لا بد من وجود بعض السكر البودرة .....................كمية قليلة مثل ملعقة واحدة أو 2

ولا أنصحك باستخدام الكريم شانتيه (الدريم ويب) معها ..............كريمة الخفق منتج طبيعي فلا داعي بأن تضيفي عليه منتجا صناعيا يقلل من فائدته ...................ولاحظي أن بعض الأبحاث تشير الى أضرار محتملة للدريم ويب ..................ورغم ان هذه النتائج ليست مؤكدة تماما الا أن الكثير من المؤسسات الصحية توصي بعدم اطعام الأطفال الكريم شانتيه (ومثله اي منتج يحتوي على مكسب اللون E102 ..............ومنها المشروبات الغازية البرتقالية اللون والصفراء أيضا على ما أظن ومنها أيضا الكريم كراميل الجاهز وما شابه) ................عذرا لخروجي عن الموضوع ولكني بالفعل أستخدم هذه الكريمة في أي حلوى يأكل منها ابني ...............أما بالنسبة لي فمن الممكن أن آكل الكريم شانتيه احيانا
لا تخافي ............جربيها بالسكر البودرة وستنجح إن شاء الله

كريم ويب من كي دي دي
انا استخدمها روووووووووووووووووووووعة عن تجربه
اخلطها في الخلاط مع ماعقتين سكر بودره الىتنتفش
واستخدمها على طول
قبل كم يوم استخدمتها وزينت بها كيكه بالشوكلاته طلعت جنان
وانشاء الله تظبط معك
المهم لازم تخفقي على الدرجة المتوسطه حوالي 4 الى5 دقائق

بالنسبة للكريمة أنا استخدم الكريمة السائلة من KDD ، جد روعة بس اضيف لها سكر بودرة وشوية فانيليا والله تطلع جاااااااااامدة والصور تشهد :) ..

أللي في الصورة مو كريمة خفق هذي كريمة دريم ويب
كريمة الخفق تكون سايلة نوعا ما وتحصلينها في الثلاجات
مثل الحليب الطازج بس كاتبين عليها كريمة خفق

السلام عليكم ورجمة الله وبركاته
ما شاء الله على المعلومات الحلوة
جزاكم الله كل خير خواتي
جعله الله في ميزان حسناتكم

بس شوفوا خواتي بخبركم بشيء جربته وسمعته وعرفته من الخبرة والأخطاء ووووو

واذا اخطات فياليت تصححولي لكن هذا اللي فهمته من التجربة

الكريمة السائلة = كريمة طازجة = فريش كريم = كريمة لباني

كرم شانتي = دريم ويب = كريمة بودرة

طيب

الحين الكريمة السائلة اللي ضربتيها اختي لين ما طلعت روحها هذي الحين ما صارت كريمة
تعرفين شو هذه

هذه زبدة
واللي فصل منها ارميها لكن لا ترمين اللي لونها اصفر هذه زبدة استخدميها في الحلويات وغيره
زين الين الحين

طيب

الكريمة السائلة

لكل 1 كيلو كريمة سائلة (ا ليتر)( 1000 جرام) حطيت لج كل الأوزان
تحطين 80 جم سكر (ممكن الاستغناء عن السكر لمرضى السكر او للي ما يحبها حلوة وتطلع مثل اللي فيها السكر عادي نفس الشيء ونفس القوام)

طلعي الكريمة من الثلاجة ورجيها اشوي وحطيها في الخلاط وهي الدور حطي عليها السكر اشوي اشوي لكن مو اطولين وتاخذين راحتج وايد وانتي تحطين السكر
لا اختي يعني حطي السكر لكن لا ادبينه دب في الكريمة وهي الدور
انزين اختي

وبس وخليها الدور ومن تشوفينها مسكت اشوي وقفي الخلاط والمسيها بايديج علشان تتاكدين من سماكتها
اذا شفتيها رخوة اشوي ويبيلها اشوية ضرب اضربيها بس ثواني او دقيقة وبس

تعرفين انا متى اعرف متى اوقف من تطلع مثل شكل الأمواج او التموجات على سطح الكريمة من تطلع هذي الأمواج او التموجات على السطح طبعا تكون في البداية خفيفة بس من تخلينها ادور بعد اشوي راح تشوفين التموجات تكبر وتبان خلاص اهني وقفي لا تضربينها اكثر

لأنج اذا زدتي حبة بعد راح تتكسر وتتخثر معاج وبعدين راح تفصل

اذا ضربتيها اكثير راح تفصل منج وتكون زبدة

المهم حطيها اشوي في الثلاجة قبل الاتسخدام

ان شاء الله تستفيدون من المعلومات