وكل مره اقول بعمل رجيم امشي عليه اسبوع واتركه

مره وحده نزلت وزني لين77 ومن الفرحه تركت الرجيم ورجعت من جديد وتركت نفسي وسنه ورا سنه وانا راح اعمل رجيم وانسى وكل ماقلت بعمل رجيم يجيني التحطيم من اهلي انو مستحيل انو انحف

يشهد الله يوصلني من وحده انو وحده تسال كيف دبدوبه للحين تحاول تنحف وتضحك:(

طبعن غير كلام :arb: سي سيد والدق بالهرجه وقبل رمضان حجز زوجي على تركيا نتمشى بعد العيد وانا واثقه اني بنحف بشهر رمضان وجاء رمضان وخلص وانا محلك سر المهم رحت تركيا وانا بوزني ماتغير طبعن عارفين تركيا والتركيات غير الاجنبيات ماشاء الله ايش اجسام وايش رشاقه ومن رجعت قلت بعمل رجيم مايجي عيد الحجه الا وانا ناحفه وابد كلام وكله بالهواء مافي اراده

تعبت من الوزن الزايد وخايفه من الامراض والله لي فوق الاسبوع اصلي على كرسي من اللم ركبتي
ماقدر اسجد مع اني ساكنه الدور الثالث وانزل واطلع مرتين باليوم وغير اذا ربي كتب لنا عمر بعد رمضان برضو مسافر ونفسي اسافر وانا رشيقه :(

سامحوني كثرت كلام

المهم اتعرفت على بنت ماشاء الله خبرتني انو كان وزنها 95 ونزلته لين 70 خلال 6شهور

الله يسعدها دنيا وأخره من طلبته منها ماقصرت ارسلته لي

والحين لي 3 ايام باديه فيه

راح اكتبه لكم يمكن وحده مثلي ماعندها اراده :42: تمشي عليه وتستفيد

______________________________________________________-

طبعن هو اول 3ايام تنظيف للمعده

الافطار الساعه 9: كاس حليب منزوع الدسم او علبة زبادي منزوعة الدسم

الساعه 11 ونص : سناك: مشروب ساخن وبسكوت للرجيم


الغداء الساعه2: صدر دجاجه او تونه او ستيك او سمك مع صحن سلطه خضراء

الساعه4ونص : سناك مشروب ساخن مع بسكون

العشاء الساعه7:علبة زبادي منزوعة الدسم

الساعه 9ونص :سناك مشروب ساخن وبسكوت

هـ البرنامج لمدة 3 ايام فقط

__________________________________________________________

وبعد نظام تنظيف المعدة ندخل على الرجيم

الساعه10 الافطار : حبة توست +شريحة جبنة قليلة الدسم +
خيار او خس او طماطم
اختاري منها شي واحد

12 ونص سناك:مشروب ساخن او بارد او شوربة

الغداء الساعه3:صدر دجاجه او تونه او استيك او سمك
+صحن خضار او سلطه او شوربة او ايدام
+صحن خس او جرجير
وحبة فاكهه بحجم نص تفاحة

الساعه 5 سناك:بسكوت

العشاء الساعة 7ونص :علبة زبادي خالية الدسم
+خضار +صحن خس وسط

الساعة 10 ليلآ سناك: مشروب ساخن او بارد او شوربة

وهاذا نظامها ماشاء الله تقول 6شهور ماشيه عليه ماخبصت ابدا

وتركته قبل رمضان تقول مازاد وزنها غير 2 كيلووو والحين واقف على 72 ماشاء الله تقول والله تاكل وراح ترجع على رجيمها بداية شهر 2 لانها تبقى توصل لين 60

انا اليوم اخلص بداية الــ3 ايام الحمدلله مرتاحه
كان وزني 92و400 جرام
الحين 90و400جرام

دعواتكم حبيباتي انو ينزل وزني من غير شر

ومن تستفيد من الرجيم دعوة بظهر الغيب لي ولــ صاحبة الرجيم

نسيت اقول لكم الرجيم من دكتور في مجمع عيادات الموج التخصصية


والسلام عليكم ورحمة الله وبركاته
:26: