ولدي جابلي الجنان كرهني في عيشتي

يابنااااات ولدي جنني توه دخل صف اول ابتدائي
ولدي شقي مرررره مره كل المعلمين والطلاب يشكون منه كل يوم يرسلي احد المعلمين يشكون منه
يرسلون لي مع اخوي يقولون قل لأم فلان تعلمه يحافظ على النعمه ويحترم الغير
يابنات ولدي يرفض ياخذ فطوره من المدرسه وانا اعطيه مصروف 5 ريال يشتري ساندويشت ويشتري عصير و3 ريال يشتري فيها اللي يبغاه مع اني اعطيه بسكوت او كيك من البيت ومويه
يروح يشتري ساندويشت ويحصل فيه بيض ويرميه ويشتري ثاني ونفس الشي ويرميه
ويشتري شيبس البطل ياخذ البلبل منها ويرميها
واحيانا يسرق فلوس من البيت ويشتري اكثر واذا ما اعطيته يطلب من اخوي في صف خامس او ياخذ مع اي واحد من الاولاد
ولد عمته معاه في نفس المدرسه بس في فصل ثالث او رابع المهم ولدي سحب مصروف الولد وقطع ريالاته ورماها
ويضارب في المدرسه وشقي مررره
ومايسمع كلام الاستاذ ومايجلس وقت شرح الدرس يجلس يناقز من فوق الطاوله ويطلع لدورة المياه بدون استأذان والحفظ مره ضعيف فيه مايجلس يذاكر الا بالقوه جبته بالطيب والمدح والهدايا ومافااااااد بالقوه اذاكرله
ويسرق من البيت فلوس 10 او 5 زياده على اللي اعطيه ويشتري منها ويرمي الاكل ويقطع الباقي والله العظيم كل الناس يتكلمون عن شقاوته ودلعه الصغير قبل الكبير يتكلمون فيه
يابنات ولدي قبل مايخش المدرسه كان ضعيف شخصيه ينضرب من الاولاد اللي في سنه ويجلس يبكي ويرمي عليهم الحصى ويرجمهم بأي شي قدامه ماكان واثق في نفسه ويخجل مرررره
الحين تغير صار شقي وعنيف ويتفاخر بالغلط يعرف ان اللي يسويه غلط ويتفاخر فيه بس لو يضربونه يجلس مكانه يبكي ويرمي عليهم الاكل او اي شي قدامه ويطلع حوش المدرسه ياخذ حجر ويحذفهم فيه
بعد الطابور مايرضى يدخل الفصل يجلس عمه يطارده عمه معلم معاه في نفس المدرسه
والاستاذ متساااهل معاه
ولدي عنده فتق في السره من لما كان عمره شهر ابوه مارضي يصلح له عمليه يأجل وانا خايفه عليه يضربونه على بطنه هو نحيف مره هيكل بدون مبالغه
المصيبه يابنات عاقبته في المصروف لانه يشتري اكل ويرميه صرت اعطيه ريالين بس واعطيه مويه من البيت وكيك او قطعة شوكلاته امس اشترى ساندوشت وعصير بريالين وخلصت فلوسه وطلب من البائع في المقصف انه يعطيه شوكلاته ورفض البائع لان ماعنده فلوس واصر عليه والبائع طرده ولدي استغل الزحمه وسرق 4 حبات اكل منها 3 حبات وجابلي وحده في البيت يقول هديه لي جلست اسحبه في الكلام لحد ماقال انه سرقها اول شي قال حصلت فلوس مرميه واشتريت فيها شوي وقال امزح امزح سرقتها بس لاتعلمين بابا انجللللللط منه وعاتبته وضربته وكلمت ابوه ورفعت الشوكلاته بعيد قلتله هذي حرام واكلها حرااام ربي بيعاقبنا عليها ويدخلنا النار بكره لازم تسدد قيمتها وجلس يبكي يبغاها وطلع فوق دولاب غرفة النوم يدورلها يالله انه نزل جلست اتحايل عليه ونزل يضربني وانا زعلت منه ورحت جلست بعيد عنه جاء يكلمني ويضربني شفته تمادى معاي وضربته قلتله امك لاتضربها ربي بيعاقبك وجلس يبكي طفشني ماعد اعرف كيف اتصرف معاه وكتب المدرسه قطعها ويخربش فيها فكرت اني افصله واخليه للسنه الجايه اذا كمل 7 سنين على الاقل يكون كبر وان شاء الله انه تعلم من اخطائه لاكن حرام اضيع سنه من عمره ماطاوعني قلبي
وابوه يكلمه ويضربه مره وخلاص مايتناقش معاه ولا يفهمه خطأه يجلس يصارخ عليه ويضربه مره وخلاص


انصحووووووووووني كيف اتصرف معاه عجزت فيه
والضرب مايجيب نتيجه فيه جابله خوف ومافاد
مع العلم اني اضربه ضرب تأديب مو عنيف
ابوه كان يضربه بقوه ضربه على راسه بيده ومره على مره وضربه على ضربه صار يرمش بعيونه بسرعه وحذرت ابوه من ضربه بالطريقه هذي وانتقل للوجه عشان كذا ما اشيش ابوه عليه اذا اخطأ اقوله كلمه فهمه لاتضربه ابدا لانه يضرب بعنف
ولو الضرب يجيب نتيجه كان استفدنا منه لاكن مافي امل
انا يأست من صلاح ولدي لحد الحين كرهني في المدرسه وفي الساعه اللي سجلناه فيها والله يابنات اني اجلس مهمومه طول وقتي شايله همه في دراسته وحياته الاجتماعيه اذا بدايتها كذا ايش بيصير بعدين
ادعوووله بالهدايه تكفوون