غدانا اليوم ادام بطاطس وصينية دجاج بالقشطه
ورز ابيض وسلطه خضراء وصينية مصقعه
والحمد لله بس ماعندك احد ياكل

انا جيييييييييييييت والتجربة كانت ظريفة الحمد لله

بيكاتا سريعة بصوص كريمى
شريح بفتيك قطعتها صوابع رفيعة وتبلتها بملح وفلفل وبصلة مقطعة وعصير نص ليمون من باليل
الصبح جطيت شوية زيت فى طاسة تيفال وعليها اللحمة وقلب قلب تتشوح بعدين شوية مية قليل بقليل لحد ما استوت
دوبت نص كيس كريمة فراخ كنور فى مية ودلقتة عليها وقلب قلب لحد ما بقى صوص تقيل

ومعاها رز ابيض

رغيت كتير بس هى ما اخدتش معايا نص ساعة الصبح ااقل كمان ما شاء الله وكانت ظريفة وتجديد وبولة رز فى الطبق وحواليها اللحمة بالصوص زى المطاعم بالظبط

للى مش بيحبوا حاجات كنور الجاهزة ممكن استبالها بشرائخ مشروم فريش مع اللحمة والصوص يبقى ربع كوب ماء وربع كوب لبن +معلقة نشا قلب قلب تدى نفس نتيجة الصوص

بكرة ان شاء الله سمك مقلى وارز ابيض وسلطة

سمك بلطى بتبلة ب توم وقرن فلفل حامة وقطعة جنزبيل وملح وفلفل وكمون ولمونة بقشرها مقطعة اربع كلة فى الكبة واحشى بية السمك واعمل بالسكينة شق فى كل ناحية احط فيها جزءمن االخلطة

النهاردة عملت صدر رومى اللى بيبقى ملفوف بالخيط عملته بطريقة مي جزاها الله خيرا طلع طعمها حلو والصوص بتاعها روعة

الرسالة الأصلية كتبت بواسطة memsi »
صدور الديك مع صلصة الفلفل
المكونات

1 صدر ديك رومي مخلى ومنزوع الجلد حوالى 2.5 ك
2 حبة بصل شرائح
1 حبة جزر شرائح
1/2 كوب زبدة طرية
2 معلقة صغيرة توم مفروم
3 ملاعق كبيرة زيت او زبدة
1 ملعقة صغيرةمعجون طماطم
1 ملعقة كبيرة دقيق
1/2 مكعب مرقة دجاج
1 ملعقة مسطردة
1/2 كوب كريمة لبانى
2 ملعقة كبيرة فلفل اخضر او فلفل اسود حب
1 ملعقة عصير ليمون
1 ملعقة كبيرة بقدونس او ورق بصل مفروم
3 ورقات لورا - 3 حبهان


الطريقة
1- يغسل صدر الديك جيدا بالماء ثم بالدقيق ثم بالماء ويصفى . تسخن ملعقة زيت او زبدة في صينية فرن ويحمر صدر الديك على جميع الجوانب حتى يصبح لونه ذهبي يرفع من الصينية ويربط برباط سميك مثل الروست بيف

2- يمزج 1/2 كوب الزبد بمعجون الطماطم والتوم والملح والفلفل يدهن صدر الديك بالمزيج من جميع الجوانب

3- في نفس الصينية تضاف معلقة زيت او زبدة. تضاف شرائح البصل والجزر وتقلب دقيقتين على النار متوسطة ثم يضضاف صدر الديك . تغرس شوكة كبيرة في اجزاء متفرقة من الديك. ينثر ورق الاورا والحبهان والمستكة ويضاف حوالى كوب ماء دافي وتغطى الصينية بورق الومنيوم

4- يحمى الفرن الى درجة حرارة 190 مئوية. تدخل الصينية الفرن وتترك حوالى ساعة ونصف او حتى ينضج الديك. يقلب الديك من حين لاخر اثناء الطهي ويدهن بمزيج الزبد. يكشف غطاء الالومنيوم ويعاد الديك للفرن لمدة 10 دقائق يرفع الديك من الصينية ويغطى ويترك ليبرد تماما.

5- يسخن باقى الزيت او الزبد في اناء صغير فوق نار خفيفة. يضاف الدقيق ويقلب . تضاف المسطردة وتقلب جيدا. وتضاف الكريمة اللبانى ومكعب المرقة والفلفل الحب والملح و1/2 كوب ماء. يترك الصوص ليغلى ويبدا يتكاثف يرفع عن النار ويضاف عصير الليمون والبقدونس

6- يفك الرباط ويقطع صدر الديك الى شرائح بعد ما يبرد تماما وترص في طبق التقديم ويسكب الصوص فوق الشرائح , يقدم باقي الصوص في وعاء منفصل

ملحوظة

* لو عندك عزومة ممكن تعملى الصدر وتحفظيه في التلاجة قبل العزومة بيوم ونفس يوم العزومة تعملى الصوص

* نفس الصوص ممكن يستخدم روست بيف او صدور دجاج الفيلية المحمرة

ومع الرومى عملت كبسة وسلطة