وش اسوي ماني قادره احدد مصيري

وش اسوي يبنات اطلب استشارتكم انا محتاره لا اكل ولا انام
ولا ني قادره اتخذ القرار الصح يارب مهمومه انتوا كلكم تعرفون
وضعي مع زوجي انا في عذاب نفسي معاه لي عشرين سنه
حالي حال اي كرسي بلبيت صبرت علشان عيالي والحين
كبروا ماشا الله تبارك الله عندي بنتين ولدين بس يوم شفته
مو كفوا ولا يتحمل المساوليه ماكثرت انا اتصلت علا اهلي
واستشرتهم كلهم ولاوول مره يتفقوا كلهم انه خلاص كفايه
ذل وحرمان ولازم تطلقي منه حتا ابوي وامي طبعن انا طول
وقتي في البيت ربيت عيالي الحمد لله احسن تربيه ولحالي
ماكان له اي دور في حياتنا اناالكل بلكل في حياتهم كنت لهم
صديقه مو ام وكانت نتيجة تربيتي لهم بنت وولد جامعيين
وبنت الثانيه متوسط وولد ابتداي انا مخططه اروح العطله
ازور اخوي وماني راجعه عيالي مايدرون عن تخطيطي
هذا بس انا واهلي احس ضميري يانبني عليه  ولدي الكبير
امس جايبلي عطر هديه والصغير ماينام الا بحضني وقلتله
لو اروح لاهلي واتركك وش بتسوي قال والله ماسامحك 
ولاابي اشوفك مره ثانيه والله دمعت عيوني من كلامه وش
اسوي محتاره اجلس مع ابوهم علا الضيم والقهر ولا اروح
يناس نفسي عافته يطلع النهار ويرجع الليل يبي حقوقه
كنت اغصب نفسي بس معاد لي نفس اطالع وجهه نفسي عافته
وعلي ذنب اخر مره طلبني ورفضت وش اسوي مالي حقوق
عنده ومابينا اي كلام ولا حوار ولا نقاش انسان عيش عيشة حيوانات
يفكر الحياه الزوجيه جنس بس مايدري ان الحياه الزوجيه
موده ورحمه والله مو قادره اتحمل كل مارفضته حبسني

في البيت وزادت المشاكل مو قادره اغصب نفسي عليه
النفس اذا عافت خلاص ماقدر اخذ عيالي معي بعد الطلاق

لانه اقشر ومارح يخليهم لي والمشكله مارح يكون قدر المساوليه