انا عملت محشي بتنجان و كوسة و فلفل و ملوخية و فرخة في الفرن
بس يا جماعة مش هخبي عليكو ..البتنجان لما قورتة بنفسي انا بحب يكون البتنجان يكون في لحم شوية فأستذكيت و قورتة كنت عايزة اخلي بالي ان يكون البتنجان ميتخرمش مني .. فبعد ما حشيت لقيت بعد ما استوي ان البتنجان لسة في بذر من جوة..فزعلت قوي من نفسي و قولت علي نفسي فاشلة و كمان لما سويتة الظاهر اني حطيت شوربة كتيير و طلع الرز معجن شوية ...بس قولولي هو ايه افضل طريقة عشان اسوي البتنجان في الحلة يعني يترصصو افقي فوق بعض و لا رأسي جنب بعض؟؟

مدام ايمان عايزين طريقة البسبوسة الحلوة دي .....نفسي تنجح معايا بقي:06:

السلام عليكم جميعا في منتدانا الغالي
اتمني للجميع الصحة والعافية اليوم شويت
سمك في الفرن انا بتبل السمك من باليل
تاني يوم اغمسه في الردة ثم اضعه في
الفرن تحت الشواية وكل شويه اقلبه حتي
ينضج تماما بعد كده اضرب في الخلاط طماطم
وخلطة السمك وليمون وخل وشويه ميه بسيط
واول مااخرجه من الفرن اصبها عليه الطعم روعه.

عاوزة طريقة الطحينة بالحمص وافكار عزومة عندى عزومه وانا مع ظروف بابا قرفانة بس ارضاء لزوجى وتقربا الى الله من باب حسن الضيافة انا اعمل جلاش زى بتاع ايمان بس انا بعملة بجبنه روى وفلفل رومى وزيتون وطماطم واخد من ايمان حبة البركة والسمسم ومكرونه باشاميل

السلام عليكم ام البنات المصرية اسأل الله العظيم
رب العرش العظيم ان يشفي الوالد شفاء عاجلا غير
اجلا ونسمع عنه كل خير بالنسبة للعزومة ممكن
مع المكرونة بالبشاميل بانيه وحمام محشي فريك
وطاجن باميه باللحمه ودجاج مشوي وشوربة وسلطة
وكده حلو قوي اوالاسهل عزومة سمك منوعة يعني
سمك مقلي في البيت والمشوي ممكن برة يتشوي
علشان ريحة البيت وطاجن مشكل في الفرن وبس.