انا عملت الرز بالخلطة المكسيكية طلع معقول عجب جوزى بس انا مش كتير حسيته مبهر قوى بس مادام عجب الباشا يبقى خلاص نعتمدها

انهارده ان شاء الله هعمل سبانخ بالليمون والسماق زى بتاعة حشوات الفطاير بس احنا بنحب نغمسها لانى مبعرفش ازبط الفطاير ومعاها بطاطس فورد وشوربة وسلطة خيار مخلل وبنجر ولحمة محمرة

امبارح كان بطاطس بيورية
و لحمة محمرة
اللحمة تتسلق بالتوابك و كل حاجة و بعدين تتحمر فى السمن على نار هادية
البطاطس نغسلها كويس اوى انا بسيب المية شوية كانى نفعاها و اغسلها بالفرشة
نسلق البطاطس 5 مثلا او حسب الصينية و نحط رشه ملح فى ماء السلق و نحط الشوكة فيها لو استوت اطفى عليها و صفيها و قشريها وهى سخنة
بعد ما قشرناها نهرسها كلها و نحط عليها الملح و الفلفل و التوابل اللى تحبوها و معلقتين سمنة كبار و بيضة او اتنين حسب حجم البيضة و تلقيها لمت كانها عجينة مش سائله طبعا و سيبيها و تكونى معصجة لحمة مفرومة و تجيبى الصينية و تحطى نص كمية البطاطس ثم اللحمة ثم باقى البطاطس و بعدين اضربى بيضة كويس و حطيها على وشها و دخليها الفرن 180 درجة تقريبا 45 دقيقة بس تابعيها من قبل
هى سهلة بس انا طلعت رغاية

و النهاردة سمك و رز بنى و طحينة و
الحمد لله


اللهم صلى و سلم و بارك على سيدنا محمد و عللى اله و صحبة اجمعين و لله الحمد

موضوعك حلو ومفيد
تقبلي مروري :6:

كبسة وسلطة لبن بخيار وسلطة عادية

الظاهر الناس كلها عاملة سمك اليومين دول ههههههه

انا امبارح برده عملت سمك سلمون في الفرن ومعاه خضار ورز وسلطة وطحينة

النهاردة كفتة داوود باشا ورز بسمتى بالشعرية وكوسة مقلية وسلطة
ورز بلبن

كفتة داوود باشا

لحمة مفرومة وعليها بصل مفروم ناعم وفص توم وملح وفلفل ورشة قرفة ونعملها كور صغيرة ونحمرها تاخد لون في الزيت ونشيلها

الصوص

بصلة متوسطة مفرومة ونحمرها في معلقة سمنة و نضرب 2 طماطم في الخلاط ومعلقة صلصة ونضيفها للبصل وملح وفلفل ونسيبه لغاية ما يتكثف و نضيف الكفتة ونسيبها لغاية ماتستوى 10 دقايق وبس

وجزء من الكغتة عملته صوابع واعملها بانية يعنى ببيض وبقسماط واحمرها