السلام عليكم . اشتقتلكم ولسوالفكم . صارلي زمان ما كتبت شي بس أنا أفتح المنتدى وما أشوف أحد يكتبلي ويصيبني الكسل وأحيانا أقول بس خلاص كافي تراهم ازهقوا مني . على العموم حبيت أخبركم عن آخر أخباري . للحين مافي شي يسر القلب الحياة مثل ما هي مملة جدا وخصوصا حياتي أحسها مو طبيعية مثل البشر . أنا قاعدة أحاول أطبق كل اللي كتبتوه بس العيب مو فيني لقيت إذا مافي تشجيع صعب بروحك تتغيري لأن كل اللي حواليكي يحطمونك وين اللي يشجعك علشان تكملين المشوار . يعني آخر شي صار يوم الخميس الصبح يا فتاح يا عليم زهبت الفطور وهم قاعدين سألوني منو مسوي شوربة العدس قلتلهم الخدامة ( لأني قاعدة أعلمها شوي شوي على شغلات بسيطة وقت الضرورة بدل ما هي قاعدة تدليك وتشوف تلفزيون ) المهم أخوي وزوجي صاروا يضايقوني بكلامهم يعني يقولون والله الشوربة طيبة ليش واااايد حلوة شذي قلت يعني منو معلمها شنو جت من ديرتها متعلمة خالصة ويزيدوا من هالكلام لحد ما تضايقت وقلتلهم ليش كل شي هي تسويه عندكم شي ولما أنا أسوي شي ولا أحد فيكم يشكرني أو يقولي هالأكل طيب ودي أحد فيكم يشكرني على تعبي يشجعني يقولي شي وتركت المكان وما كليت ورحت الغرفة وظليت أبكي من القهر وهم يضحكون على سخافتي . وبعدين زودوها وياي وزوجي جاب الكاميرة الفيديو ويبي يصورني وأنا أبكي وأخوي يتكلم أكثر علشان أعصب أكثر وبعدين لقيت زوجي مستانس من التصوير شان أقولة اسمع وسجل اللي بقولة لك إنت إنسان ما تعرف شعور المرأة إنت صفر ما تعرف شي عن المرأة واشلون تعاملها وإنت إنسان مو عادل وما تعرف تعدل وبهاللحظة شان زوجي يتضايق ويزعل وسكر التسجيل وقالي راح أوريك على هالأسلوب وراح أوريك اشلون أنا مو عادل وظل زعلان وما يبي يكلمني وصار مثل أول وتضايقت زيادة لأني ما أعرف اللي سويته صح ولا خطأ واشلون أصلح خطئي مع إنه صعب . صراحة ما أدري اشلون طلعت معي شذي يعني هالشي اللي صار مو علشانهم مدحوا بطبخها لأ مو شذي قصدي بس كله تراكم فوق راسي من قعداته وياة لآخر الليل وهالتدليك وما أقدر أقعد وياه براحتي ولا أقدر أحضنة أو أبوسه وقلتله هالكلام وقالي أدري لأنها إنسانة خبيثة . أحيانا أستغل فرصة إنها بالحمام وأروح أحضنة وأقولة شنو هذا مو قادرة أسوي شي على راحتي زهقتني وهو يهديني ويقولي أدري . يعني أنا متزوجة 17 سنة ودي أسمع منه شي يسر الخاطر يشجعني علشان شذي تضايقت لأن أي شي تسويه واو عندهم شي ولا بالأحلام وعيني عينك صراحة شي واااايد زايد عن حدة . هذا سبب الكلام اللي خليته يسمعة مثل حالة انفجار صار عندي وهذا غير الكلام اللي كانت تقوله لي هو ما يبيك هو ما يحبك هو وهو ووووو لحد ما نفخت راسي بالآخر قلتلها ما أبي أسمع ولا شي من اللي هو يقولة احفظيه لنفسك مو ضروري أعرف شي أنا أعرف أكثر منك ولو ما يبيني شان من أول طلقني وسهل على الرجال يطلق ومن يومها ما قامت تقولي مثل أول لأني هم أعرف إنه غرضها تضايقني وتبعدني عنه . صراحة يا خواتي زهقت واللي يزيد غضب إنه يقولي ليش ما تشجعينها علشان تسوي بعد مو أحسن ما تقعد على التلفزيون وما تسوي شي . أقوله روح أسألها اشلون أعاملها شنو عبالك أزفها ولا أسمعها شي زين طبعا لأ أنا من النوع اللي أشكرها وأشجعها أكثر منك إذا شفتها سوت شي زين وخصوصا الطبخ أنا ما أغار منها لأني أنا معلمتها أشلون تفكر بهالأسلوب شان ما علمتها من أول .
ما أدري يا حبايبي شنو هالحياة اللي أنا فيها بعد شم ساعة حاولت أعتذر منه وأشرحله ليش أنا سويت شذي والكلام طلع من عصبيتي وإنت استفزيتوني اشلون تبيني أتصرف . بس ما رضى يسمع وقالي بعلمك وللحين زعلان وما يبي يكلمني . قولولي وين الخطأ تراني بجن من حياتي . وسامحوني على المماطلة .

سلام عليكم اختي العزيزه اشلونج وشلون البنوتات الحلوات انشاء الله كلكم بخير
والله يااختي الله يكون بعونج ويصبرج على ما بلاج ... ( المؤمن مبتلى ) والله كل مااقراء اخبارج ادمر واموت قهر عليج وعلى وضعج بس من نرجع الى ايماننا برب العالمين واهل البيت عليهم السلام نرتاح ويزيد ايماننا بالله ونتمسك بالدعاء والصلاه اهم شئ وقراءه القران هي الي تزيل همنا وقهرنا .. حبيبتي افتحي قران تسجيل دايما بالبيت هم تسمعون وهم يزيد ايمان الي بالبيت وهم يذهب عنكم كل مكروه وشر قادر ياكريم
ميخالف حبيبتي صبري واحتسبي الاجر من الله تعالى ومع هذا لا تسمحي لهم بايذائك والاستمرار باهانتك ... وان ما قمتي به من تصرف كان عين الصواب وكان لازم اكثر تصرخي بوجه وتشعريه بالذنب انتي مش غلطانه ابدا وماكان المفروض تعتذري منه كان لازم تضلين قويه بموقفج وصلبه لانك مو غلطانه ومحد يلومك على تصلرفك السليم.. ولا تهتمين له يعني قابل شنو رح يسوي اكثر من الشئ الي مسوي بيج الله واكبر..
وبعدين انتي مو قلتي انك ما تخلين الخدامه العقربه تطبخ لكم .. ليش تتعلميها الطبخ ؟؟ وتخليها تطبخ وياعالم شنو تخلي لكم بالاكل وتسحر بيه زوجك واخوج وبناتج .. اتركي عليها شغل البيت كله وعليج الطبخ واتفرغي لنفسج واهتمي براحتج ونفسيتج لا تفكرين باحد غير بس بنفسج ..
محد بيستاهل منهم .. والله لو منج كان اطردها واطلب من زوجك ان يطردها وحتى لو مكلفتكم كنوز الدنيا اطردها واطلعها من البيت وارتاح اهم شء راحتج احسن مما يصير بيج شئ وبعدين الندم ما يفيد وهم المرتاحين ومتونسين على حساب راحتج
وانتي ضلي على موقفج الصلب والقوي ولا تعتذرين لاحد وحتى لو خطائتي لا تقولين لهم انك خطئانه سوي مثلهم يحيرون شيسوون بيج وما يعترفون بخطئهم ..
واهم شئ الدهر والا مبالاه وامري وانهي واصرخي على الخدامه ليش خايفه من حقج .. ولا تخليها مع زوجك بالليل علمود التدليك والله رح تمويتينا انتي ماما لا تخليهم وحدهم حتى لو زعلانه اوكفي فوق راسهم الى ان تنتهي وتطلع اصلا غرفه نومكم ما المفروض تدخلها ابدا .. الله واكبر واستغفر الله على كل حال
واحد ماادري شنو يقول ويكتب من حرقه دمه وانتي ولا كانما خايفه من شنو خايفه .. زين اقولج انتي تكدرين تتكلمين مع اخته او احد قريب له تسري بيه على تصرفاته حتى يكون عندهم علم على تصرفات ابنهم ويلومه بكل شئ .. وثانيا انتي ما تكدرين تتصلين باختك بسكوت من غير محد يعرف وتحجيلها وتشكيلها همج حتى تخفف عنج وتعلمج بعض الامور .. وهل تستطيعن ان تستعيني برجل دين عن طريق اي احد وتحجيله وتشكيله تصرفات زوجك لان تصرفات زوجك كلش حرام الي بيقوم بها معاج وحرام على نفسج لانك بتاذين روحج لا بد من تصرف ما ..وارجع واقول ميخالف حبيبتي اصبري وتحملي ولكن لا تقفي مكفوفه الايدي لانك بتنهارين قومي باي تصرف وهذه الخطوه الاولى انك صرختي بوجهه ونبهتي على تصرفاته وكان المفروض اكثر بعد ولا تعتذرين منه لانك مش غلطانه زين حبيبتي .
وحتى لو قالوا ان طبخها طيب انتي كان تتحملين وتطغطين على نفسج وتضحكين معهم وتقولين اي صحيح طبخها طيب بس لو مااني ماكان سويته جذي وتقولين لهم بعد اذا التلميذه سوته جذي طيب لعد الاستاذه اذا تطبخه شون بيصير يمكن تاكلون اصابعكم وراه ... يعني اداهرين بيهم مثل ما بيداهرون بيج واكثر وانتي المنتصره ..
والان هو زعلان منج غير ... خليه ميخالف انتي المرتاحه بس بعد ما تتصرفين كالاتي
اولا ما تهتمين له وتلبسين وتتمكيجين وتتريحين وتكعدين مع بناتك وتلعبيهم وتشاهدون تلفزيون وتضكين بالبيت مع البنات ولا تحاتين اي احد منهم وتكونين شديده وصلبه مع الخدامه ولا تسمحي لها بالجلوس بالغرفه لوحدهم ابدا واذا دخلتي الغرفه وشفتيها معه اطريديها وقولي له هذه غرفتي ومن حقي تريد انت اطلع من الغرفه ونام مع البنات او بالصاله .. يعني تفنني بالكلام معاه بس مش بعصبيه لالا بصوت حلو ولين وناعم كانك بتمزحين حتى لا يعكر مزاجه وتنصر الخدامه من جديد هذا التصرف الي بشوفه صحيح وسليم واتمنى البنات اي الاخوات الي بالمنتدي يجابون عليج ويقولون ان كان يؤيدوني بهذا التصرف ام لا ..؟ بارك الله بيهم وبيكي اختي
هناك الكثير من الكلام بس مااريد اطولها بعد وارجوا منك الالتزام بمواقفك والالتزام بالدعاء والصلاه اكثر واكثر وانتضر منك الرد ..
وانشاء الله خير

هلأ والله بطيبة القلب . زمان والله ما كتبتيلي . شنو أخبارك إن شاء الله تكوني بأحسن حال آمين. مشكورة حبيبتي على انفعالك وأنا فاهمة كل كلمة كتبتيها وأدري إنك مقهورة علي مشكورة حياتي إن شاء الله ما تنقهرين على شي بحياتك ولا يصيبك مكروة بإنسان تعزينة وتحبينة أأأأأأأمين. الأيام اللي طافت عيني ما نشفت من الدمع كله أبكي ونفسيتي تعبانة على الآخر وما لي خلق أسوي شي بالبيت والمسكينة بنتي الكبيرة عندها امتحانات ولازم أقدر أدرسها عدل والله قاعدة أحاول بس علشان البنات ودراستهم لكن يصير شي وأشوفه بعيني وأنقهر وما أقدر أتحمل وخصوصا تصرفاتها والله شنها زوجته الحين صارلي يومين ما أكلمها إلا للضرورة وهي حست إني متضايقة منها ومن تصرفاتها معاه وسألتني اليوم ليش أعصب إذا شفتها تقعد وياه ورديت عليها بوجه ناشف وأزورها بعيني قلت شوفي نفسك بالأول وبعدين تعالي اسأليني قاعده تتصرفين تصرفات بدون احترام وشني مو موجوده شنو إنت ما تعرفين وضعك بالبيت منو إنت . وصارت تتعذر إنه هو اللي يناديها وهي يعني مثل عبد المأمور وما تقدر تقول لأ وهو اللي ييجي عندها مو هي اللي تروح ومن هالكلام بس أنا ما طولت وياها بالكلام وتركتها وشفت شغلي . واللي يضحك تقولي إنت دائما تقعدين وما عندك شغل لازم تتحركي أشوفك كسلانه لما يروحون تتمددي وبعدين تتسبحي وتقعدي على الكمبيوتر وما تسوين شي وبعدين تطبخين لحد ما يون وكل يوم على هالموال قلتلها شنو تبيني أسوي وليش أشتغل وإنت موجوده شنو من كبر البيت وهذا شغلك مو شغلي إذا أنا اشتغلت إنت شنو تشتغلين هذا مو شغلي . وأحيانا تلاقيها متضايقة وزهقانه خصوصا إذا كنت متهاوشة مع زوجي يصير البيت كريه وتلاقيها تبكي ومعصبه وتسمعك إنتوا بيتكم كئيب ما في حركة أنا ما أحب هالحياة شني في مقبرة وقاعدة أموت عندكم أنا أحب مخي يشتغل مو شذي كل يوم نفس الشي نفس الروتين . ( والله حالة ) لازم تتغيرين علشانهم بعد !!!!
مثل ما قلت أنا علمتها شوي شغلات بسيطة جدا وقت الضرورة لأني بهالأيام قاعده أروح مع بنتي الصغيرة للمدرسة مرة عندهم حفلة ومرة يوم مفتوح ومرة أساعدهم على التدريب يعني الحمد لله شوي في حركة . وأرجع ماكو وقت للطبخ فهي تكون بس شاوية الدجاجة ومسويه عيش وبس وشوربة عدس وسلط وسلامتك هذا اللي تعرفه .
ومشكورة حبيبتي مرة ثانية ولا تقاطعيني الحين ترى أنا محتاجتك حتى لو بس سطر واحد .

سنيورة الأفندي مشكورة على ردك وتجاوبك وياي وأنا مو زعلانة من كلامك لأنه صحيح وأنا على علم بهالشي بس شنو طالع بإيدي اشلون تبيني أسفر الخدامة مو مشكلتي الأساسية ضعف الشخصية ولهالسبب كتبت بهالمنتدى عسى ألاقي شي يساعدني وصرت أقول كل اللي يصير عندي بالبيت لأني ارتحت من كل الأخوات اللي يراسلوني وكانوا يخففوا عني . والله العظيم والله يشهد علي إني ما أبالغ بالعكس في أشياء وايد بس أخجل أقولها بصراحة بس صدقيني مو طالع شي بإيدي زوجي متسلط صحيح هو طيب القلب بس شخصيته واااايد قوية وما أقدر عليه قبل أسبوعين رحنا عند جماعة وزوجي عرض عليهم المشكلة لأنا كنا متهاوشين بهاليوم ويبي يفش قلبه وبسرعة الزوجة قالتلي إنتي تخافي منه وعرفت نقطة الضعف عندي علطول هاليوم للفجر قعدنا عندهم وهو يتكلم عن مشاكلنا وأنا طول الوقت أبكي من القهر بس زين إنه تكلم وياهم لأنهم أكبر منا وعشرة عمر وأنا بعد قدرت أقول اللي أبيه . بس هم ما قدروا يقولوله إنه غلطان بمعاملته وياي لأنهم عارفينه وصارت تكلمني إنه بيتي وزوجي هم كل شي بالنسبة لي ولازم أفهمه وأقعد وياه ومن هالكلام . تصدقين اليوم كنت مع أخوي قاعدين نسولف إنه اشلون الواحد معاملته مع الكل مو زينة وخصوصا مع أهلة ويبي التوفيق من الله . الله يرحمنا برحمته . ومشكورة حبيبتي مرة ثانية.

انتي شلوووووووووووووووون عايشه مع انسان كذااااااا؟؟؟؟
لا تقولين صبرر انتي تتنازلين عن اشياء من حقك وهو اللي مقويه عليك عشان كذا مو معترف بحقك ولا مراعي شعورك شغاله اعوذ بالله يدخلها معه وتسويله مساج وانتي ساااااااااااااااااااااكته لا ااااااااااااااااااااااااااااااااااا
والله قصه تشيب الراس وبروده دمك بتجنني اخذيلك موقف بيتك اصلا ضايع ضايع بكل الحالتين فحاولي تصلحي اللي تقدري عليه واجلسي مع زوجك وكلميه بهدووء وذا مانفع معاه ماعليه حسايف الا انك تتعب نفسك عالفاضي وبالاول والاخير انتي اللي خسرانه
اااااااااااااااااااااااااااخ يالشغاله نفسي اعطيها بوكس اطير خشمها لديرتها حسبي الله عليهاااااااااااااا
وماشالله انتي تعصبين وتصارخين وتقدرين تردين على زوجك ومع كذا تقولي ضعيفه شخصيه