جنا حبيبتي شخبارك انشالله بخير
والله ياعمري لي اليوم الثالث في الاسبوع الثاني ومو حاااسه باي تغير
مالي الا الله ثم نصحيتك لي اليوم والله بروح اشتريها وبتوكل على الله مالي غيره
وبنشوف انشالله
يالله حنا اشتريها خلينا نجربها مع بعض ونشوف كل وحده كم تنقص علشان باين ان نوعية جسمي مثل جسمك يبغاله نحلف عليه علشان ينزل ....
سلاااااااااااااااااااام

وحده من الناس~ هلا وغلا فيج اختي ...

بالنسبة لمقدار النزول اللي ... حققته لحد الآن :06:

فهو 4 كيلو واليوم السادس لي ... ومقدار النزول صار بطيء شوي عن قبل ....

وآنا على فكرة من أصحاب الوزن الثقيل بس الحمدلله رب العالمين ان اللي يشوفني ما يقول هذا شخص سمين .. بس يعني متروس .. خاصة بعد ال 4 كيلو اللي نزلتها .. صرت أحس بتغير جذري ويهي ضعف وايد وملامحي برزت لدرجة ان في زملاء بالعمل معاي قالولي مو حلو الضعف عليك قلت لهم أي ضعف بسم الله توني مبتدي .. رغم ان كل اللي نزلته فقط 4 كيلو وانشالله بستمر حتى اوصل للي أبيه..

ويمكن سبب عدم نزولي بشكل سريع يرجع لأني قطعت الرياضة من ثاني يوم ... ومارستها في اول يوم لمدة 45 دقيقة تقريبا ما بين الاجهزة المنزلية ... وراح ارجع امارسها مع بداية الاسبوع الثاني للرجيم يعني عقب باجر....:41:


بس فعلا هالرجيم .. الأكل فيه حلو وما يلوع الجبد مثل الكيميائي اللي سبب لي مضاعفات متعبة في فترة من الفترات ...

وهالرجيم فقط انصح فيه اصحاب الاوزان الثقيلة لأنه يسبب اجهاد ودوخة خاصة فترة الليل ...


وشوفي اللي يناسبج .. وعساج عالقوة يالغالية ...مع تحيات الطامح للرشاقة ,,,:cook:

اختي غيم2000 دائما تغمرينا بارشاداتج المفيدة .. وهالشي مو غريب على عضوة شرف عالم حواء اختي غيم

أشكر لج تشجيعج الدايم لنا ... وآنا دايما آخذ ارشاداتج بعين الاعتبار ....

وعساج عالقوة دايمااا


مع تحياتي ... الطامح للرشاقة ,,,:26:

السلام عليكم يا فلونه كيف الحال :24: أكيد بتقولين تبغاني علشان الرجيم الله يعيني على اسألتها بس صدقيني ايش اسوي والله انه في اشاء كثيره ماني فاهمتها في الرجيم والله ما اكذب عليكي اني قريت موضوعك اكثر من خمس مرات بس كله ملخبلط على بعض :44: ابغى اسئلك كم سؤال بس الاسبوع الاول س1 اليوم الاول في الغداء قلتي قطعه من صدر الدجاج تقصدين صدر واحد ولا ايش +الخضروات الطازجه ايش هيه0 س2 ماهي مكونات السلطه الفاكهه0 س3 ايش مكونات سلطه الدجاج هل هي نفسها قطع صدر الدجاج مع الخس والطماطم وكم مسموح احط صدر دجاج0 س4 سلطه التونه+ الخضروات الطازجه قصدك اخلطها مع بعض واي مكوناتها0 س5 والكوسى المحشي احشيها رز فقط الان المحشي العادي محشيه رز ولحم00 س6 اليوم السادس في الغداء قلتي الخضروات العاديه ماهي 00 واليوم السابع في الغداء سلطه خضراء ايش مكوناتها00 والنقانق معليش اشتريها جاهزه يعني مجمده00 الاسبوع الثاني س1 ايش بديل سلطه كابوريا00 عارفه اني كثرت الاسئله اعذريني على الازعاج :( علشان انا من الاوزان الكبيره وابغى انحف:44:

أقوووووووووووووول ولا ما أقووووووووووووووووووول
لا تعبين نفسك لا عشرة ولا في الأحلام
سويت الريجيم بحذافيره أنا وأختي
أختي زادت في اليوم الرابع 2 كيلو وزعلت ووقفته
أما أنا إلى اليوم السابع نقصت فقط 2.5كيلو على قساوته
ولا بعد في اليوم السادس نوم غير طبيعي
عااااااااااااااااد وبكيفك