السلام عليكم ورحمة الله وبركاته
حبيت اشكر كل من تواصلت معاي وشاركت في الردود او الرسايل الخاصة وسألوا عن اخر اخبار حالة ولدي الله يشفيه ويعافيه ويخليه لعيوني ويطول بعمره اللهم آمين
اقتنع ابوه بعد مانشف ريقي يوديه للمستشفى عشان فرط الحركة بعد ماطاح عليه درج كبير وكان بيكسر عظامه الله يشفيه ويحفظه
وشافني الفجر اصيح وحالتنا حالة والدنيا والادراج متكسرة ومتناثرة لاني كنت مجمعة كل الاغراض بالدرج الاول والثاني من فوق علشان مايوصلهم وينثر اللي فيهم
راح فتح الادراج الارضية مالقى شي وطلع على السرير وانا عالارض ارتب ملابس على اذان الفجر
وسحب الادراج اللي فوق واختل توازن الشوفينيرة لانها فاضية من تحت وطاحت عليه وكان فوقها قزاز وحوسة ومزهريات تكسرت ونجاه الله وبسم الله عليه قام يرجف ويصيح من الخوف ومن صراخي والعالم طالعة من صلاة الفجر
المهم مشاكل وضغط مع ابوه يالله وافق والحمدلله على كل حال وديناه الاسبوع اللي فات وقال الدكتور معاه سمات توحد سألني اذا حركته كثيرة ويرف بيدينه ولايتكلم ويدور على نفسه ويراقب حركة المروحة اللي بالمطبخ ونومه متقطع ولاياكل قلت له ايه قال مبدئيا سمات توحد
وحوله لعيادات السلوكية وعيادات التخاطب
قال الطفل حوالي السنتين المفروض عالاقل كون حروف او كلمة وحدة وهذا حتى ماما وبابا ماسمعتها منه يناديني الله يصبر قلبي ويكشف ضره وضرنا ويسلط على من اصابه بالعين والحسد والنفس
نفسيتي متدمرة وماانام انام ساعتين واصحى ثلاث ساعات اراقبه وهو نايم وابكي استغفر الله والله ياهو تعذب مسيكين عذاب الله اعلم فيه ربي يرحم حاله وضعفه حياته كلها بالمستشفيات
نصحونا مبدئيا يندمج بحضانة ويروح حدايق ومنتزهات ويختلط بالناس ويتجنب العزلة وماني مقصرة اطلعه والله
لان ماعندنا اقارب ابدااااااااا في المدينة اللي عايشين فيها ولاجيران بعد ماغيرنا السكن عشان نفوس اللي فيها وكلامهم عن ولدي الله يكفيه شرهم ويرد كيدهم في نحورهم وهذا هو 24 ساعة تعبان وله مواعيد
ومافيه عيادة ماله موعد فيها هضمي , تغذية, بصريات , سلوكيات , تخاطب , انف واذن وحنجرة
هذا غير الحوادث اللي بالاسبوع مرتين وحنا في الطوارئ
الالتهابات مافكت عن حلقه واذنه وعيونه من ولادته الى الآن اكلمكم وتوني قطرت في عينه وحطيت مرهم متورمة القناة الدمعية من يومين
وديناه مشايخ تونا جايين فيه البارحة قالوا عين وحسد اللي فيه ولازم يواصل رقية ولاتودونه اماكن تجمعات لان العين اللي فيه تجذب له الناس وتخليهم يبحلقون فيه
والعالم ماهي فاكة عيونها عنه لاليل ولانهار اقسسسسسسسسسسسسم برب العزة يمين اسأل عنه اني كل مااطلع فيه مكان الا يتنحون يطالعون له والا يوقفون ويتكلمون يشاورون عليه اوقط عليهم كلام مثل لاحول ولاقوة الا بالله حسبي الله ونعم الوكيل لااله الا الله ومافي فايدة استغفر الله متواصلة العالم تقز وتبحلق كأنهم شايفين شي غريب الله يضيق عليهم حياتهم مثل ماضيقوها على هالمسكين وحرموه يمارس طفولته وحريته وعقدوا حياتنا
صرنا انا وابوه نتبادل نشيله ونداريه عن عيونهم ونسرع بالمشي كاننا مطاردين في حياتنا ااااااااالله لايوفقهم الرجال مايعفون نظرهم وهو معاي يطالعون والحريم يقزونه وهو مع زوجي كانهم عيون رجال لاحيا ولادين لما يضطرون زوجي يحط عينه بعينهم يالله يطسون عنا
مااتذكر طلع زيارة والا مناسبة والا مول ولا حديقة اورجعنا لا ويصير له شي بسم الله عليه
وكل مرة اصوره بالجوال عشان اتذكر هذا تبع اي مناسبة او طلعة ياوجهه كله احمر حساسية يااماممتلي حبوب صغيرة
ياعيونه حمرا وتصب دموع يااما يطيح على وجهه شي ويعوره ويجرحه ويدمي وجهه حسبي الله ونعم الوكيل
مرة فاتو من عنده حريم بعربة اللي تجرها الخيل وتصيح وحدة الله طالعوا طالعوا الولد ( ماشاء الله تبارك الله ) ولاذكرت اسم الله وربي استجمعت كل شجاعتي وانا استحي قلت لها اذكري الله تراه مريض قالت ماشاء الله وجيت بدخل محل تنحوا حريم يطالعون له على مدخل المحل هم طالعين وانا داخلة ووقفوا يطالعون له ورب البيت عيونهم كنها رصاص ومن رحت تخيلوا شصار وقع على قطعة حادة وانشق خده انحفر حفر ودمه يسيل قلت خلاص تشوه وجهه بسم الله عليه وكل مانطلع على هالحال مدري شسوي مع اني كل مااطلع اقرا عليه وحنا بالطريق واعوذه واستودعه الله والله يابنات تعبت نفسيتي وتعقدنا انا وابوه من نظرات العالم يعني شايفينه نحيف وتعبان ومع ذلك موب راحمينه على طول يطالعون له يايتكلم ابوه يااتكلم انا لين تنكسر عيونهم
قبل 4 ايام طلعته للحديقة ع اساس يختلط مع الاطفال والناس ونفس الحالة يلعبون اطفالهم وعيونهم له
واللي تجي تسال بوقاحة هذا ولد ؟؟؟ والله مادري وش شايفة مخلوق فضائي حسبي الله ونعم الوكيل
لما جت وحدة قالت الله هذا ولدك قلت ايه تعبان مسكين ادعي له بالشفاء والعالم عيونهم له وابوه منضغط وحالته حالة
من رجعنا دخلت يده بين الجدار والباب من بين الصواميل وغلقت الباب على يده ماسمعنا الا صياحه وعيونه طايرة يشهق بسم الله عليه والا واحد من اصابعه منخفس وطالع خط اسود وازرق حسبنا يده راحت
وصراخ وابكي وهو يصيح وللطوارئ وتحويلات من مستشفى للثاني بالليل والعالم نايمة واشعة قالوا احتمال كسر او شرخ لانها تورمت والحمدلله طلعت بس رضوض ومتورمة الى الآن
واخذت يومين وطلعناه للسوق شوي ونفس الشي بحلقة واسألة ومن رجعنا عينه تصب دموع وانتفخت وتورمت ونوديه الطوارئ قالوا القناة الدمعية ملتهبة وللان ملتهبة ومورمة عينه حمرا والجلد حوالينها كله احمر حتى الممرضين قالوا لنا ودوه رقية عند شيخ يمكن الولد فيه عين واحنا وربي ماتكلمنا لهم
واخذنا يومين وماتبنا ماشين ورى كلام الدكاترة طلعوه طلعوه
اكلمكم وانا منغبنة ومنضغطة وابوه مسكين حالته حالة ويتحسب عالعالم وتونا راجعين من المستشفى قسم الجراحة
طلعناه قبل شوي ويتنحون اللي يلعبون اطفالهم ويشاورون عليه ويتكلمون وواحد كان يلاعب بنته عمرها سنة وحلوة وصحتها حلوة وبيضا ومافيها شي يعني مو ناقصه شي
ووقف وشال بنته وقام يطالع له ويبحلق مركز عيونه بشكل مقرف ولاهو مستحي مني اني اطالع له يعني تراني شايفتك تناظر للولد وحنا نمشي وهو يتبسم مو في جونا غارق يتأمل فيه الله يرد كيده بنحره وقمت حطيت يدي على وجه الولد ووقفت وتفشل ومشى ووحدة معاها ولد وبنتين صغار وقفت عيني عينك وقامت تبحلق فيه ونمشي وتلاحقنا تطالع فيه ولااستحت حتى من زوجي اللي تضايق وقام عطاها هذيك النظرة وهي حمارة مواصلة تطالع له وهو على كتف ابوه لما تكلمت انا وقلت لاحول ولاقوة الا بالله والمشكلة زوجها يسولف وهي عيونها لنا قال زوجي خل نغير المكان وتشوفه وحدة سودانية قالت هذا ولد قلت ماشاء الله ايه ولد وتعبان وعصبنا ورحنا مكان بعيد
مامدانا تحركنا مترين وخليناه يمشي الا ويطيح على حديد مصدي وينشق تحت شفته بين شفته ودقنه شق عرضي تخيلوا من قوة العيون الشق لمااااا وصل اسنانه يعني مو جرح سطحي لا اخترق الجلد كله يعني لو تدخلين اي حاجة من برا تطلع من جوه على اسنانه مثل الحفرة بس شق طويل صار قطعتين دقنه اااااااااااااااااااالله لايوفقهم ويحرق قلوبهم على اطفالهم الكلاب مثل ماحرقوا قلوبنا ربع ساعة وصوبوه الله ينتقم منهم
ونرفعه يصيح الا فنيلته كلها دم ووجهه وفمه غرقان دم واسنانه غارقة بالدم ونصيح انا وابوه نفتح حلقه ونغسله بالماي والا مفتوح الجرح يصب دم من داخل ومن برا قطعتين حسسسسسسسسسسسسسسسسسسبي الله ونعم الوكيل في كل من اصابه عسى الله يحرق قلوبهم على عيالهم وبناتهم مثل ماحرقوا قلوبنا وحرمونا وحرموا هالمسكين الطلعة والفرحة
مادري شيبون فيه شايفين حالته توسع مرئ واستفراغ ونحيف جلد على عظم ولاياكل ولايشرب حتى الماء مايعرف يشربه ويخاف وصار فيه سمات توحد ونومه كله صياح ومتقطع ويتقلب وسهر النوم اللي العالم تنامه وتهنا فيه لنا سنتين ماذقناه وشعره فيه شيب وضعيف وربي ان ملابسه وهو عمره 6 شهور للحين يلبس وغيره اطفال الله يخليهم لاهلهم جمالهم خارق بياض باهر وصحة وعافية وشعر ناعم والا اشقر وعيون ملونة وينامون طبيعي وياكلون طبيعي ويلعبون ويركضون ولافيهم الا العافية وهذا المسكين جلد وعظم وكل طلعة بنكبة استغفر الله
لاتقولون ماحصنتيه والله محصنته ولاالبسه ملابس زينة ولاكشخة محروم من كل شي الله يحرمهم العافية
والصحة والسعادة وراحة البال
بالله قولوا لي وين اوديه مشايخ الرياض ومشايخ الشرقية وحتى المعالجات الشعبيات والرقاة يقولون لي لاتدورين فيه ولاتلفين الولد معاه عين وحسد ونفس واضحة لنا مع القراية
والمشكلة اقرا مواصلة وزيت احيانا واحيانا عند مشايخ وجسمه كله يطلع فيه كدمات زرقا وسودا وحمرا وحبوب تروح وتجي
معناته تجدد العين بكل طلعة وخروج لنا من البيت
والاطباء يقولون اخلطيه مع الناس والمشايخ رافضين اوقات الزحمة والناس
