امبارح عملت فطيرة سجق وشيبسي وسلطة
عملت عجينة العشر دقائق وسبتها تخمر انا اول مرة اجربها وعملتها بطريقة مدام شيرين وبعدين جبت السجق وفرمتة
في الفود بروسيسر مع فص توم وحطيتة في الحلة يتشوح ومعاه بصلة مكعبات صغيرة ومعلقتين مية وبعد ماستوي
ضفت فلفل رومي مكعبات صغيرة وشرايح مشروم وجبت الصينية وفردت طبقة رقيقة جدا من العجينة وبعدين حطيت
الحشوة وحطيت طبقة تانية من العجين عليها رقيقة جدا بردو وقفلتها كويس ودهنت وشها بالبن ورشيت عليها سمسم
وحبة البركة
وعملت وحدة تانية جب صينية التارت وفردت فيها العجينة وخليت سمكها متوسط ورفعات الحافة بتاعهتا من الجناب زي
التارت وعملت حشوة عبارة عن بيضة مخفوقة ومعاها جبنة فيتا وجبن موتزاريلا ومكعبات فلفل رومي ورشة اوريجانو
وحطيت معلقة كتشب صغيرة علي العجينة وفردتها وضفت الحشوة وحطيت مشروم شرايح عليها ولما استوت كان طعمها حلو
وشكلها جميل تنفع للفطار او العشا لئنها لما بتت لتاني يوم فضلت طرية جدا
دى زى طريقة الرز بالخلطة اللى نعرفها بس بطريقة اخف عشان مفيهاش زيت وزبدة كتير