وزني كبير واحتاج تمارين اقدر اسويها

وعليكم السلام ورحمه الله وبركاته
حبيبتي انتي 💓
اولاً ابدي بتخفيف الأكل يعني اذا انتي تتغدين صحن كبير صغري حجم الصحن لحجم متوسط وعبيه مره وحده
العشاء لا تتعشين فقط زبادي خالي الدسم مع خياره مبشوره عليه
-
نامي بدري ولما تقومين الصبح اول ماتقومين اشربي كوب ماء متوازن لاهو بارد مرهه ولا حار مرهه
وبعده بربع ساعه افطري فطور متوازن يعني مكون من بيضه مسلوقه - 2 توست بر او خبزه نخاله ومعه عصير سيزر اناناس - الشاهي والحليب ابتعدي عنهن تماماً

واذا انتي ماتحبين تنتظمين مثلي 😓
جربي رجيم النقاط او السعرات الحراريه

اشربي سوايل كثير

والرياضه
اول شي حددي الأشياء اللي بتنحفينهن
يعني اذا مضايقتس البطن ابدي اللحين بتمارين البطن ثلاث مرات بالأسبوع

التمارينات الثقيله والمتعبه ابتعدي عنها لأنها هي اللي راح تخليك تتحطمين صدقيني
جربي التمارينات المبتدئه او اللي تجيتس خفيفه مره

بعد ماتنزلين 10 كيلو اعملي رياضه وامشي
لان مع وزنك العالي خطر عليك من الاحتكاك
انا مره سمعت اللي وزنهم عالي مايبدأون بالرياضه
الا بعد ماينزلون 10 كيلو
بس بالنسبه لوزنك مدري يمكن الاحسن توصلين 100
بعدين تعملين رياضه

من تجربتي سيبك من كل الرجيمات و ابداي فقط بتخفيف الاكل بالتدريج و الاكل يكون مو دايت لا اكل بيت العادي و اذا جبتو اكل من برة عادي كلي بس برضه كمية بسيطة و بالتدريج قللي الكمية و بطلي المشروبات الغازية مرة و اشربي بدالها موية او عصير برتقال مو لازم طبيعي حق المراعي او ندى او نادك كويس برضه و خلي عشاك بعد ما تصلي العشاء مباشرة و بعد اتهشي و ريحي ياعة او نص ساعة و البسي عبايتك و على الشارع ما تقولي مافي مكان للمشي. لفي حوالين العماير و او سور بس اهم نقطة اهم نقطة مشي سريع و تحسي نفسك بينقطع لا تخافي ما راح تموتي ههه هذه اهم نقطة و المدة ابداي اول اسبوعين بعشرين دقيقة و زوديها على حسب ما يناسب ركبك و جسمك طبعا اول ما تبداي تمشي امشي ببطئ و بعدين زودي سرعتك حبة حبة لين تبداي تسمعي ضربات قلبك و اعرفي انك بديتي تحرقي دهون و بعد ما ترجعي البيت روجي خذي دش و سوي لك كاستين عصير ليمون بارد بدون اي اضافات بس تعصري ليمونتين في كل كاسة كبيرة و اشربيهم و بعدها لين وقت النوم اشربي فقط سوايل موية او اعشاب كمون شاهي اخضر اي شي بس بدون سكر و سوي هذي الطريقة شهرين و الناس تبدا تلاحظ نزولك و الوزن ينزل حبة حبة و نتايجها حلوة انا جربتها شخصيا و دهوني كانت متركزة على البطن و بطني صارت طبقة وحدة و صغرت و مقاسي اتغير من xxl الى m و حملت ووقفت و طلعا اساس رياضتي عشان كنت متاخرة حمل 10 سنين و مجرد نزل وزني حملت سفتي كيف الرياضة صحة و اهم شي الارادة و كمان نصيحة لا تسوي اي وجيم راح تنهاري لانك راح تشوفي اللي حولك يأكلو و راح تتعبي و تحسي بالظلم و النقص بس بالتخفيف عادي كلي معاهم بس خففي و حتى لو صارت مناسبة او جمعات تاكلي عادي قدام الناس مو تحرمي نفسك و التمارين امشي لا تسوي تمارين تانية حاليا لانه وزنك كبير و صعب تتحركي و راح تحسي بالام في الركبة و تتعبي بس امشي و لما ينزل وزنك بعدها اذا حابة تسوي تمارين عادي و ربي ينحفك يا رب و ترى حلو كمان في رمضان تخففي لو رجيم راح تضطري تخبصي في رمضان و بالتوفيق

لو في اخطاء سامحيني اكتب بيد و التانية اوضع بنتي بس حبيت اساعدك لاني عانيت من السمنة