ابوه نفس وانضغط وانهارت اعصابه وانا امه انتهيت من زمااااااااااااااااااااان صرت جلد على عظم من السهر والتعب والهموم الله يكشف مافينا وفيه ويشفيه شفاءا عاجلا لايغادر سقما ويسلط على كل من حسده وعانه واصابه بنفس او عين او حسد او شر الله ينتقم منهم شر انتقام
والله يااخواتي اننا في عذاب مايعلم فيه الا الله تعبنا من مسح التطريش بالبيت وبالسيارة والسهر والامراض والالتهابات المتكررة والحوادث والاصابات تصدقنا ودعينا ورقينا ولله الحمد على كل حال
اللهم اكتبنا من الصابرين الشاكرين واخلف علينا بشفاءه وطولة عمره وعافيته عاجلا غير اجل واكفه يقدرتك شر الانفس والاعين والحسد اللهم آمين يارب العالمين
تكفون قولوا لي شسوي
مابي احد يطالع له ويبحلق فيه والا يتابعنا عشان يشوفه وربي وحدة حرمة وبناتها تقول شوفوه شوفوه وحنا في بنده واهرب فيه بين الممرات ويطلعون له من بداية الممر الثاني تقول هذا هو تشاور بكل وقاحة توريه بناتها واوقف لاشعوريا فقدت اعصابي واصيح في بندة قدام العالم اتقوا الله انتم شتبون منا الولد مريض وتعبان ابعدوا عن حياتنا شتبون منا وتلعثم الحرمة قالت لا مافي شي واطلع من بندة ابكي شسوي فيهم اشكيهم لله الواحد الاحد المنتقم الله يكافيني فيهم دنيا وآخرة
أم جقوري @am_gkory
عضوة نشيطة
يلزم عليك تسجيل الدخول أولًا لكتابة تعليق.
umaymen
•
لا حول ولا قوة الا بالله ربي يجعل مااصابكم تكفير لذنوبكم ورفعة في جنات النعيم الصبر ياختي دعواتي لكم بالشفاء العاجل الغير اجل ان شاء الله الخوات يفيدونك
اسأل الله ان يعجل بشفائه ويكتب اجركم
حاولي تلتزمي طريقة الشيخ عبدالكريم المشيقح بنية شفاء ابنك وتوكلي على الله وحده
وكثرة الصلاة على النبي صلى الله عليه وسلم قد ما تقدري .
واذا عنده توحد ضروري جدا جدا تمنعي عنه القمح و الحليب و مشتقاتها
الله يفرج همك
حاولي تلتزمي طريقة الشيخ عبدالكريم المشيقح بنية شفاء ابنك وتوكلي على الله وحده
وكثرة الصلاة على النبي صلى الله عليه وسلم قد ما تقدري .
واذا عنده توحد ضروري جدا جدا تمنعي عنه القمح و الحليب و مشتقاتها
الله يفرج همك
اسأل الله العظيم رب العرش الكريم ان يشفية
اختي انتي ارقي طفلك بنفسك اقرأي سورة البقرة يوميا وانفثي في مويه وزيت شربيه المويه وادهنيه بالزيت
ووين مابتطلعين استودعيه الله وحطي يدك ع راسه واقرأي عليه المعوذات ، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك .وكلي امرك لله
و رددي حسبي الله ونعم الوكيل لاتدعين ع احد والاطفال مالهم ذنب
اختي انتي ارقي طفلك بنفسك اقرأي سورة البقرة يوميا وانفثي في مويه وزيت شربيه المويه وادهنيه بالزيت
ووين مابتطلعين استودعيه الله وحطي يدك ع راسه واقرأي عليه المعوذات ، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك .وكلي امرك لله
و رددي حسبي الله ونعم الوكيل لاتدعين ع احد والاطفال مالهم ذنب
الصفحة الأخيرة