موضوع حلو

وقصص تضحك وتحزن

الله المستعان

وان شاء الله ما يلزمنا الطلق الصناعي أبد..

يارب نسألك هون الطلق ويسر الولادة

يارب..

الله يعين و يستر .. انا ولادتي الاولى قيصرية الحبيبة ما حسيت بشي و كنت فرحانه بس الثانية كانت طبيعية و تميت اصيح و اصارخ و اقول لهم كيفي ابي قيصرية و الا بموت و هم ولا على البال كل ما قلت شي الدكتورة تقول عادي لانه يعتبر اول مرة .. تميت من 4 الفجر لين 11:30 بالليل بس كان تاريخ 1\1\2006

بصراحة موضوع جدا رائع (فتحتوا جروحاتي )
بقولكم قصة ولادتي بس ابغى من كل وحدة تقراها انها تدعيلي أحمل هذا الشهر والله انا بحاجة لدعواتكم ياحي ياقيوم ترزقني بالذكر الصالح البار ياحي ياقيوم :26:
معليش طولت بس خلاص ببدا
أنا بكرية وكنت كل ما جاني مغص شوي اخاف وارتجف واقول ولادة وبعد شوي يروح ولا كأن في شي المهم في اخر يوم بالتاسع وماشاء الله على دكتورتي حسابها مظبوط مية بالمية وعند صلاة الفجر ولافيني الم ولااي شي كانه يوم عادي بس جاني ايمان قوي وثبات اللهم اسالك الثبات الدائم يارب المهم ويجي في بالي حديث الرسول ( بمعناه ) صلي صلاة مودع واقوم واتوضا واصلي وانام من جد غرقانة في النومة ومتهنية فيها ولا يجيني ذاك الالم صحيت وما ادري وين ربي حاطني اناظر الساعة ولا توني نايمة الساعة6 الصباح وارجع احاول انام بعد عشر دقايق ويجي الالم قلت لا شكلي بولد واقوم ارتب البيت (على بالي اللمسات الاخيرة ):42: واغلي كاس قرفة وانا ادور اصحي ابو الشباب ولا هو راضي يصحى لاني لعبت عليه مرتين قبل كذا كنت مستعجلة ابغى اشوف شعوره بس انقلب السحر على الساحر :09: المهم ما رضى يصحى وادق على امي الساعة 7 واقولها تجهز نفسها واصحي زوجي وادخل اخذلي دوش بس الطلق صار كل 5 دقايق مدري ليش جاني حامي مرة مع اني بكرية المهم يوم لبست وخلصت ولا القى السيد قاعدلي بالصالة يقول وش البس ابغى استقبل الامورة بلبس حلو ويطنز اعصاب باردة المهم رضيته بلبس بعد نصف ساعة من الاخذ والرد راح يجيب امي وقعدت اقرا قران شوي على بين ما جاء وانا خلاص الطلق كل دقيقتين جات امي ورحنا للمستشفى فحصتني الدكتورة وقالت 4 سم
طلعوني الغرفة وممرضة رايحة والثانية جاية ابرة طالعة وابرة داخلة المهم صارت 10 الصباح ورحمي مفتوح 6سم بس تجي الدكتورة وتعطيني طلق صناعي على بالها تساعدني بس ضاق صدر البيبي وصار لازم احط اكسجين وصارت تهدد بحياة الجنين واذا شلت الاكسجين شوي تقول البيبي لا ولي ضايقني اكثر ان ابو الشباب يبكي وحاط يده فوق جهاز الاكسجين كانه خانقني ويترجاني ما اشيله خايف على البيبي المهم فتح الرحم 9 سم وبع التوسيع والمد واجزر قالت الدكتورة لازم تولدي قيصري وبسرعة طاروا فيني الممرضات والله ساعتها طار الالم ولا حسيت بشي ودخلوني غرفة العمليات تخدير وولادة والحمد لله جت سليمة ومثل القمر بس اللي قاهرني بعد كل ذاك الالم وماشفتها الا عقب ماصحيت كان ودي اشوفها لما نزلت بس ان شا الله الثاني بنات الله يخليكم ادعولي

أم أمورة

الله يعطيكي ويعطي كل محرومة يارب,,

والحمدلله على سلامتك

بس الي استغربه انه بنص قصص البنات

اشوف الدكتورة ما تصدق وحده تتألم وتعطيها طلق صناعي

انا بإذن المولى عز وجل ما باخذ طلق صناعي ولو بقيت أولد ساعات وأيام المهم ما أعمل شي

يكون له نتايج مو مضمونة,,

الله يسترها معانا


دعواتك يا غالية.

:26:

up