والله مو قادرة اتحمل اكثر امانة مين جربت حبوب تنحيف ونفعت معها تدخل

السلام عليكم ورحمة الله وبركاته

قبل ما اكتب موضوعي بس حابة اوجه نقطة ليلي حابة تدخل وتقول ليش تجربي الحبوب حرام وتمرض وتسوي مشاكل وووو

ارجوووووووووووووكم مهما قلتوا ما راح اسمع لانه انتوا ما جربتوا شعور الخنق شعور انك تخجلي من نفسك شعور انه طفلتك بنت السبع سنين تخجل منك لما تزوريها بمدرستها لانه امها بين امهات صديقاتها هي الدبة

ما جربتي شعور وحدة تدق على ظهرك من الخلف وتقولك خالتي اذا سمحتي شوي ولما تلفي وجهك تنصدمي انها هي كبر ام امي والتجاعيد ظاهرة بوجها وانا بعدني صبية لكن تسكتي وتبلعيها لانك دبه وشكلك عجوزة فعلا

لانك ما جربتي تكوني ماشية بالشارع تحدقي بالملابس للصبايا وتتمني تلبسيهم وانتي صبية لكن تستحي حد يشوفك بتحدقي لهذي الملابس حتى ما يضحك عليكي وما جربتي تفوتي تسألي عن قياس بلوزة او عباي او غيره وينظر الك صاحب المحل من فوقلتحت ويقلو لمين الك ما عنا للاسف

ما جربتي تستحي تفوتي المطعم مع زوجك وتشعري انه كل الناس تحدق فيكي انه اوف شوجايه هالدبة تاكل ويكون المطعم رومنسي وانتي فعلا جاية لجوه الرومنسي مو للاكل..

ما جربتي تتهربي من كل الحفلات واللمات والمناسبات والزيارات لانك خجلانة يقولوا اوف مالك دبدبتي بالهشكل...


ارجووووووكم والله طالبة النصيحة من حد جرب وفعلا الان مرتاح

هو خطر ومضرة الدوا لكن السمنة يلي انا فيها ماهي مضرة؟؟ برضوا مو انه ممكن اموت من سكته قلبية او ارتفاع بالضغط او جلطة او غيره من امراض السمنه؟؟؟؟؟؟؟؟؟؟

انا اعرف وحدة معرفة جيدة كانت مثلي تخينة بين اخواتها الممشوقات وماخلت شيء بالاخر قالت راح ابلع ادويه حتى انحف

وفعلا بدت تاخد علاجات تنحيف البنت بدت فعلا تخف وتنحف لكن هم بعد فترة رحلوا يعيشوا لمنطقة اخرى ومر الوقت وشفناها بعد سنة ما عرفناها اساسا هي عرفت حالها والله صدددددددمة بنت جميله ممشوقة ناعمة حلوة انييييييييقة نفسية عالية لكن للاسسسف كحال الكل يستفيدوا وما يفيدوا ما رضيت تحكي سرها...

كلي امل فيكم تحكولي مين افضل علاج..

علاااااااج يفيد نفسي اكون بالصيف هذا ام وزوجة وانثى لها وجود ولها كيان وثقة...