واقعي الاليم ...... والمي الشديد ...... سأخطه على صفحاتكم فساعدوني

أختي الحبيبة من يقرأ كلماتك لابد وان يشعر بما تعانين كان الله في عونك وفرج همك وربما يعاني زوجك احد الأمراض النفسية مثل الفوبيا لم لا تقنعيه بالذهاب الى احد الأطباء النفسيين
وبالنسبة للأطفال لا تتعجلي الانجاب طالما انت صغيرة في العمر فالزوج سيتحول لأب وهنا قد تكبر المشكلة وعليك بالصبر فهذا ابتلاء من الله سبحانه وتعالى فهل ستصبرين أم تسخطين؟
كان الله في عونك وفرج همك .

الحمد لله على كل حال واحمدي ربك انا ما يمد يده عليك او حارمك من كل شي او ما يحترمك.بالعكس احس من كلامك انه رجال ممتاز وهذا كل وحده تتمنى هذا الشي ......
ومن ناحيه انك اجهضتي مرتين ترى الحاله النفسيه لها دور كبير بثبات الحمل بالعكس مافي احلى من جلسه البيت وخاصه اذا كان زوجك معك........من ناحيه سفرات فيه ناس مايعرفون شكل المطار والطيارات على الطبيعه وعمر هالاشياء ما كانت هي السعاده.....اذا اهلك يسافرون ودك تسافرين روحي معهم وما اضنه من كلامك راح يرفض...انا انك حاسه اهلك بعيدين كلميهم كل يوم.....اعرف بنات ما بينهم وبين اهلهم الاشارع واحد وما يروحون الا يالشهر مره.وزوجك ليه ما يقراء عن شيخ ترى سبحان الله القرايه علاج.......اقنعيه انك خايفه عليه ولازم يروح عن شيخ معروف ماراح يخسر اذا ما انتفع.......
شكلك حساسه ومكبره الموضوع.................
الله يوفقك ويسعدك ويرزقك بالطفل الي يوسع صدرك......ونصيحه اشتري زوجك دامه طيب معك.:26:

جزاك الله الف خير على ردك السريع
اختي زوجي مايعاني من مشاكل نفسيه اطلاااااااااااااقاً والحمدلله
وانما مصاب بالعين كل الشيوخ اللي راح لهم قالوا نفس الكلام
يقولوا فيه 3 عيون 2 بسيطات ووحده بالغه فيه
هو اصلا قبل الزواج شاف حلم ولما صحى من النوم صار يكره السفر وركوب السياره واذا مسك طريق يتعب وينكتم ولما سالنا المفسر اكد انها عين اصابته .
ومن ذلك الوقت وهو يعاني من الم بسيط بالمعده بس الحين زادت عليه
ولما رقاه الشيخ ارتفع الوجع لقلبه والحين دايم يعوره قلبه
بسم الله عليه والله اني خايفه عليه موووووووووووووووت
ومرضه كمل الامي واحزاني ...........
اسمحي لي عزيزتي مااقدر اعطي اكثر فانا منفعله جدا واحس اني مخنوقه

ام الحلوه
سهل لغيرك ولك انك تقولي اني حساسه شوي لانك ماحسيتي بالمعاناة اللي انا فيها
انت تعتقدي ان مرض زوجي وعذابه امر بسيط
وتعتقدي انه السفر بس هو اللي مسوي فيني كذا
لا والف لا لو انحرم من السفر بس يكون زوجي متعافي كان ميخالف
المشكله اني اعاني من اشياء والالام لايعلمها الا الله
ففيه اشياء كثيره ماذكرتها لاني ادري لو ذكرتها راح تتقطع قلوبكم علي شفقه
لكن انا لااريد الا شفقه ورحمه الله تعالى
ومشكوره ياقلبي على ردك ونصحك لي وجزاك الله الف خير
( الحمدلله على كل حال )

اختي العزيزة

مايمنع انك تعانين لكن كمان في شخص يعاني اكثر منك..وهو زوجك

إذا مو انتي الي استحملتيه واخذتي بيده ميم تتوقعين يصبر عليه؟؟

اول شيء لازم تساهمين في علاجه والوقوف بجنبه طالما هو حاس اصلا بالتقصير والعجز..يعني مو ذنبه ولاهو بيده

تموا ودوده لمشايخ وانتي بعد كل يوم اختي اقري عليه....إلين ربي مايفرجها عليه

سبحان الله
ماتدرين ان السفر الي كنت تتمينه في الشر كله
ماتدرين ان ربي مو كاتب لكم هالسفر لاجل يبعدكم عن شيء...والله اعلم
ربي ترى يسبب الاسباب....وتكون هالاسباب فيها كل خير لنا بس احنا عجولين ونبي كل شيء يتم على هوانا

الان اهتمي بنفسك اكثر واهتمي بحملك اكثر

خلي هعالطفل الي بيجي بإذن الله تعالى..يكون هو تفكيرك وسعادتك انتي وزوجك

لاتناظرين لحياة الغير

غيرك ياعذاب السنين..يتمنون زوج مثل زوجك على الاقل يحن عليك ويخاف

صدقيني...مو السفر هو كل المتعه..المتعه هو وجودك بجنب رجل يحبك ويخاف عليك...رجل بيكون اب لأطفالك

قولي يارب لك الحمد..على كل حال

وابتسمي...وغيري من نمط حياتك وتفكيرك


وربي قادر على انه يفرج همومك

كل انسان فينا يمر بهاللحظات...لحظات ضعف وطفش
لحظات تحسين ان وانتي متوفر لك كل شيء ودك تهجين من عالمك

لكن قولي لنفسك..ربي يبغى كذا..ومادام ربي يريد كذا..فربي مختار الافضل لي



:17:

يالله عاد..انتبهي لنفسك وزوجك

والنونو الي ادعي ربي سبحانه انه يتمم حملك ويقر عينك وعين ابوة بشوفته


ويريح بالك ويثبتك


:24: